عنوان الموضوع : ..||فضفضه لعلي اجد عندكم مايريح قلبي ويبعد عني حيرتي..||.. مجابة
مقدم من طرف منتديات نساء الجزائر

..||فضفضه لعلي اجد عندكم مايريح قلبي ويبعد عني حيرتي..||..



السلام عليكم ورحمة الله وبركاته
..
ماعرف من وين ابدأ ولا وش اقول اللي اعرفه اني ودي افضفض يمكن الاقي حل غفلت عنهـ
يمكن الاقي كلام يشفي قليلي ويريحني
المهم
انا ماحس بالسعاده بحياتي ولاراضيه فيهاا حاولت ارضىى لكن ماقدرت اشياء متراكمه علي من وانا صغيره تناقضاات وبلاوي
مارتحت ونا صغيره شفت البلاوي شفت امي تتخانق مع ابوي علشان مايتحرش بالخدامهـ.!!
اخوي وتحرشااته الجنسيه فينا سواء بنات او شباب
معاملة ابوي لنا وبخله ومعاملته مع امي
في بيتنا كل قوي فيه اقوى منه نخلص من ابوي تجي امي بعدها اخواني
حياتي كئيبه ولا احب اتذكر طفولتي تعقدت يوم كنت صغيره ووجتني حاله نفسيه اقطع شعري الين صار اللحين خفيف
وكل ماتنرفز لعبت فيه تعبت حاولت اترك هالعاده طلبت منهم ياخذون يلطبيب نفسي لكن لامجيب
بسس يعايروني ويتطنزون علي
احس معاااد لي هدف من حياتي
اصلي واصوم واقرى قران واقول اذكاري ادري ان الهدف من انو حنا بالحياه ان نعبد الله
بس للحياة متعتهاا بيتنا 24 ساعه هواش وشك ومصايب ابوي يتحكم في كل شيء حتى الله يكرمكم بالملابس الداخليه
غير تقصيره معنا من حيث الماده والملابس والاكل مع العلم انه يشتغل بشركه معروفه بالسعوديه وكل شيء متوفر
معناا قطيعي ومع الغير حاتم الطائي
تعبت كل شي محرومه منهـ احلامي تحطمت
مااحس بالامان ولا اثق باحد ودايم احس بالخوف
امي تفضل اختي الكبيره والصغيره واخواني الاولاد وحنا اللي بالوسط ماحد يعبرناا
ودي بيوم احس بحبهمـ
امي فقدتني ثقتي بنفسي دايم تقول انو حنا مو حلوات مع انه العكسس مقبولات يعنني مملوحات
بس تعرفون عاد نظرة المجتمع الغبيه عندهم هالنظره الجميله كل شيء منها مقبول وغيرها لا
معاد اثق بنفسي نهائيا وووصرت اعاني من السمنه وغيرهاا اسوداد رقبتي ونفسيتي صراحه بالحضيض
احس اني عايشه بسجن مو بيت تنظيف وكرف ووفوق كذا مافيه لاطلعات ولادخلات ولاحمدا ولاشيء بس انتقاد
وطلبات احس اني خدامه بدون راتب
كل ماتناقشنا مع ابوي ليش مايطلعنا ليش يمنعنا نكلم صديقاتنا وكذا يقول انا جايبكم تخدموني
على انه معروف بمجتمعنا وماينادونه الا الشيخ وماغير يمدحون فيه وبأخلاقه مادروو عنه جوى بيته وش يسوي
حاولنا كثير نكلم ربعه احد ينصحه لكن مافيه فايده محد يصدق !!
يقولون يمكن مسحوور
بس سنين على هالحال وماتغير من طلعت ع الدنيا وهذا حال بيتنا
اتمنى تمر مناسبه بدون مصيبه وبدون مشاكل
كل ماكبرت كبرت مشاكلي معي
انا كنت غير واللحين صرت غير
كنت ماسمع اغاني ولااحش في احد وماهتم لاحد في حالي همي دراستي وبس
هالكلام بثاني ثانوي صارت مشكله انوو ولد الجيران يطلع عند باب بيتهم لمن نروح للمدرسه
طبعا انا مالي ذنب ولا لي دخل ولاا اعرف بسوالف الحب والخربطه وقتها كنت متفوقه ومثاليه بالمدرسه همي
الدراسه بس امي الله يهديها بطبعها شكااااااااااااااااااااكه ان رن تلفون بالليل الساعه 10 قومت القيامهـ
وصارت مره كان عندي اختبار ونظام المدارس يطلعونا من 9 احيانا شكت فيني وبكتني تقول لي شلون طالعه هالوقت
انا انصدمت كيف امي اللي هي امي تشك فيني ونا تربيتها والباب ينقفل علينا ولانطلع ولانجي
كيف بسوي علاقه يعني بالعقل ماتجي
بكتني وحرقة قلبي وبعدين مع الوقت لمن كبرت عرفت ان هذا طبعها تشك من كثر ماتشوف وتقرى مشكلتهاا تتأثر بسرعه وتخاف علينا او بالاحرى تخاف من العار لان همها كلام الناس اكثر شيء
بس وش بعده من كثر حركاتها معي ومع اخواتي
حسيت اني لازم اسوي كذا دامها هي حاطه هالشيء فيني ونا بريئه منه
هذا تفكيري وقت ماكان عمري 19
بهالوقت صرت ادخل نت طبعا مو من بيتنا لا بس اعيال عمي معطينا كلمة السر لشبكتهم لان ابوي مانع نت والتلفزيون وغيرررهـ
وقتها كنت ادخل منتديات نسائيه وكذا ولاا احتك مع الشباب لان بيني وبينكم هذيك الفتره كنت اكرهم واتمنى اكون ولد
لان اشوف اخواني كيف عايشين حياتهم وحنا كيف عايشينها فاتمنى اصير مثلهم حقدت على المجتمع ليش يفرق بين البنت والولد وحنا عند الله سوىى
ذيك الفتره خذتني اختي معها بمنتدى مختلط بيني وبينها خمس سنوات
وكانت تكلم شباب بالمسن بسس كنت احذرها شوي كل ماتصير مشكله بيني وببين اهلي او شك وغيرهـ
