عنوان الموضوع : حقوقي مهضووووومه
مقدم من طرف منتديات نساء الجزائر

حقوقي مهضووووومه



السلام عليكم بنات
قبل شوي امي هاوشتني لان قلتلها نبي نروح مطعم مع خالتي عشان تخرج اختي حنا 5 وبيصير عشا بوفيه ب500ريال قالت امي وانا مكلفه ادفع على خالتك قلت انا بدفع لاني ماجبت لاختي هديه قالت ليش وانتي موظفه وقالت لي اشياء خلاص شوي وابكي مقهووووره.. قالت شفتي اختك لما راحت تشتري لصديقاتها ثنتين هدايا من فتيحي كل وحده سواره ب400 ترا انا اللي دفعتهم مو اختك يعني دفعت 800 ولمين لصديقاتها... وانا هاذيك المره اشتريت لصديقتي لزواجها ب400من فلوس مكافاتي بالجامعه ومابقى احد ماعلمته امي اني شريت ب400 كل مادفعت شي ليش تدفعي واذا طلبتهم وش تبين بالفلوس... وقالت ترا خالك يعطي اختك مصروف شهري انها مشتركه بصندوق مدري ايش ..قلت وانا ليه مايعطيني واختي ماتعلمني ولاتعلم اهلي وفوق كذا تطلبهم فلوس... اختي هذي اللي اكبر مني بسنتين ملكت وجاها مهر 50 وسوو لها اهلي ملكة بفندق ب30.. بعدها الاخت مارتاحت له وتضايقت وتطلقت منه وكانت صارفه من المهر 20وابوي رجعهم والحين تخرجت من الجامعه وامي متدينه لسه من ملكتها ولسه تعطيها فلوس ...ليش وانا ابي افهم ليش انا ليييش... وانا يوم تخرجت من الثانوي طلعنا عائلتنا كلها وتعشينا بالف ريال والله لين الحين وامي ناقمتني وهالشي صار له 3سنوات ..واختي ماقالو لها شي عن ملكتها عشان ماتتأزم نفسيتها. والحين تقول امي ماعاد بنسوي حفلات خطوبه بفندق تلمح لي يعني سويها بالبيت والله ظلم... مقهوره والله انا شخصيتي ماحب اطلب من احد يعني مرات ارحم امي وابوي واقول تعبناهم بكثرة الطلبات ومتدينين ومساكين بس يوم قالت لي امي عن اختي صدمتني ..ماني عارفه كيف اتصرف اتضايقت مرره.. ليش مايصرفون علي وينتظروني اذا توظفت اصرف عليهم ..ابوي يقول بفتح لك عياده بس يصير نص راتبك لي قلت مابي اشتغل بعياده اصلا.. وتخيلو كل ماجيت اطلب من امي فلوس حق ليزر قالت انا بس بصرف على اختك لانها على وجه زواج خليها تتزوج وبعدين اصرف عليك وانا لين متى انتظر يعني ..عمري 21 ياالله ترحمني ليش يحبون اختي اكثر مني كيف يبوني اعطيهم مصروف وهم مايعطوني

>>>>> ردود الأعضـــــــــــــــــــاء على الموضوع <<<<<
==================================


الله يكون بعونكك..

لوبدالك اوافق اشتغل بالصيدلية واعطي ابوي نص الفلووس والنص الثاني اسوي فيه الي ابغاهه بدل ما يذلوني ويتمننو علي كل ماعطوني ..


__________________________________________________ __________

ايه انا مع الي فوقي نصف الشي افضل من ولا شي

الله يفرج همك


__________________________________________________ __________

مااعتقد هذا هضم حقوق هذا عالاكثر ان امك شايفة الاهتمام باختك اولى منك لانها اكبر ومن تتزوج يجي دورك بالدلال


__________________________________________________ __________

لا هذا ابوي جالس يخطط علي وانا لسه ماتخرجت ..انا قسمي طب اسنان بقي لي 3 سنوات بس انا افكر اني اشتغل بمستشفى ويكون لي راتب كامل ..ماني محتاجه مساعده من ابوي ..لاني مقهوره منه ماقد صرف علي حتى وانا صغيره كنت بمدارس تحفيظ ويعطوني مكافأه وياخذها ابوي يعني ماقد انبسطت بفلوسي واذا ماخذها تهاوشني امي وتقول انتي بخيله وزعيها على اخوانك الكبار ..ومرات افكر اقول خاف ربي مايوفقني بشغلي اذا ماعطيت امي وابوي مصروف واخاف يصير عقوق والله مدري بس شايله مره عليهم ..لان ابوي دايم بس يطلبني انا ومايعامل اخواني مثل مايعاملني ...يعني راحمهم لانهم يدرسون اداره والا محاسبه بس يبيهم يلقون وظيفه ويتوفقون بحياتهم ويصرف عليهم الحين ... وانا كل شي فوق راسي ...مافيه عدل ابداااا


__________________________________________________ __________

الله يعينك ويصبرك
وإحتسسسسسسبي الاجر ان شاء الله
والله كريم
ماتشين الا تزين وماتضيق الا على ربك فرجها
كلها كم سنه وتتخرجين وتتوظفين وتصرفين ع نفسك وماتحتاجين لاحد
وتعطين امك وابوك وتبرين فيهم
وماعليك الا الصصصصصبر
ولا تنسين ان مافيه احد يكره ضناه
بس المشكله ان تفكير امك وابوك غير
يعني امك تفكيره بالبنت الكبيره
اذا تزوجت بتهتم فيك
وابوك تفكيره ان العيال اهم من البنات لان وراهم زواج ومهر ومسؤوليات
والبنت لو ماتوظفت بتلقى اللي يصرف عليها
ومافيها شي اذا ابوك قال لي نص راتبك
احمدي ربك غيرك ياخذون صرافاتهم ولا يشمون ريحة الريال
هونيها وتهووووووون


دعواتي لك