عنوان الموضوع : محتاجة نصيحتكم لي ... -لصحتك
مقدم من طرف منتديات نساء الجزائر

محتاجة نصيحتكم لي ...



السلام عليكم
كيفكم بنات ...
ممدري كيف ابتدي أنا حابة افضفض لكم واخذ رايكم
اممم أنا لي صديقة تكلم شباب وانا بصراحة مالي ب هالسوالف والله
وهي دايم تتكلم لي وتفضفض لي يوم من الايام جتني وقالت لي ابي
اعرفك على شخص وهالشخص يصير صديق اللي تحبه هي
بالبداية رفضت وبقوة وقلت لها أنا ماني لم هالاشياء قالت لي وش بتخسرين عادي بس جربي
المهم اني رضيت وكلمته بجوالها هي بحيث ان هو داق برقم اللي تحبه
كلمته معها وبعدها طنشته وماعاد كلمته ثاني وجلس هو يحن على اللي تحبه انه يبي رقمي او بني اي طريقة تواصل معي أنا استغربت من اهتمامه وانه مصر يكلمني وعطيته من باب الفضول ضليت معه فترة اسبوعين تقريبا كنت جدا ثقيله وهذا طبعي واسلوبي وهادية حيل
بعدها بفترة جاني وقالي أنا معجب فيك ومستعد اثبت لك ذالشيء أنا طبعا كنت عارفة هالحركات وانها كلام شباب فاضي ومارديت وظل يدق علي ويترجاني ارد ورديت واسمع صوت بكاه انه يبيني ومستعد حتى انه يتزوجني أنا انصدمت يعني مايعرف شيء غير اسمي ورقمي واسلوبي معه ثقيل قالي أنا بس ابي اسم عايلتك أنا رفضت وترجاني نفس الشيء وانا قلت له عندك النمبر تقدر تشوفه وقال ابيك تعطيني برضاك وعطيته ابي اشوف وش منتظر وبرضو كنت حاسه انو عارفها لانو بسهوله بيطلعها من النمبر وقالي برضو انتي ساكنة بنفس الحارة اللي ساكنه فيها صاحبتك قلت ايه وسكر ع الموضوع بعدها باسبوع قدر يعرف بيتنا ويعرف كل شيء عن اهلي واخواني وحتى نسايبنا جا اتصال بيوم لرقم امي وقالت انها ناوية تخطبني لولدها وقالت اسمي أنا بعد ماعرفت اسم العايلة والولد انصدمت مو طبيعي انو كل هذا يصير وانه يسوي هالشيء من جده ولما قلت له قالي شفتي اني قد كلمتي وصادق معك وابيك من جد ماكذب عليكم اني من بعد هالتصرف يمكن تعلقت فيه شوي بديت احبه ماتوقعت انو في شخص بيسوي هالشيء وبرضو كنت متضايقة انو طريقة التعارف ب هالشكل بيوم جية امه كان يمازحني يقول أنا برن الجرس من كثر ماني متحمس كنت انبسط واستانس على سوالفه وتصرفاته امي جتني لما دخلت امه ومعها اختها وقالت والله ارتحت لهم يله تعالي دخلي دخلت واول ماشفت امه ابد مارتحت حتى ابتسامه مابتسمت اما خالته تبسمت بوجهي وقامت تمدح بعد ماراحو صكتني ضيقة قوية ورحت لجوالي شفت كلامه وش صار قولي لي دخلتي ومن هالكلام قفلت الجوال ونمت صحيت الفجر وكلمته بالواتس وقلت له اتوقع اني عرفت رد امك سكت ومارد بعدها قالي أنا مستغرب خالتي تمدح فيك وامي تقول ان شاء تلاقي نصيبها مع غيرك طبعا الام رفضتني ليه ماني عارفة مع اني مملوحة وبشهادة الكل وبصراحه يابنات من قهري وعشان اثبت له اني حلوه رحت ارسلت له صورة لوجهي بس موباين كثير ودق علي برضو يبكي وقال والله ابيك امي ليش رفضتك ليش أنا سكرت الموضوع وقلت له كلن ماياخذ ا? نصيبه .