خلاص معاد يهمني قلت خل ابيعها تعررفت على واحد نشب لي ع الخاص وخذني مسن ماقلت له شيء صحيح عني
بس امه كانت تعرف بعلاقتنا وكلمتني كذا مره ونصحتني وقلت ابعدو عن بعض لين مايجي وقت زواجكم هالكلام كان عمري 19 اللحين انا عمري 22
بعدها بفتره مليت منه وحسيت انه يبي يستغلني ووكذا لاني بداخلي مو مقتنعه باللي اسوي ودايم احس بالذنب وقلبي يعورني لين جيت انام وابكي علشان هالشيء بعدها بفتره تركته لانه تعرف على ناس مو كويسين وصار وصخ وصار يحب البنات وبس يتعرف
انا حاولت ادفن نفسي بتعلم اشياء جديده بالنت واقرى مشاكل واستفيد وواتعلم برامج لان بطبعي احب اعتمد على نفسي وامي تعتمد علي باشياء كثيرهـ بس حياتي كل مالها تسوء وكل مالي اصير اسوء
صرت ادخل شات صوتي اقعد ساكته اذا احد تكلم علي اتهاوش معهم واهزئهم وبس يعني ماسوي شي ماغير ساكته يقولون لي ليش تدخلين دامك ساكته صرت عدوانيه بشكل حياتي بالنت غير عن حياتي الواقعيه
يعني بالواقع مستحيل اكلم شاب مثلا بالشارع ولا غيره يعني اقصد لين رحت الكليه ووكذا لان اخاف
هالاشياء محصووره بالنت
شفت اشكال وانواع وشفت بنات داشرات مرررررررره بالشات اللي تعسل واللي واللي حمدت ربي كثير اني مو مثلهم
واللي امها معها وهي تدخل الشات وغيرهـ من دخلت هالعاالم احس اني تونست شوي حتى لو ماتكلم
بس احس بحولي ناس وكذا اابعد الوحده عني والاحساس القاتل اللي احسه
خوياتي ايام الكليه كلهن كانت حياتهن حلوه ماشاء الله ويجون يسولفون علي
ونا ماعندي مثلهن يعني لا اطلع وحدي بيتناا ولا جوالات مثلهن ولاشيء فكنت اسمعهن واحس بضيقه اتمنى
لهن كل خير وربي ولاحسدهن ولا شيء
بس وحده عايشه بوضعي وكذا ويجونها ناس مثل كذا غصب تجيني ضيقه وحسرهـ
على انه هالاشياء من وانا صغيره تصير من عمري اشوف عند الناس ونا ماعندي من عمري احس اني يتيمه
مع ان اهلي عايشين
اللحين هالفتره برمضان حاولت ارجع نفسي مثل ماكنت حاوووووووووووولت اقرب من الله اكثر واكثر
دعيت وقريت بس احس اني منافقه يعني اللحين قريت دعاء وقران وبعدين اشوف مسلسل بيوتيوب
احس كذا اان سويت ذنب ..
احس حياتي متناقضه وكل شيء فوووووضهـ ومالي بال على الدعاء وووانا احاول اغصب نفسي ووووووماازلت احاول
استغفر وادعي الله
يقوولون بعد العسر يسررين من زمان اسمع هالكلام كل ماتفائل ااطيح واطيح محطمه نفسيا وماحس لا لا امل
اتزوج ولا اتوظف كل احلامي تبخرررت ولانطلع ولانجي ومحد يعرفني كيف انخطب
لان اعرف شي واحد مالي خلاص من هالوضع اللي عايشته الا اني اتزوج يالزواج يالموت ...
من فتره كلمني واحد بالنت على انه يبي يخطبني وقال بخلي اختي تكلمك ونا معجب باخلاقك ومدري ايش
ونا والله مااثق باحد ولاعندي استعداد ااعرض نفسي لمشكله مع اهلي انا بغنى عنها
مع اني مشتاقه اني اخلص من بيتنا ومن هالعيشه مشتاقه اكون زوجه مشتاقه اكون ام
بسس محتااااااااااااااااااااااااااااااااااااااااره وضااااااااااااااااااااااااااااايعه ولا ادري وش اسوي
تعبت حيل حيل حيل
دايم افكر يمكن طول حياتي بظل شقيانه هذا امي شاقيه ببيت ابوها قبل واللحين مع ابوي مارتاحت حياتها جحيم
لااحنان ابو ولا حنان زوج
اخاف اعيش باقي حياتي كذا خايفه من المستقبل محد يرحم كلن همه بنفسه
احس باقي بيني وبين الجنون شعره مادري وش اسوي
يعني نفسيتي متحطمه اولا من عيشتي وثانيا من شكلي وعدم ثقتي بنفسي
ودي اعدل نفسي واسوي رجيم وواهتم بشكلي
بس مافيه شي يعطيني عزيمه كل اللي حولي يحطموني ويحسسوني بالنقص
ابي اتشجع ابي تصير عندي عزيمه قووويه ابي احس بالتفااائل بس دايم اتحطم مدري وش اسوي
احس من كل الابواب مقفله علياا
وان حصلت وظيفه طلعت اختلاط ونا مابي اختلاط من جد تعبت
خايفه اني انجن
ابوي مايهتم فينا حتى لو طحت مريضه لاياخذني المستشفى ولا شيء وملابس مقطعه ومشققه من كثر الاستخدام
مو عارفه كيف اعالج جسمي ووشعري
وهو كل شيء عنده لا
واخواني كل واحد همه نفسهـ
مدري وش اسوي مليت وتعبت امس حصلت مشكله وحلفت مرتين اني بنتحر بس استغفرت بعدها
لان كنت وقتها منفجرررررررررررررررره ووجتني حاله هستريه من الصياح والبكى احيانا احس من القهر بموتـ
احس لو اقول لاحد من قرايبنا ماراح يصدقون بيقولون مستحيل
بس صدق من قال البيوت اسرار
نخيتكم ساعدوني اعتبروني اختكم لو بالدعاء ولا كلمات تخفف علي اللي انا فيه
من قلب متحطم
سبحانك اللهم وبحمدك اشهد ان لا اله الا انت استغفرك واتوب اليك

