عنوان الموضوع : مشكلتي مع خطيبي ,,,,,,,, -تم الاجابة
مقدم من طرف منتديات نساء الجزائر

مشكلتي مع خطيبي ,,,,,,,,



السلام عليكم ورحمة الله
كيفكم

انا مملكة لي 5 شهور ..
آول شهر من بعد الملكه كان يكلمني خطيبي بعدين تغير صار مايسأل ولا يتطمن الا في الاسبوع مره
آممم ولا عنده اي كلام اذا اتصل يقولي سولفي انا احس اني كرهته عشان كذا ما اسولف معاه .. ودايما يعيد علي أنتي والله اول انسانه اشوفها واكلمها ولا قد جاء ببالي اي حرمه يحلف يمين وانا ساكته ..
عنده حاليا مشاكل بالدوام وكل بين فتره وفتره يوقفونه اشوف له اخر ظهور بالواتس قبل 4 ايام وكل مره زي كذا الرسايل بينننا برودكاست عادي ديني مافي اي كلمة حلوه سمعتها منه يقول انا ماعرف للحب والرومنسيه والحركات هاذي واذا كلمني يكلمني بصوت عالي كأني بآخر الدنيا انا متعوده على الهدوء ماحب الصوت العالي ولاقدرت اقوله
مشكلتي زواجي بشهر 12 والله ما أحس بأي مشاعر من ناحيته لا أخاف عليه ولا أستناه ولا أحس اني احبه ولا أدري ايش بيصير بعد زواجنا ..
ساعدوني ايش اسوي كيف آنفصل عنه ولا اضل معاه حتى ابي اتجهز للزواج أحس مالي نفس اجهز اي شىء ولا اشتري شىء ..

والسلام عليكم ورحمة الله

>>>>> ردود الأعضـــــــــــــــــــاء على الموضوع <<<<<
==================================


حبيبتى زوجك مازال خام لا يعرف شى مثل الطفل انتى علميه كل شى انتى اخطئتى صارحيه قولى له انا مثل كل البنات اريد ان اشعر بالاهتمام واسمع كلام الغزل صارحيه بكل ماتشعرى به


__________________________________________________ __________

لما تكلميه صارحيه بمشاعرك اذا ما ارتحتي له استخيري وشوفي


__________________________________________________ __________

طيب انتي ابدئي الأهتمام به عودي بأنه يهتم بالناس أسأليه عن حاله واذا ما سألك قولي له يعني ما تسأل عن اخباري ان احب الي يسأل عني قولي له من زمان ما شفتك وا شتقت لك حاولي انك تسجمي معاه قولي له يا خذ اجازه واذا صار له شىء تحمدي له بالسلامه ومن ذا الكلام ...........
يعني حاولي انك تهتمي به هو ما يعرف عن البنات أي شىء ارسلي له اشياء عن البنات وكذا
يا رب ييسر لك امورك ويفرج همك ان شاء الله
والله يبعد عنك الطلاق يا رب


__________________________________________________ __________

يابعد جبدي مبين انك بزر ههه لا امزح بس جد ليش تقيمين الرجال برومنسيه اهم شي طيب الطبايع والدين وباقي الاشياء تهون انتي عوديه ع الكلام الحلو وعامليه بسلوب لين شوي شوي بيلين ويتعدل
الله يوفقك انشاءالله


__________________________________________________ __________

وعليكم السلام ورحمة الله وبركاته
اول شي حابه اقلك الف الف مبروك والله يتمملك على خير يارب
ثاني شغله يا حبيبتي المفروض تكوني سعيده فيه!!
منجدك تفكري تنفصلي عن واحد كذا؟ بالعكس المفروض
تكوني مبسوطه لأنو الرجال باين عليه مالو بالبنات


يعني بالله اسألك!! تبغي واحد من اول مايكلمك يقلك احبك
واعشقك ويكلمك بشويش ويغثك رومانسيه!!! والله ترا مرا مو حلو
وهذا ان دل .. دل على انو كان مكلم ومسوي علاقات.. طبعا ما اشمل
كل الرجال بس اغلبيتهم ولا اش حيكون عرفو عن الحركات هذي؟؟

زوجك برييء ويجنن الله يسعدو يارب.. ولما يقلك اهرجي هذا
دليل آخر على انو حاب يتكلم معاكي عشان لو غيرو كان قفل
وقلك انو خلاص مافي هروج:/ كلنا نكره نتكلم معا احد مايهرج
ف المفروض تحسي انو حاب يتكلم معاكي.. وترا لما يكون كذا
رح تحسي بقيمة كل شي يقولو بعدين.. يعني لما يقلك كلام حلو
رح تحسي بضعف الاحساس اللي تحسو وحده زوجها معودها
وبعدين اقلك على شغله .. ترا الرجال لما يحبو !! يحبو بافعالهم
مو كلامهم.. مو عشان عرب لاا كل رجال العالم كلامهم اقل
من المرأه.. المرأه تحب تسمع والرجل يحب يشوف
ف انتي وريه الدلع واتزبطي عندو وعامليه كأنو طفلك
وهوا رح يحسك امو وحبيبتو وزوجتو بس لا تستعجلي وانتبهي
تقولي اسيبو لا تندمي بعدين.. نصيحه ترا الرجال شكلو كويس ماشاءالله

وبعدين انتي استخرتي قبل ماتوافقي؟؟ اذا استخرتي وارتحتي
الموضوع كلو مالو داعي لأنك سألتي ربي ترا قبل ما تسألينا
و ربي يسرلك امرك معاه ف هذا معناه انو ابن حلال ولاتنسي
انو الطيبون للطيبات والخبيثون للخبيثات يعني زي ما انتي تأكدي انو هوا.


يمعنى آخر.. تكلمي واحد!! هوا برضو حيكلم
عينك تزوغ؟ برضو عينو حتزوغ
تفكري بغيرو؟ حيفكر بغيرك .. اذا مو بنفس الوقت
رح يسير بعدين.. ف انتي حافظي على حجابك
ولا تخلي احد يشوفك الا هوا وصدقيني ربي راح ينزّل
على قلوبكم السكينه والحب.. اتوكلي على الله واستغفري كثير
وقولي يارب:*



عقبال ماتجينا يارب وتقولي انو ابن حلال ومدلعك
وعايشا معاه احلى عيشه.. ويارب نفرح ببزورتكم قريب:*


الله يسعدك ويستر عليكي ويهديكي.. وايانا اللهم امين..