عنوان الموضوع : كيف نتصرف مع اختي ??? -تم الاجابة
مقدم من طرف منتديات نساء الجزائر

كيف نتصرف مع اختي ???



السلام عليكم
مشكلتي هي ان اختي تلبس بناطيل وامي ماتحبها تلبس كذا
المهم صارت مشاكل بينها وبين امي على هذا الموضوع وفي الاخير قالت امي
البسي عند صديقاتك اذا جو عندك او زرتيهم
واذا رحتي معي لأقاربنا او جانا ضيوف البسي لبس ساتـــر لاتلبسين بنطلون
المهم اختي مااقتنعت بالشرط مررره صرفت امي وقالت خلاص خلاص .....
صارت اذا جانا ناس تتعذر وتقول مابغى اطلع عندهم مو لازم ومن هالكلام وانا اكتشفت انها ماتطلع عشان ماتبغى تلبس لبس ساتر ماتبي تلبس تنوره طويله او شي طويل
يعني الاعذار عشان اللبس مو مقتنعه فيه
وصارت امي تنقههههر منها وتقول ليش ماتطلعين لازم تستقبلين الضيوف معنا يابنتي وتساعدين خواتك وتحضرين معهم السفره وتشاركينهم ومن هالكلام
وهي ابرررررردد ماعندها وامي يرتفع الضغط عندها

صراحه تعبنا معاها اختي هذي ماندري كيف نتعامل معاها

سؤالي وش رايكم هل نجبرها لازم تلبس ساتر وصراحه فشله ان امي ملتزمه ماتحب هاللبس ودايم تنكره وبنتها تلبسه احس فشله ؟؟وامي تنقهرررر

السؤال الثاني احيانا انا اقول خلاص ياأمي مو لازم تطلع اختي للناس احاول اقنع امي واقول يكفي انا واختي الثانيه نطلع عشان اهدي الموضوع هل تشوف رأيي صحيح ؟

>>>>> ردود الأعضـــــــــــــــــــاء على الموضوع <<<<<
==================================


الله يهدي اختج صراحه مدري شقول بس بالاول اصلا انتوا سمحتوا لها تشتري هاللبس اكيد شرته وانتي عارفين يعني مو من وراكم طيب اذا ماتحب تلبس تنانير تلبس فساتين بس مو قصيره كثيره وتكون ناعمه مثل فساتين التركيات روعه وحلوه. ومبين على اختج انها مهتمه للموضوع وعشان.كذا ماتطلع جنب. الحريم عشان ماتفشل امك ولاتغضبها. يعني حاسه بامك وانتوا تعالوا لها بالطيب لاتغصبونها وراح تشوفون اهي من نفسها تلبس وقولي لامك لاتضغط عليها وادعوا لها الله يهديها ويصلحها


__________________________________________________ __________

ياحبي لك ههههه لك أخت نفس أختي الشيطونه بس أنا قلت لأمي دامة بالمتوسط مراهقة خليها هي تلبس ماتبي هي راح تمل من نفسة أذا كبرت
لأن أنا يوم كنت بالمتوسط أحب القصير والأشياء هذي وهالحين ما أحب


__________________________________________________ __________

مشكورين اخواتي يعطيكم الف عافيه ؛ واتمنى اسمع رأي البقيه


__________________________________________________ __________

شوفي احنا مانقدر نجبر غيرنا على اللبس للي احنا نبيه
يعني خلوها تلبس بنطلون وعليها بلوزة طويل للركب
بكذة حليتم جميع الاطراف
عاد تبون الصراحه انا مابوة مشكلة الا ونا متكلمة عنها المفروض يحطوني رايسه هنا
ههههههههههه امزح لا تناظرون


__________________________________________________ __________

الله يهدي اختك