عنوان الموضوع : احب ولد عمي بجنون -تم الاجابة
مقدم من طرف منتديات نساء الجزائر

احب ولد عمي بجنون



السلام عليكم ورحمته الله وبركاته
كيفكم؟؟
بدخل بالموضوع

عندي مشكله بسيطه ابغى اشوف لها حل

انا عمر 15 سنه واحب ولد عمي ولد عمي عمره 17 او 16 سنه
ومو قادره انساه يعني بكل وقت اقعد افكر فيه هو شكله مايدري اني احبه ..

مدري وش اقولكم يعني مو قادره انساه حتى في المدرسه افكر فيه

ومره من مرات اهلي يقولون احساسنا انتي شكلك بتتزوجينا

وانا مابي اهلي يدرون اني احبه

تكفون ساعودني ابي حل

>>>>> ردود الأعضـــــــــــــــــــاء على الموضوع <<<<<
==================================


بقلبي اشغلي وقتك في طاعت الله ورب خلقنا لطاعته والتفكيير في الكووون وخلقه
انتي باقي صغيره الله يحقق امانيك
جربي الاستغفار وراح تفرحين


__________________________________________________ __________

حاولي ان تركزي على دراستك ..
وقومي بجعل العمل يثقل عليك ولا تعلمين بالتفكير بماذا
وقومي بمواعدات بين صديقاتك
وهكذا الأمور ستتراكم عليك
قومي بترتيبها
وعندما تنتهين منها
إسرحي وإمرحي مع صديقاتك
ويمكن أن تنسيه بهذه الطريقه ..
والله يستر عليكي ..


__________________________________________________ __________

ياشيخه هذي خرابيط وغدان,,, ياما حبينا عيال عمنا وعيال خوالنا حبونا وبالاخير كلن راح واخذ نصيبه...
خلي عنك الخرابيط الله يهديك توك مفقسه من البيظه..وتتكلمين عن حب وماحب..
نصيبك يصيبك... خليك بدروسك الله يصلحك


__________________________________________________ __________

يالبيه بس ذكرتيني بخبالي اول يوم كنت بزره ومراهقه..ماصدقت شفت شوية معالم وتضاريس قلت بس صريت حرمه ولازم احب وانحب وطبعا بما اننا مجتمعات مغلقه وممنوع نتعرف على الشباب وهذا شي زين طبعا محنا مثل الاجانب..ومانعرف الا اقاربنا بالطبع وأرووحلج وانشب لولد عمي..ماقدامي غيره طبعا وصرت مثل حالتج يعنني حب وغراميات وتنهد وبالي مو معي وقت الدرس والابله دايم تزفني يقطع ابليسه كله من ابو كشه عاد ياليته حلو ولا مزيون كان اقول يستاهل..وهو ولا درا عن هوى داري..يعني هي طاقه ومن الطبيعي تبدألأ فينا بمعنى غريزه وتبدأ تبرز في هالعمر..يعني لاتشغلين بالج وايد ياغلاهم..شوفيني ألحين أم عيال وصار عمري دبل ذيج الحزه واتذكر خبالي واضحك على نفسي..بالذات لاسمعت صوته واروح اركض على مرايتي وامشط قذلتي عاد كنه بيشوفني خخخخخ بس وحده مراهقه وملذوعه..ايام فيما بعد راح تكون حلوه للذكريات بس لاتعطينها كل وقتج..وسلمي ان الامر يرجع الى تكوين هرمونات وتغييرات انتي قاعده تمرين فيها بالمرحله هذي من عمرج وبس..فهمتي علي حياتي؟؟ربي يوفقج وياريت شوي تحطين بالج من دراستج ترى رجال الكون كلهم مايفيدونج غييير علمج وشهادتج صدقييييني يابنتي..


__________________________________________________ __________

انتي تمرين بمرحلة المراهقه