اللي قاهرني ان هالسالفة غدى لها شهرين وهالولد للحين عندي لكني ماكلمه كثير هو يكلمني أنا ? احيان اشوف اسمه واتذكر الايام الحلوة اللي قبل شهرين واحيان تعدي لي ضيقة خفيفة وتروح .

محتاره احذفه او اخليه ماله داعي اني اخليه وبرضو ماله اي داعي اني ضفته من البداية وماله اي داعي اني رضيت بكل هذا يصير أنا مستغربه من الرفض هذي اول شوفه لي أنا كنت رافضه من قبل الشوفات ومابي الحين بس مدري ليه يوم جاني هالشخص رضيت ان امه تشوفني .

لحد يعاتبني على تصرفي باضافتي له من البداية ?ني عارفة غلطتي ، اخليه او احذفه مع العلم انه قالي ?تفقدين الامل بتصيرين لي ان شاء الله وانا طبعي ?طال انتظاري لشيء اعوفه .

حاليا ابي احذفه وفيه شيء يردني مدري وش اسوي والله ،
مع انه بدا يبان عليه انه فقد الامل بسالفة الزواج
صحيح إذا بتقولون لي مافكرتي بالشك اللي بيصير بعد الزواج وا? مافكرتي كيف طريقة التعارف صارت مفكرة بكل شيء وبالعكس احس ان امه مارفضتني ا? خيرة لي أنا ، وانا برضو حسيت اني ارتحت ?ني بس كنت شايله همه خصوصا انه طيب حيل وعلى نياته .
أنا مدري ليش كاتبه هالكلام كله يمكن فضفضة او اني ابيكم تنصحوني بشيء يعطيكم العافيه .

>>>>> ردود الأعضـــــــــــــــــــاء على الموضوع <<<<<
==================================


امم خليه يكلم امه قولي له اذا يبيك
خلي امه تجي مره ثانيه ويخطبونك في هل اسبوع
لانك انتي ما تبغين تتعلقين فـ احد او تكلمين احد يكون غريب عليك مثلا
،ما تبين تطولين السالفه .. قولي له بالمختصر اذا امه ما وافقت عليك فـ هل مده القصيره
واللي هي اسبوع مثلا .. خلاص مافي نصيب وان شاء الله ربي يعوضك وحده احسن مني
واسمحلي دام ان امك مو راضيه مافي نصيب .. ما اقدر اكمل معاك
والله يجعل كل اللي صار خير .. ولو سمحت انا ابي استر على نفسي ..
وان شاء الله نتقابل فـ الجنه مثلا
قولي له من هل كلام وفهميه ...
وما يصير الا كل خير ان شاء الله ، ونفس ما قلت لك
لا تكلمينه او "تبقين" دام إن امه مو راضيه و دام إنه ما راح يخطبك
لو يصير اللي يصير ..


__________________________________________________ __________

رفع ..


__________________________________________________ __________

أنا رأيي تنسينه نهائي و أحس من كلامك إنو بتفكري مثلي بشكل كبير
إنتي بتدرين إنو علاقتك به محرمة فالله يوفقك حبيبتي احذفيه و رح يفهم حاله
و إذا فعلا متعلق فيك وربي كتب لكم الزواج فاكيد بيجي هداك اليوم

و استخيري و إدعي ربنا إذا فيه خير الله يقدمه و إذا مشقة ليك الله يصرفه عنك


__________________________________________________ __________

الخيرة فيما إختاره الله ، /
الحمدلله ماتدرين وين الخيرة فيه ..
إحمدي ربك حبيبتي ولاتزعلين
إن شاء الله ربي بيعوضك ب أفضل منه
لكن قبل كل شششيء ( إحذفيه وإمسحي رقمه وعطيه بلوك)
أعلمك ليشش !
لأن علاقتك معه ححرام ماترضي الله ولاترضي الرسول
ومن ترك شيء لله ، عوضه الله ؟
ماسألتي ب أيش يعوضني الله .. عوضه الله خخخيرآ منه ه؟


__________________________________________________ __________

توكلي على الله وإححذفيه ودوسي على الشيطآن ..
نور حيآتك بالهدى وإسلك طريق التائبين
وعمر فؤادك بالتقى فالعمر محدود السنين