عنوان الموضوع : الله يسعدكم ادخلوو :"" مجابة
مقدم من طرف منتديات نساء الجزائر

الله يسعدكم ادخلوو :""



*


السلام عليكم ورحمة الله يابنات وسيدات

بصراحه انا من زمان ودي احط هالموضوع بس تخبرون الاختبارات والزحمة مافيه وقت
وهاذاني الحين لقيت فرصة واتمنى اني القي جواب سؤالي او حل بالاصح
يعني ابيكم تساعدوني وتفهموني شوي لاني محتاجه هالشيء مع كل الناس عشان يتقبلوني
مشكلتي يابنات تفكيري، قبل ثلاث سنين كنت مرة حساسه وابكي على طول ودايم احس اني كل شي صح والناس غلط > تفكيري هذا نتج من تربية اهلي الي ماعرفوا يربوني زين دايم مايسمعون لرأي وان سمعوه على طول لأ ماتفهمين ومن هذا الكلام كانوا مرة يحطموني فنتج مني هذا التصرف اني كل شي اسويه برا البيت او اقوله صح ، المهم وقد صار نقاش مرة لما عمي رجعني من مدرسه انا وبنات عمي (وحده قدي وثنتين اصغر مننا بكم سنه وبزارين)
المهم حصل نقاش ولان رأي كان غلط جا عمي جلس يتريق ويستحقرني قدام البنات واني حساسه وما انفع لشي انا والله مرة بكيييييت حسيت محد متقبلني ويفهمني ويسمعني.. وبنفس الوقت انصدمت من بنات عمي محد يوقف مع او حتى يواسيني ...اي شيء
بس الحمدلله كبرت شوي وبدأت استوعب الي اقوله وصرت اذكى بشوي من قبل..
بس الحين طلعتلي مشكله هي من زمااان بس ماكنت حولها كان اكبر همي اني ابي اكون صح مهما كان ، المهم الحين ما اقدر اخذ واعطي زي الناس
مدري شلون افهمكم بس انا عادي اقدر اتكلم بس في بعض الاحيان ما اعرف شلون ارد؟ شلون اتصرف؟ شلون اخلي ردة فعلي مناسبه؟ شلون اجذب الناس لي؟ ومن هالكلام
احسني مرة متأخرة على هالتفكير بس شسوي ما استوعبنا إلآ الحين وهذا كله بفضل الله ثم بفضل جدي وبابا لانهم نقلوني مدرسه جديده (بسبب ظروف ولاهم مايدرون بشيء) بس انه لما نقلت تعرفت على بنات جددددا طيوبات وجميلات فتحوا عيوني على اشياء ما انتبهت لها ولاكنت الحين بغبائي استغفرالله :""
اتمنى فهمتوا موضوعي زين هو معليش فيها شوي فضفضه على الاقل ارتحت حسيت ربع همي طاح لكن ابي حل لتفكيري .. يعني ابي اخلي تفكيري اعمق ابي يكون جوابي غير عن المعتاد .. لان احيانا يكون ردي سطحي واحيانا حلو ..لكن الحين ما ابي سطحي ابد
وبقية الاسئله فوق، الزبدة انه سمعت القراءه تنفع وتغير من كل شي بس وشلون؟
يعني فيه وحده جربت وتغير مستوى تفكيرها وعقليتها واسلوبها وشخصيتها ؟؟؟؟

وربي يعطيكم الف عافيه ويوفقكم ويسعدكم بحياتكم ويبعد عنكم كل هم ومشكله يارب :")

>>>>> ردود الأعضـــــــــــــــــــاء على الموضوع <<<<<
==================================


لو عندك صديقات ممكن تستفيدي منهم ويفضل اللي اكبر منك بالعمر لانهم ليهم خبرات اكثر واجلسي مع والدتك واسمعي منها اجعليها صديقه وليس ام تكلمي معها حاولي تتكلمي مع والدتك هي اكثر الناس حريصه بكي وتعرف مصلحتك وتفهمك


