عنوان الموضوع : محتاجة حد يساعدنى مجابة
مقدم من طرف منتديات نساء الجزائر

محتاجة حد يساعدنى



انا مش عارفة ابتدى الموضوع منين .بس حابة احكية بتفاصيلوة علشان تبقوا عافين انا عانيت قد اية واتصرف ازاى
انا والدى متوفى وكنت عايشة مع والدتى ربة منزل واختى اصغر منى بسنتين وف الكلية واخ ف اولى ثانوى وانا اكبرهم كانت حصلتلى عركلة فى حياتى انى كنت اتجوزت من ثلاث سنين واطلقت بعد شهر جواز لانة كان اللة يسهلوة مكنش سوى والحمد للة من بعد الموضوع دة بسنتين ربنا رزقنى باابن الحلال اللى بجد والحمد للة ربنا عوضنى بية عن الفترة اللى كنت مطلقة فيها لان مكنش فى حد مكنش بيتشمت فيا واولهم والدتى وكانت على طول فاضحانى وعلى طول كانت بتشمت فيا وتدايقنى بالكلام وفضلت الفترة دى كلها مبخرجش من البيت و اتقدملى جوزى حبيبى هو بردوا عندوة مشاكل كان متزوج وعندوة 3 اولاد المهم ان لما عاشرتوة عرفت ان الست اللى كان متجوزها دى مكنتش تستاهلوة المهم جوزى قبل مانتجوز ساعدنا فى حاجات كتير اوى وخصوصا ان احنا مفيش راجل معانا ووقف جبنا بصراحة وقفة القريب مبيعملهاش و يوم كتب كتابنا كان جايب واحد صاحبوة نقيب فى الشرطة على اساس انة يشوف اختى ويتقدملها المهم انة كان خاطب قبل اختى 3 مرات واختى كانت متشوقة اوى انها تخطب او ترتبط بحد وافقت علية يمكن من قبل ماتشوفوة المهم اتخطبوا لبعض وابتدت امى واختى ينبهروا اوى بية وهو كمان لة اسلوب كدة غريب فى التعامل عرف يضحك عليهم بية كان بيدلع والدتى بالكلام والغريب انى لقيت والدتى اول مابيجى بتبقى هاين عليها تشيلوة من على الارض شيل حتى لو كانت عيانة وبقت تسمح لاختى انة يمسكلها ايديها او يقعدوا فى مكان لوحديهم وتصرفات تانية غير لائقة بالمرة زيادة عن كدة وفى الفترة دى انا وجوزى كنا عايشينا مع امى علشان جوزى كان فاضيلوة شهر ويسافر فلاحظت ان امى مهتمة جدا بخطيب اختى ومش بتهتم بجوزى اللى وقف معانا وهو اللى جبلها اصلا خطيب اختى وتتعاملوة معاملة مش حلوة المهم جية جوزى سافر وقعد يحضرلى ورقى 3 شهور وكانوا امر 3 شهور فى حيانى ابتدى خطيب اختى يجى البيت فى وقت متاخر وينزل الفجر من البيت وكل يوم بيجى البيت وطبعا والدتى عملالوة عمايل رهيبة وانا كان جوزى محرج عليا انى اخرج من غرفتى طول ماهو بالبيت وطبعا محبوسة لوحدى فى غرفتى وابتدا يتحكم فى البيت وجوزى من اخلاقة الفضيلة مكنش قايلوة انة سبقلى الجواز قبل كدة علشان محدش يبصلى بصة وحشة ابتدا بقى بعد جوزى ماسافر يتكلم من وراة ويقول لوالدتى هى لية وافقت تتجوز واحد متجوز هى لية متعملهاش قايمة هى لية وافقت ميتعملهاش فرح وبقى يقول كلام وحش على صاحبوة اللى هو دخلوة البيت وابتدى يغير فى اتفقاتوة اللى كان متفقة فيها على جوازة اختى طبعا وهى مسحورة بية هى ووالدتى وابتدوا يتخانقوا معايا لما اتكلمت معاهم وقولت ان دة ميصحش انة يسهر لنص الليل وانة يمسك ايدية وحاجات تانية وقدام مين قدام امها وقولتلهم هو كدة مش هايعملكوا حساب فى اى حاجة اتخنقوا معايا لدرجة انهم بقوا يعيرونى ويقولولى ياللى متجوزة مرتين وحرمتنى من الاكل وقالتلى جوزك يبعتلك فلوس تاكلى منها وبقوا يخدوا الاكل وكل حاجة عندهم فى غرفتهم ويقفلوا عليها كانى غريبة ووصل الامر لدرجة انهم يطردونى من البيت والغريب انى كنت انا واختى دى كنا قريبين من بعض جدا وبنحب بعض جدا والناس كلها كانت بتحسدنا على كدة سبحان اللة من بعد مادخل خطيبها دة حياتنا والدنيا اتغيرت لدرجة وصلت بية يقول لجوزى مراتك واقفة بشعرها فى البلكونة علشان انت مش موجود وانا اقسم باللة ان دة عمروة ماحصل وحصلت مشكلة بينى وبين جوزى واخنى بقت تقولوا عليا كلام وحش وبقت تحكيلوا كل اسرارنا وكل الاملاك اللى عندنا ولحد مافى يوم قررت ان الكلام معاهم مبقاش يتفع اتصلت بخالى وقولتلوة على انة بيجى ويسهر للفجر واتكلم معاهم علشان الكلام اللى بيحصل دة فى وشى انا وجوزى وكمان علشان الجيران ومنعرفش