>>>>> ردود الأعضـــــــــــــــــــاء على الموضوع <<<<<
==================================


اللهم فرج عن ختي كربتها ويسر امرها ورفع ضرها ياكاشف الضر اللهم امين
ختي خليك قوية ولا تهزك العواصف واشعري نفسك دائما انك قويه وقادره على فعل الاحسن احتوي اهلك حاولي بلحوار مع اقرب العائله إليك امك اختك اخيك على تغيير حال بيتكم وتصبري وصبري حتى تري النور
(عليك بقيام اليل وكثرة الاستغفار في اليوم أكثر من 2000مره والدعاء في السجود وتحري ساعة الاجابة)

لاإله إلا أنت سبحانك أني كنت من الظالمين


__________________________________________________ __________

ياعمري فديت روحج قطعتي قلبي-استغفري ربج يعني شنو تنتحرين؟ياحياتي لو انتحرتي غضب ربج وخلود في نار جهنم بتكون اخرتج-وبالدنيا فضيحه-بيقولون لو ماسوت سواد وجه ما ذبحت عمرها-تكفين فكري-ولعلمج ان ربي يحبج-اي نعم يحبج-لانه مبتليج-ترى اللي مثل حالتج مفروض يحمد ربه-لانه ما اخذ شي من دنيته-عشان يلاقيها عند ربه بالاخره-والدنيا لو طالعتي بحفرة القبر-كان عفتيها اذا هذي اخرتها-لاتخلين ابليس يقص عليج ترى من احبه الله ابتلاه-احمدي ربج وفوضي امرج لله-اكيد لله حكمه في اللي قاعد يصير لج-والاجساد ان كانت حلوه او شينه-بيضا او سمره-مليانه او نحيفه-ماخلقت الا لعبادة الله-وربي الدنيا ماتسوى-وترى ربي وزع ارزاق بالتساوي تماما بين العباد-لكن لما امر القلم يقسمها-اعطى البعض المال-والبعض البنون-والبعض الصحه-وهكذا-ورفعت الاقلام وجفت الصحف-ارضي باللي انقسم لج-وخلي ثقتج بالله كبيره-وبيجي يوم تتذكرين كلامي يوم قلتلج-دوام الحال من المحال-ربي يعظم لكم الاجر-ويفرج عنكم-ويسخر لكم عباده-ويعوضج دنيا واخره-ويبعد عنج شر الوسواس الخناس-قولي امين-موفقه ياروحي-