__________________________________________________ __________

وعليكم السلام ورحمة الله وبركاته
ياحبي لك كلامك يجذب أحسك أنسانه متفائله < مجرد أستنتاج
أنا مثلك وأبشرك باأول ثانوي- كنت أنسانه عقلي ببطني للأسف
لكن نقلت وتعرفت على بنات ماشاء الله تبارك الله ويكفي بنات الخاله والعمه ثقافه درجه أولى وأسلوب ونجاح في نجاح ربي يبارك لهم ويرزقك أكثر
طبعاً بديت من الصفر أولاً حاولت أتفوق في المدرسه والحمدلله رب العالمين وصلت للتفوق بظرف 4 شهور
وهذا بفضل رب العالمين الأسباب أو مصادر التفوق 4 أشياء أولاً القران أحفظيه وتدبيره بتنصدميييييين من أشياء كنتي جاهلتها ويكفي قصص الأنبياء الي تشرح الصدر والفوائد العظيمه حاولي كل يوم تقرين كل يوم ثانياً بر الوالده ودعواتها بفضل رب العالمين كانت دافع قوي جداً ثالثاً كل شهر أقرى روايه أو قصه أو مقاله او حتى جريده وزادتني جرائه ومبدعه في الألقاء الحمدلله وحاولي تقرين بصوت عالي أحسن بس الحين بسوي جدول وأقرى كتب تزيدني ثقافه رابعاً الصلاة بوقتها وشوفي كثر ماتعبدين ربي وتطيعينه كثر ما بيفاجئك باشياء وأذكر لك مثال
هالترم جاني تبللللد فضيع كنت اخذ التقرير حق اللرم الاول الشهر الاول والثاني كله ممتاز 14 ماده !! وهالترم تقريباً 6 ممتاز بالنسبه ل14 ماده وبالنهائي ؟ ماده وحده 30 والثانيه 29 ؟؟ وكل المواد من 21 الى 25 !!!
أسألك بالله تتوقعين كم نسبتي ؟؟ والله أني مانقصت عن الترم الاول الا نسبه وحده بس شللللون !!!!!! عشاني بإذن الله أرضيت رب العالمين أرضاننننني ولله الحممد والمنه
حاولي تتثقفين باللغه الانقليزيه أكثر ترا ششئ حلو ويزيد الثقه بالنفس بعد حاولي تشتركين ب مركز صيفيه تتضمن الالقاء او محاضرات او نصائح حاولي انتي تكوني الملقيه
والله يوفقك ويحقق النجاح الي تبينه وعساه يفبدك دنيا وأخره
دعواتي لك

- اللهم صلِ على محمد وعلى آل محمد -
أكثري من الاستغفار فرج الله همك


__________________________________________________ __________

ي عمممممري انتي :')
ترى بعددد انا كنت مثلكك، وعلى نياتي وااااجد!
كنت ما افكر عدل، وجوابي اهبل وغبيه وما افكر زين... واشياء واجدةة
لكن والحمممممدلله انه صرت ادخل ع منتديات واقرأ وخاصةً عن هذا المجال 'الذكاء+الثقه'
والحمدالله تعدلت وصرت ذكييييه وتغيرت باشياء ثانيه.. لكن باقي شوي : ")
+ الدعااااااء والاستغفار بهالنيه وحاولي وتدربي وجاهدي وشدي همتك وَ . . 'أنا من حقي أصير ذكيه'
اقري عبارات بتويتر والله تخليك تفهمين نفسك + المجتمع
مو شرط تتسجلي، اهم شي تقرين لاتملين، سولفي مع نفسك بالمرايه جد لااااتضحكين!
سولفي مع اختك، تفرجي ع برامج حوارين.. وابتعددددددي عن العجله خليك رزينه وثقيله منتي مستعجله ابد
ممم حاليًا ماعندي اسماء كتب لاني اقرأ بالنت ومثل ماقلت لكِ
اسمعي لكلام الكبار، اقري روايات عاد فيه روايات حلوة وتساعد لكن ناسيه اسمها والله :')
ممم بصراحه احسك الحين من موضوعك ثقيله ورزينه وجميله وتفتحي النفس وذكيه، وفي شيء بموضوعك
وما اخفي عليك.. جذبني لكن ماعرفت!
ع العموووووم حبوبه اتمنى افدتك ي حلوة وربي يوفقك ..
دعواتكك عسوله "


__________________________________________________ __________

بكرا تكبرين وعقلك يكبر وتفكيرك يكبر وتميزين الصح من الغلط


__________________________________________________ __________

رفع