النصيب فين لان اهلة مش موافقين عليها وحتى عملت عملية فى عنيها ولا سالوة عليها وجية حمايا وحماتى يزوروها راحت نزلت من البيت ومستقبلتهومش ووالدتى قبلتهم وحش وكان شكلى وحش اوى قدامهم ولما خالى كلم والدتى فى انة بيجى متاخر اتخانقوا معايا واتصلوا بجوزى وشتموة وهو اللى اداهم الرقم وراحت متصلة بية وشتمت جوزى وعيرتوة بقعادوة عندها على الرغم ان جوزى هو اللى كان بيصرف مش هى وكل دة قدام خطيب اختى انا بصراحة طلعت عن شعورى وروحت طرداة برا البيت امى بقت تتحايل علية وتبوس كتفوة ونقولوة هى اللى تمشى مش انت واختى بقت تشتمنى وجاية تشدنى من شعرى علشان ترمينى على السلم كل دة علشان خاطروة وامى بقت تتحايل علية علشان يخرج مع اختى برا البيت وتقولوة دة حقك انت خطيبها وبقت تتاخر برا البيت لحد بعد نص الليل وانا كنت الفترة دى كلها محبوسة فى غرفتى ومش بكلم حد منهم وبجيب اكل من برا وجية وقت امى واختى تعبوة وانا اللى مرضتهم ووقفت جنتهم لحد ماشفيوا وبقوا كويسين لدرجة ان امى كانت مريضة واختى نايمة جنبها ولا سالت فيها وانا اللى سمعت صوتها من غرفتى وجبتلها الدكتور واختى حتى مكنش هاين عليها تجيبلها شربة مياة وبعد ما خفوا كنت بكلم والدتى على الاكل قالتلى دة اكل خطيب اختك اصلوة جاي النهاردة دة طبعا وهى تعبانة قامت عاملتوة وانا بعد ماطرتوة راجع تانى البيت المهم انى علشان مرض والدتى مرضتش اتكلم وقولتلها انا هادخل غرفتى لحد مايمشى لقيتوة جاى وجايب كلبوة معاة وداخل بية الشقة ولقيت اخويا وهو بيجبلى مياة سمعتوة هو واختى بيتريقوا عليا انهم حابسنى وزوينى فى الاوضة وسمعت امى علشان تخلى اختى متكلمنيش بتقولها اختك مدايقة ان خطيبك جية وانى عملتلوة اكل وانا اقسم باللة انى كنت خايفة على تعابها بس وكنت بقولها استنى لما تشدى حيلك راحت اختى ردت عليها وقالتلها انا اصلا مش بطقها ومكنتش عاوزة اكلمها طبعا انا انهرت لما سمعت الكلام وقولت لوالدتى حرام عليكى توقعى مابينا واخويا قال بصراحة انى معملتش كدة وان والدتى بتكدب راحوا اتخانقوا معايا وقالولولى انتى حدودك غرفتك وبس وراحوا اتصلوا بحمايا وقالولوا تعالى خد مراة ابنك وطبعا قالتلوة كلام وحش عنى بس الحمد للة جوزى كان عارف كل حاجة لانى مبقاش ليا ف الدنيا غيروة واتفقت امى واختى انهم لو ممشتش من عندهم وسكت عن اللى بيحصل معاهم ومع خطيب اختى انهم هايخربولى جوازتى ويقولوا كلام طبعا محصلش لحمايا ولحماتى يمس شرفى طبعا سوعقت لما سمعت كلامهم وعرفت انهم بقوا يتصلوا بخيلانى ويقولوا كلام وحش عنى والحمد للة كان اخيرا جوزى حضرلى ورق سفرى وبصراحة اخويا ساعدنى فى تجهيز الورق وبقيت انزل من وراهم اخلص ورقى وارجع من غير مايحسوا انى بعمل حاجة لدرجة ان والدتى بقت بتعايرنى وتقولى ان جوزى اتجوزنى ورمانى ومش هايبعت ياخدنى وانة بيضحك عليا وانا كنت بخلص الورق بصراحة عندت زيادة ومرضتش اقولها انى بخلص فى ورقى وحتى خطيب اختى هو اللى حط فى دماغهم الفكرة دى ان جوزى رمانى ومش هيعبرنى وبصراحة كان على العكس تماما جوزى مسبنيش حتى وهو بعيد ولا لحظة والحمد للة خلص ورقى ولميت هدومى وسافرت لجوزى من غير ما اودعهم او اسلم عليهم وحمايا وحماتى هما اللى وصلونى للمطار والحمد للة وصلت لجوزى وكنت لحد بعد ماسافرت كان اخويا الصغير بكلموة وبيكلمنى لحد ما ضغطوا علية وخلوة يغير تليفونة وقالولوة يا احنا يا هى ومن وقتها معرفش عنهم حاجة لحد من قريب عرفت ان امى عملت عملية بصراحة اديقت وزعلت اوى وعيطت لانى خفت كان يجرالها حاجة وانا ماشوفهاش بس رجعت افتكرت اللى عاملوة معايا ومقدرتش اكلمهم وكمان كنت خايفة اتصل بيهم لانى كنت عارفة انهم هيردوا عليا رد وحش وهيديقنى ويندمنى انى كلمتهم .بس بصراحة مرحوش لحظة عن بالى وكان نفسى الامور بينا تبقى احسن احترت ومش عارفة اعمل اية ,بجد انا اسفة انى طولت عليكم بس كان نفسى افضفض وحد يريحلى ضميرى ومش عارفة اعمل اية ساعدونى ارجوكم