__________________________________________________ __________

لاتغلطين وتدمرين نفسك بنفسك

اوكي انتي مااخترتي اهلك ولاظروفك بس اختاري نفسك وطوري فيها ولايهزك شي

والتزمي الصبر واحتسبي ولاتنتحرين صدق بعد لاحياه زينه بالدنيا ولابالاخره

تعوذي من ابليس

وحاولي تطلعي من هالاجواء اشغلي نفسك باي شي تحبينه

ومالك الا الدعاء بالثلث الاخير

وربي يفرج همك


__________________________________________________ __________

بالاستغفااااااااااااااااار والدعاااااااااااااااااااء يفرج الله الهموم وهذا اكيد ابتلاء من الله فاصبري اختي عسى الله ان يفرج همك ويرزقك بولد الحلال الي يعيشك في سعاده وهناء
اسأل الله العظيم رب العرش العظيم أن يفرج همك في أقرب وقت


__________________________________________________ __________

أختي أنت من كلامك فيكي خير إنشاءالله حاولي انت انك تسوي جو في البيت سوي القهوه ونادي امك واخواتك واجلسوا ع القهوه سولفو اضحكو مع بعض بعدين اجلسي ع النت شاركي في منتديات نسائيه محترمه بتحسي انهم اسره وحده
لالالالا ابدا لاتخلي الشيطان يوسوس لك انك تكلمي شباب او انك تدخلي شات او تفكري مجرد التفكير بالإنتحار
تذكري دائما ان الدنيا فاااااااااانيه
اسعدي بقربك من الله وإنت لسى صغيره ربي يعوضك بابن الحلال اللي ينسيك الهم
ادعي من قلبك انو ربك يسخر لكم ابوكم


قد نواجه ظروف صعبة في حياتنا نصل بها الى طريق مسدود نفقد الامل و تعم الكئابة على كل نواحي حياتنا

هذا الدعاء لكي يفتح قلبك بالايمان و بمحبة الله و يبعد عنك الكرب و الحزن انشاء الله





..بسم الله الرحمن الرحيم ..


السلام عليكم ورحمة الله وبركاته ..


دعاء الكرب للرآحة النفسيه بإذن الله ...


لا اله إلا الله الحليم الكريم

لا اله إلا الله العلى العظيم

لا اله إلا الله رب السماوات السبع و رب العرش العظيم

اللهم إنا نسألك زيادة في الدين

وبركة في العمر

وصحة في الجسد

وسعة في الرزق

وتوبة قبل الموت

وشهادة عند الموت

ومغفرة بعد الموت

وعفوا عند الحساب

وأمانا من العذاب

ونصيبا من الجنة

وارزقنا النظر إلى وجهك الكريم

اللهم ارحم موتانا وموتى المسلمين واشفي مرضانا ومرضى المسلمين

اللهم اغفر للمسلمين والمسلمات والمؤمنين والمؤمنات الأحياء منهم والأموات

اللهم ارزقني قبل الموت توبة وعند الموت شهادة وبعد الموت جنة

اللهم ارزقني حسن الخاتمة

اللهم ارزقني الموت وأنا ساجد لك يا ارحم الراحمين

اللهم ثبتني عند سؤال الملكين

اللهم اجعل قبري روضة من رياض الجنة ولا تجعله حفرة من حفر النار

اللهم اني اعوذ بك من فتن الدنيا

اللهم اني اعوذ بك من فتن الدنيا

اللهم اني اعوذ بك من فتن الدنيا

اللهم قوي ايماننا ووحد كلمتنا وانصرنا على اعدائك اعداء الدين

اللهم انصر اخواننا المسلمين في كل مكان

اللهم ارحم ابائنا وامهاتنا واغفر لهما وتجاوز عن سيئاتهما وادخلهم فسيح جناتك

والحقنا بهما يا رب العالمين

وبارك اللهم على رسولنا ونبينا محمد صلى الله عليه وآله وصحبه وسلم ...