عنوان الموضوع : احبه بجنون .. ولكن !! مجابة
مقدم من طرف منتديات نساء الجزائر

احبه بجنون .. ولكن !!



بسم الله الرحمن الرحيم

السلام عليكم ورحمة الله وبركاته

اخواتي العزيزات ... بعد ان تثاقلت علي الالم لم اجد غيركم
ابثه شكوتي بعد الله سبحانه

انا امرءة عمري 23 ... متزوجة من 5 سنوات تقريبا .. زوجي اكبر مني ب4 شهور بس

تزوجنا عن حب ' وكان عمرنا صغير 18 سنة

بالنسبة الى الاهل الكل يعلق علينا وعلى حبنا الكبير لبعض
مايمر عليهم يوووم ما ينتقدو تصرفاتنا او يحكو لبعض وش صار بينا
الكل تحسوه يراقبنا
حتى الشغالات الي بالبيت ما سلمنا منهم ومن تعليقاتهم

صراحة انا احبه بجنووووون اموت فيه ... بس كثرة تعليقات تقهر
لو يمر يوم طبيعي بين كل المتزوجين وتهاوشنا عادي ... لازم يعلقو بالهم ويعرفون ليش


بيني وبينكم .. بداية زواج الثلاث سنوات كانت جميلة مرةةة و حيل رومنسي ومتفاهمين بشكل كبير ما شاءالله
بعدها هالسنتين الي راحو صرنا نتهاوش ونتزاعل ونجرح بعض
وانا صرت اتعب وايد
بطبيعتي الي احبهم موت يزعلوني امرض
فكيف هووو .. كنت من يزعلني تمسكني لصخونة اسبوع
غير اني حساسة وبسرعة امرض .. وادا رحت عرس ' لابد يوم ثاني اتعب تنتفخ عيني وجسمي يتحسس

وهوو يضايق ويزعل ويلعن الزواج من قهره
وصار يمنعني اروح زواجات .. و زواجات قرايبي كان بالغصب يوديني ولا اطول ولا يحب اتعدل بزيادة يخاااف عليي


هده مشكلة نحاول نشوف لها حل لان تعبت من تعليقاتهم لما ما اطول ع بالهم اني متكبرة ... او يقولو ان زوجهاا ما يصبر عليها ساحرتنه
وماحد فاهم السبب الحقيقي


و زوجي لانه يموت عليي هالك نفسه طول هالسنوات والحمدلله تخرج بكالريوس مختبرات ,, وكان يشتغل عشان يصرف علينا
هالشي كبره 20 سنة وصار عصبي لدرجة ماتتخيلوه
بسرعة يتنرفز ويقط علي كلام ما سمعته منه
ومن اصيييح يقول ايي صيحي انا مو ناقص دلعش و حنتش راجع تعبااان ابي زوجة تفهمني

ويظلما يكلمني يووم يتحاشاني ... وبعدها يرجع طبيعي و حب وما يفكني

المؤلم ان كلامه ينرسخ بداكرتي واتالم ماعرف انسىى
انا احبه بجنون بس صرت اتاثر من كلامه وهو معصب عليي اخده جد
هو دام ادا كان رايق يقول لا تاخدي كلامي وانا معصب ترا مو من قلبي


واحاول وما اقدر ابي انسىىى كل كلمة جارحة ماعرف
ادا رجع هاوشني اتدكر حتى كلامه الي قبل واحسه بدا يكرهني وخلاص ماتحمل اصيححح وهو ينقهر ويعصب اكثر

ومشكلة الاولاد والحمل .. انا معه اتفقنا بعد ما نخلص دراسة ونتوظف نكبر لان كلن عمرنا 18 لما تزوجنا فاصعب نتحمل مسؤلية اطفال
والحين انا وياه تخرجنا الحمدلله ربي وانا قريب اتوظف
وهو بعد راح يتوظف بنفس تخصصه

بس الى الان هو يقول ننتظر سنة بعد
واني ميتةةةة على طفلة اكون انا امها .. وكل ما شفت صغار اتحسرر واتالم
وهو بعد يموت على الاصغار وكل يطلب اجيب بنت خالتي الصغيرة اعتني فيها لين امها ترجع من مشوارها وتاخدها

هده مشاكلي واتمنى تلقو لي حلول اسكت فيها العائلة
وما اخسر زوجي بسببة اوقات عصبية
واقنعه نجيب بهالوقت بيبي

اختكم في الله

>>>>> ردود الأعضـــــــــــــــــــاء على الموضوع <<<<<
==================================


ياحبيبتي مااشوف مشكله بالكلام اللي قلتيه
لأان كل الل ذكرتيه شي طبيعي يكون بين أي زوجين
بس مشكلتك انك حساسه شوي وتبيغينه مثل اول سنين الزواج وانتي تعرفين ان دوام الحال من المحال
وبالنسبه لموضوع الزواجات وفكرة انه يمنعك هو مامنعك الا هو خايف عليكي واللي يصير معك والله اعلم انه عين اونفس
فالاحسن انك ماتروحين واستمري على الرقيه الشرعيه
والأطفال ان شاء الله بس أصبري شوي


__________________________________________________ __________

انا صاحبة المشكلة

حبيبتي مشكورة على نصيحتك

بس هو عصبي بشكل كببيييييير صار قنبلة موقوتة بسرعة يعصب ويقط كلام
لدرجة ان مرة قال روحي بيت اهلششش وفكيني
بدون سبب قوي .. وهالشي كسرني واااايد من كثر حبي له

ايام وايد اصيحح من تقلبات مزاجه

برغم اني ادري ان حبه لي كبييير

وبالنسبة لزواجات انا عارفة ان من خوفه عليي .. ومتفهمة موقفه
بس كلام الاهل والناس صار شي لا يطااااااق بكل طلعة وكل جلسة يتشرهون عليي ليه ما تجين زواج فلانة وليه ما طولتي ولا رقصتي


والحمل كمان يتسئلون متى راح تحملين وشنو العيب منك او منه
وادا قلت احنا مئجلين هالشي لين نخلص ما يصدقون


ابغى حل يفكني منهم


__________________________________________________ __________

لرفع


__________________________________________________ __________

اختي لازم تتحملي
والله لا يغير عليكم ياااارب
واتركي عنك كلام الناس لانه ابدا مايخلص مهما عملتي
اهم ماعليك زوجك وبس


__________________________________________________ __________

اكيد هذه عين
اعملي رقيه
واكثري من قراءه القران