عنوان الموضوع : شوفة شرعيه وماادراك ما الشوفه؟ -لصحتك
مقدم من طرف منتديات نساء الجزائر

شوفة شرعيه وماادراك ما الشوفه؟



السلام عليكم ورحمة الله وبركاته

مثل ماهو موضح بالعنوان .. انا لسه مو مخطوبه

لكن الاهل قالوا رح نجيكم اول بعدين الخاطب < اذا اعجبتهم طبعا

سؤالي الحين وش الافضل اني البس للاهل طويل / قصير ؟

والله احترت وامي تقول البسي الي تلبسينه مع اهلك علشان يعرفون انك كذا

وشعري ما اعرف وش اصلح فيه ؟؟ يعني شلون اخليه كذا طايح ولا احط بنسه ؟؟

بصراحه مثل ماتعرفون ان الاهل راح يفصصونك تفصييييييص يعني لازم كشخه شوي

والله مررررة خايفة وماعرف شلون اتكلم معهم ؟؟؟

المهم والاهم الخاطب .. اذا كتب الله اني اعجبهم وكذا

شلون ابس للخاطب ووش المناطق الي المفروض يشوفها ؟ وينفع ضيق ؟

شعري استشورة ولا طبيعي ؟؟ انا شعري شوي غزير بس مرة حاف من تحت استغفرالله

ووشلون اتكلم معه ؟؟ والله ما اقدر حتى اناظرة مدري شلون اقدر اشوفه ؟؟

ووش تقريبا اسألتهم ووشلون اجاب عليهم والله فشششله ><

وربي يا بنات حددددددي متوترة وحتى انا اتكتب لكم الحين

كل شي راح يصير بيوم يعني اول شي لاهله بعدين الخاطب < من كلامهم كذا

عاد مدري ايش الي بيصير ... بنااااااااات ادعولي حدي خايفة وادري الموضوع شوي متأخر

بس بجد محتاجتكمممممممممم يابنات وحريمات < جمع حريم ×) < مب وقته فكييينا

بليييييز بنات والله حتى الموضوع احسه مو مرتب شوي الله يسعدكم

>>>>> ردود الأعضـــــــــــــــــــاء على الموضوع <<<<<
==================================


انا اعرف الشوفة الشرعية حجاب كامل بس وجهك بيطلع
هذا اذا كان عند الرجل الي بيخطبك
اما اذا قصدك اهلة امه واخواتة لا حبيبتي اكشخي مرررة

وربي يوفقك والله يعينك جد شعوور يمغص البطن ههههه بس حلو


__________________________________________________ __________

الله يوفقك خيتو

من الاحسن تلبسي طويل واذا حطيتي مكياج خلييييييييه خفيف
واذا تقدري تستغني عليه احسن حتى تبيني على طبيعتك
وشعرك معليش سشويريه

ولا كثري الكلام اذا سالوك ردي واذا ما سالوكش ابقي مستمعة احسن

اما الخااطب لما يشوفك استري شعرك وخليه يشوف فقط وجهك ويديك

يعني لازم تكوني محجبة قدامه لانه لسا مش زوجك ولايحق لك ان تكشفي امامه

ونسال الله لك التوفيق ياارب ويرزقك الزوج الصالح


__________________________________________________ __________

اكشخي مره زي العادة ماتششيكين : )

الله يكتب لك الخير


__________________________________________________ __________

أختي وقت الشوفه الخاطب هو الأهم
ألبسي لبس ساتر وتحجبي وخلي بداية ونهاية شعرك واضحه
يعني ممكن خصله من قذلتك و أطراف شعرك هذا اللي
أعرفه أما مع أهله خلك طبيعيه وسولفي ولاكأنها خطبه
أنا ما أحب الرسميات هذي ألا أذا أنتي كرآا تهذرين خففي كلام
أسأل الله لك التوفيق


__________________________________________________ __________

اذا جاو اهله
نصيييحه كوني على طبيعتك لبسي فستان ناعم وشعرك استشوريه تقدرين اسوين تسريحه بسيطه او تفلينه
والمكياج خلك عالكحل والماسكرا وروج وردي خفيف وبلشر خفيف يورد وجهك
وبس يكفي لاتبالغين بشكلك بصير شكلك غلط وكانك مفجوعه على الرجال هههههههه

والخاطب اذا جا
على حسب عاداتكم
من اسمها نظره شرعيه حلال يشوف شعرك وجسمك
بس اعتقد ان النظره ماتطول ولها احكام
احنا عندنا عادي تلبس الي بتلبسه وتستشور الشعر وتكشخ كشخه خفيفه وشوفها
مدة دقيقه دقيقتين وخلاص يمشي والي اعرفه حرام انه يلتفت مره ثانيه يحق له يشوفها مره وبس هههههه
وفي ناس تلبس عباة كتف بس تبين شعرها
وناس عباة وحجاب وتكشف الوجه
على حسب عاداتكم
بس الافضل تلبسين شي مستر او عباة كتف وتغطين شعرك بشيله وتخلين اطرافه تبين
وبعدين نصييييحه
مدام ماصارت خطبه رسميه لاتعلمون احد الى لما يشوفك وصير كلشي اوكي
افضل كذا عشان لاسمح الله اذا ماصار نصيب مايتكلمون الناس
وانشالله بكون في نصيب اذا خير لك وربي يوفقك^^