>>>>> ردود الأعضـــــــــــــــــــاء على الموضوع <<<<<
==================================


ربنا يعيكن ويهدهوملك يارب


__________________________________________________ __________

يا حبيبتي انت كل ده مر عليكي وصابره فعلا انت وحده صبورة ماشاء الله بصراحه انا تأثرت بقصتك جدا ومش عارفه اقولك غير كملي صبرك واكيد بتنفرج وحيعرفو بقيمتك ويندمو على كل اللي عملوه لكن انا خايفه يكون خطيب اختك عاملهم سحر لان مش معقوله يتغيرو بالشكل ده ويتعلقو بيه ويكرهوكي انت عموما يا حبيبتي اصبري واهتمي بزوجك وانا حدعيلك ربنا يفرجها عليكي


__________________________________________________ __________

لا حول ولا قوة الا بالله ..بصراحة خطيب اختك شيطان فرق بينكم ..حسبي الله ونعم الوكيل
افضل ما فعلتي انك سافرتي لزوجك وتركتيهم .. حاولي توصلي لرقم اخوك الصغير وكل مره اطمني علي امك واختك وادعي لربك انو تتحسن الأمور بينكم وان شاءالله تصير مشكله بين اختك وخطيبها ويتفرقو عشان ترجعو حبايب ومافي زعل وربي ان شاءالله يهدي اختك ويرزقها الزوج الصالح وان شاءالله ربي يشفي امك ويعطيها صحتها وعافيتها ... ربي يوفقك وديري بالك من زوجك وحافظي عليه ..


__________________________________________________ __________

حبيبتي....صحيح أمك لها حق الاحترام والطاعة بما يرضي الله تعالى.....

وانت حسب كلامك ....لم تضريهم في شيء......بالعكس انت وزوجك من احضر العريس لاختك.....

وبما ان زوجك يعرف كل شيء عن مشكلتك مع أمك واختك.....

استشيريه.....في اجرى مكالمة هاتفية للاطئنان على امك.....فقط لاغير دون الخوض في

اي مشكل......مع امك او اي احد من العائلة......فان وافق اتصلي واطمئني عليها....

وانهي المكالمة باسرع وقت.....واخبريها انك بتحبيها وبتخافي عليها......

ولا تسمحين لها بالتدخل في حياتك ابدا.....ولا تثقين بها او باختك نهائيا....

و حافظي على بيتك وزوجك.....وربنا يكتب لك ما فيه الخير....يارب.....


__________________________________________________ __________

الحمدلله انك مشيتى من عندهم بصى انتى عشان تعملى اللى عليكى وتصلى رحمك اتصلى بيهم واسالى عليهم لو لقيتى ردهم كويس معاهم ابقى كلميهم كل فترة عشان تطمنى عليهم ونصيحة لو هترجعى انتى وجوزك ماتسكنيش معهم تانى