عنوان الموضوع : خطيبي يجرحني
مقدم من طرف منتديات نساء الجزائر

خطيبي يجرحني



السلام عليكم
عندي مشكله انا عمري 22 ومخطوبه وعلاقتي مع خطيبي من ناحية الحب والطيبه والحنان ممتازه
الحمد لله وهو مايقصر معاي

بس فيه مواقف واشياء يسويها تزعلني منه احياناً اصارحه واحياناً اكتم بقلبي واتضايق وتخترب الاخلاق واتعب

من الاشياء اللي يسويها مثلا:

اليوم تزاعلنا انا وياه والسبب اني كنت مقدمه على بعثه وانقبلت فيها بس هو رفض وكنسلتها عشان مانفترق

حاولت بكل الطرق انه يوافق بس صار يزعل علي من افاتحه بالموضوع ويرفض اي محاولة اقناع مني ويقول انه مايقدر يترك عمله مع اني قلت له اني بروح مع ابوي او اخوي
بس رفض نهائيا للاسف

وامس كان موعد سفر صديقاتي اللي كنت مقدمه معهم على البعثه وضاق صدري لاني ماني معهم وغير كذا صديقتي ماعلمتني ولا ودعتني لانها خايفه اني احسدها وانا تنرفزت بشكل فضيع من صديقتي

المهم دقيت عليه اعلمه اني متضايقه اني مارحت معهم وانه هو السبب لانه منعني من السفر وعلمته عن صديقتي وش سوت فيني

قام زعل علي ويرد علي كنه مغصوب يقول كل ما أحد زعلك تجين تبردين حرتك فيني

انا قلت له ان اي شي خاطري فيه راح اسويه من دون ما أشاورك
وقمت ادور على معاهد الانجليزي وافكر اقدم على البعثه من جديد

وهو خلاص زعل مني وماعاد يرد علي

والموقف الثاني محرج ويزعل بنفس الوقت عندي ولد عمتي بالسجن

ولد عمتي هذا احبه مثل اخوي

وحياته تعور القلب مرررره ونهايته بالسجن ومن فتره كلمت عمتي وقالت لي انه تعبان كثير وماياكل ولايشرب ومحد يزوره ابوه وعمتي مايبون يزورونه

كلمت خطيبي عنه وطلبت منه يساعده في البدايه قال لي ابشري بكلم واحد من العسكر او الشيوخ عشان يشوفه ويساعده وانا تطمنت

ولما رجعت اقول له مره ثانيه هزئني وقال لي انا ماني مسئول عنه وماني وصي عليه عنده ابوه واهله يتكفلون فيه
ويقول لي ليش مهتمه فيه هالكثر وانا مو مهتمه بس متعاطفه معه

المشكله ان ماعندي احد يساعدني غيره وهو يعرف الشي هذا

وشي ثاني صار عندي مناسبات كثيره وهو مافكر يهديني مثل يوم تخرجي من الجامعه لما استلمت وثيقتي توقعت انه بيفرح وكلمته اعلمه عن استلامي للوثيقه قال لي باستهزاء فرحانه بالوثيقه مره!!؟ ماتتصورون وش كثر جرحتني كلمته انا فعلاً كنت فرحانه فيها لدرجة اني ماسكتها من جيت من الكليه لين كلمته
بس بعد كلمته لي حسيت بهبوط وانسدت نفسي

واحيان احس انه يستكثر علي الهدايا

مره كنت اسولف له عن خطيبة اخو صديقتي لما اهداها ساعه الماس ومااهدى لامه شي.
وان خطيبته تغار عليه لدرجة ان شرى له ولخطيبته جوال جالكسي وقامت تقول له لازم تبيع البلاك بيري خايفه عليه لايتعرف على بنات

ولما كنت اسولف له قال لي انتي تتكلمين عن البنت وانا افكر بالهدايا ترى مااقدر اهديك هدايا غاليه ماعندي فلوس والراتب يالله يكفي مثل ماانتي شايفه

كلامه زعلني لانه مايهديني اصلن ومع كذا يستكثر علي الهدايا
ماصرت احس اننا حبايب يعاملني كاني صديق له
ماكني حبيبته ولازم يدلعني
كلامه جارررح

وغير كذا هو عنده استطاعه انه يهديني لو انه فعلا يبي
بس واضح انه مستخسر يقط راتبه على هدايا لي

والله العظيم بسببه صرت احس بالنقص لما اي بنت تتكلم عن دلع زوجها او خطيبها لها


وقمت افكر اننا ننفصل عن بعضنا لانه يبخل علي بهالفتره كيف لو صار عنده عيال وبيت ومسئوليه وبنفس الوقت احبه

زعلانه منه كثير لاني احس انه اناني بتصرفاته .وينهي اي نقاش يخصني على طول يزعل مني واضطر اني اسكت وفيني غصه

مجروحه منه كثير .. ومدري وش اسوي معه ؟؟؟؟؟؟


اسفه طولت عليكم

>>>>> ردود الأعضـــــــــــــــــــاء على الموضوع <<<<<
==================================


