عنوان الموضوع : مصدووومه أبي حل ضروري الطبيب يجيب
مقدم من طرف منتديات نساء الجزائر

مصدووومه أبي حل ضروري



السلام عليكم ورحمة الله وبركاته ..
أولن أشكر جميع القائمين على هذا المنتدى الرائع والجهود المبذوله لحل المشاكل
وأنا ما عندي بعد الله غيركم استشيركم بمشكلتي بدخل بالتفاصيل مابي اطول عليكم
عمري27 غير متزوجه حاملة مرض بس ما يمنعني من الزواج كنت مخطوبه لفتره ولكثرة المشاكل انفصلنا .. حاليا مرت فتره أربع أشهر على فراقنا ولليوم بين فتره وفتره يطرشلي مسجات
انه يحبني و و و وانا متجاهلته وكلمت اهلي عشان يوقفوه عن حده وان خلااص علاقتنا مستحيل ترجع .. مع احساس اني متردده على الرغم من عدم اهتمامه فيني وغيابه الدائم ويسب ويغلط علي وعلى أهلي عشان هالأسباب تفرقنا ..
المشكله .. من يومين يتصل علي رقم غريب ومطرش مسج انه ضروري ردي علي عندي موضوع مهم وما ابيج تعلمين أحد قبل ما تسمعيني
فالبداية ترددت وخفت مع اني ما سويت شي غلط وكلي ثقه الحمدالله
ترجاني ارد بس أسمعه وانه ما راح يضرني وانه موضوعه مهم .. تجرأت وقلت برد واللي فيها فيها
رديت .. قالي انه صارله سنه يترقبني ويعرف عني كل شي وانا انصدممممممت وانه مجنون بحبي وانه متجنن على أخلاقي وقالي تفاصيل عن أهلي وعني وانا مصدومه كيييف عنده كل هالمعلومات ومن وين وليش قال انه فهالسنه انتقل من مكان سكنه لمكان قريب من بيتنا بس عشان يترصدني وقالي وانا متصل بس عشان أقول أني أبيج على سنة الله ورسوله وانه يبي يسمع رد مني لأنه خايف يخطب رسمي وأرده
حتى جايفني كم مرة وانا خبر خير وعرفني بالصدفه من بيت خالتي وانه خلاااص ما عاد متحمل يخاف اروح منه قالي عندج وقت فكري براحتج وما بضغط عليج بس قبل ما أسكر عندي لج كلمتين لو يبيعون أثر ريلج أشتريه

أنا بصراااحه ما جاني حتى نوم من يومين ومصدومه من اللي سمعته قال أبي رد اذا هيه بخطبج على طول واذا لا الله يصبرني وراح أدعيلج بالخير ..

هو عمره 28 ودارس أما شكله فالله أعلم قولولي شالحل شسوي وشو رايكم بللي صار وهل اقبل فيه ولا لا؟

>>>>> ردود الأعضـــــــــــــــــــاء على الموضوع <<<<<
==================================


متحيره ليه هالسالفه بعد خطيبك اللي قعد يلحق وراك ومدري ايش يااختي لاحظي بكلامك قآل قبل لاتقولين لا اي احد ردي علي ؟؟؟ بالاصح وش دراه انك بتعلمين احد ماحط بباله انك بتردين عليه على طول ؟؟ وبالعاده البنات يايطنشون ياايردون بالنادر بنت تعلم اهلها ونص الرجال يستبعدون هالشيء بس هو ليه وصى على هالشيء ؟؟ يعني عارف ان اول اشتكيتي لا اهلك عن خطيبك وعارف كل هالتفاصيل ف الاحسن لك قولي عندك كلام تعال عند باب بيتنا كلام جوال وكلام فاضي ماابيه تبي تخطب تعال اذا تناسبنا بتزوجك ماتناسبنا الله يستر عليك انتبهي يااختي يمكن يبغى يمسك عليك مسكهه وهو خطيبك الاول من رقم ثاني ويمسك مسكه ويهددك اذا ماتزوجتيه وانتي مابتتحملين واحد مثله وربي واضضحه كشف نفسه من كلامه انتبهي لاتطيحين بغدره وربي غدار وتلاقينه هو نفسه ماتدرين ف هالزمن كل شيء مقبول


__________________________________________________ __________

انا مع الي قبلي
قولي له اذا تبيني تعال لم باب البيت وبس لا يكذب عليك ويجرك اذا يبيك يجيك رسمي


__________________________________________________ __________

أختي إذا هو رجال محترم وحسيتي انك مرتاحه له وافقي. ممكن تكونين محتاره بينه وبين الخطيب الأول بس حطي ببالك الحب وحده ما يكفي إذا هو يحبك بس ما يحترمك ولا يحترم اهلك يكون البعد منه افضل. من رأيي الخطيب الثاني إذا يبيك فكري واستخيري. وحاولي. تعرفونه أكثر. اهلك يسألون عنه ويعرفون أهله وأخلاقه. والله يوفقك


__________________________________________________ __________

اردتني على سنة الله ورسوله مرحبا بك
الف مبروك مسبقا
صلي الاستخارة وتوكلي


__________________________________________________ __________

حبيبتي استخيري قبل تردين عليه
وروحي نادي امك وقولي لها وشوفي وش تقول واذا هي من النوع المتعصب لاتخبرينها
وقولي له البيوت لها ابواب وانا مالي كلمة الشور شور اهلي وهم ادرى بمصلحتي
عاد وقتها يبين اذا هو رجال عند كلمته او لا
الله يوفقك حبيبتي ويكتب لك الخير ان شاء الله