ماراح اعلق على تصرفات خطيبك لانه مايبيك تتفوقين عليه في اي شي يبيك تحت دايما


لكن انت ليه ترفضين البعثه مادام اخوك او ابوك بيروح معك

قدمي ع البعثه من جديد ويروح معك اخوك او ابوك ومولازم يوافق مادام زواجكم بيتاخر



نصيحه لك دراستك ووظيفتك هي سلاحك وامان لك ولمستقبلك


__________________________________________________ __________

صلي استخاره من جديد هذا انسان معقد وماعنده طموح رح تتعبي انصحك عيدي التفكير ولا تحبي الا الي يحبك والي يحبك يبغالك الخير مو يعقدك هذا ميباكي تكوني افضل منه
وع فكره مارح تنفعك غير دراستك انت قهرتيني انك تركتيها
ترا الرجال يتعوض بس دراستك متتعوض
وبعدين فكري بعلقك وسيبي قلبك
دامه بيتاخر الزواج ليش مانعك من الدراسه حساده وربي
يبنت فوقي انتي لسا بكر وبيت اهلك احمدي ربك ربي بينك هو ع حقيقته ماعنده فلوس يجيب ساعه ب 50 ريال ماعنده فلوس يجيب ورده ب 5ريال
انتي ناقصك شي عشان تكملي معاه
يعني فيكي عيب خلقي شي ؟
انا وجه نضري تجلسي معاه جلسه صراحه وقدمي ع البعثه من جديد قبل قبل ماقبل الله يعوضك


__________________________________________________ __________

انتي الغلطانه حبيبتي خليتيه يتمادى عليك
قدمتي تنازلا كثير الله يهديك ترا الدنيا اخذ وعطا
الله يسعدك


__________________________________________________ __________

حبيبتي أول شي مو تقولي خطيبك؟
أجل ليش تاخدي الإذن منه؟
احنا المسلمين ماناخد الاذن الا من ولي الأمر الأب أو الزوج
وانتي لسة مارتبطتي بيه
لو انك ملكتي عليه يحق له يرفض لأنه يعتبر زوجك وانتي على ذمته ولازم تاخدي إذنه
وحتى لو هو قالك أو طلب منك هالشي تقدري تقوليله لما تصير زوجي أخد الإذن منك دحين أنا لسة عند أهلي
تاني شي ياروحي
مافي أحد بالدنيا سواء أهلك أو صديقاتك أو حتى خطيبك يقبل انك تلوميه على أي شي
وانتي بكلامك معاه توجهي له أصابع الإتهام متناسية انك انتي اللي رفضتي البعثة علشان ماتخسريه
وبعدين ماشاءالله عليكي تقولي متخرجة من الجامعة احمدي ربك
ولو عالهدايا انتي تقدري تفهميه ان الهدايا مهما قلت تكلفتها أو كترت هي سبب سعادتك وزيادة حبه في قلبك
وبعدين لاتتشرطي في طلب الهدية آيفون أو بلاك بيري وكأنك تفرضي عليه سعر الهدية
انتي ماعندك خبرة كافية حبيبتي لازم تختلطي بصحبات الخبرة علشان تتعلمي أكتر كيف تتعاملي معاه
مو كلنا نتولد متعلمات
ترى مافي رجال مايجرح لازم احنا نعرف نتعامل مع الجرح ومانخليه يتكرر
أهم شي لاتنسي الاستخارة في كل أمورك زواج أو دراسة
ربي يوفقك ويكتب لك اللي فيه الخير.


__________________________________________________ __________

والله يا اختي كلنا ننجرح منهم لاتعليق لاني عايشة نفس عيشتك بس الفرق انو انا مايدخل في ذهابي وايابي اينما اردت لكن الكلام الجارح هو بس امس فقط لما قتلو انت صرت لاتسال عني ولا تكلمني قالي انا غير متاح لك جرحتني هذي الكلمة قطعت قلبي
انا بطبعي لاابكي بسرعة لكن هو ابكاني ثم قلت له
اقول لك امر واحد اعلم ان كرامتي لم تداس بعد ولم تذهب وقلت له اقسم ثلاثا انك لن ترى رقمي بجوالك فان اردت اتصلت وردجيت عليك وان لم ترد فانا ايضا غير متاحة ولا اريد ان اضيع وقتي
ومع ذالك قتلني القهر ماعلينا سوى نصبر ونتعلم اكثر كيف نتعامل
هذا الحل والله حتى فكرت انو نفسخ الخطوبة والعقد
لكن يجب ان نرجع لرشدنا ونحكم عقلنا وانتي لما تحبي تطلبي منو شي
اطلبيه وهو في حالة جيدة اي اعرفي الوقت المناسب وانصحك بالاستخارة استخيري
وايضا لاتجعليه يتمادى في طلبه واوامره عليك علميه ان يسمح هو ايضا من حقه لاكل شي تتنازلي عنه انتي فقط
اذا ماعلمتيه وانتي الان كيف راح يصير لما تتزوجي ربما بيت اهلك
وتروحيله نادرا فقط
يا اختي يجب ان تكوني قوية شخصية صاحبة رئي فان كان رئيك صواب فتمسكي به واعلمي انه اذا كان يحبك مستحييييييييييل
يتركك من اجل شيئ يعني عادي كالدراسة مثلا
اذا كان يحبك يتركك ربما من اجل خيانة او امر مشابه اما انه يتركك لامر كهذا فلا اضن
واستخيري ان كان شرا لك سيبتعد وان كان خيرا فاسال الله ان يجعله من نصيبك
ودائما حاولي ان تتغلبي على قلبك بعقلك لاتمشي بالعواطف فقط
وماعليك سوى الصبر نصيحة لي ولك