ابي حل مع ابوي مجابة

[aksachli]

عنوان الموضوع : ابي حل مع ابوي مجابة
مقدم من طرف منتديات نساء الجزائر

ابي حل مع ابوي

ابوي دائما يحرجني قدام عيال اخواتي واخواني
وقدام حريم اخواني والعيال مايحترمون ابدا وما
الومهم الان ابوي يهزء فيني قدامهم واكيد ما
راحوا يحترمون انا مره مقهورة ليه يتعامل معي
كذا وش ارد وش اقول عن جدهم وليه يهزء خالتهماليوم الخميس واخواتي يتجمعوا وكنت
في صاله وكان ازعاج وعيال يصرخون وابوي داخل في غرفة وينادي وانا ماسمعته يعني مومتعمده ماسمعته وقام يهاوشني ويستهزء فيني قدام بنات اخواتي وجالسين يضحكن عليطيب ماني متعمده وقلت له ما
سمعتك قال بضربك عشان تسمعين وانتي خبله ومن تشوفين العيال تصيرين هبله آآآخ وش ارد وماصدق اني ماسمعته يعني لو سمعته كان رحت له على طول تخيلوابنات اخواتي قالوا جدي ينادي لانهم كانوا قراب منه وكان يبي مني اجيب دواء لان بنات اخواتي مايعرفون وامي ماكانت موجوده طلعت معزومه مع اخواتي يعني بعض اخواتي راحوا وبعضهم جلسوا طيب انا
وش ذنبي ليه تهاوش خلاص ماسمعتك واصلا
دائما يرمي علي كلام مثل سموانا باره وما
اطول لساني وقايمه فيه وفي امي ورغم كذا
ماهمه بس يرمي كلام مايراعي مشاعري ولا
مشاعر احد انا بنته ضناه مدري ليه ومثل بنات اتدلع وانا اصغر اخواني واخواتي وكل اخواني واخواتي تزوجوا وانا بقيت ليه يحب يبعد عياله
بااسلوبه حتى امي عشرة عمر وام عياله يرمي عليها اخ بس ودي الكل يروح ويترك لوحده عشان يحس يمكن يعدل اسلوبه شي يقهر عندك اب وماتحسي بحنانه وربي يفشلني ويضربني
يعني مايكتفي بكلام حتى من غير سبب اقسم
بالله مافي سبب كذا هو يحتر مني اذا جلست مع احد واذا جلست في البيت يرمي كلام وانتي على لاب توب واذا طلعت كل شوي يدق انا مااطلع من البيت مدري وش يبي باالضبط علموني كيف اتصرف مع هل الاب اتمنى اتزوج وافتك ابي
زوج حنون يعوضني حنان الاب الي ماشفته ماابغى الدلع ابغى بس يحترمني ومايهاوش ويفشل وانا حساسه وخجوله انحرج اذا رمى كلام قدام احد تبي شي بيني وبينك ليه قدام الكلتكفون دعواتكم اني اتزوج قريب ويرزقني بزوج حنون وطيب واهم شي انسان يحترمني مو يفشلني وربي اخاف بكرة بعد يفشلني قدام زوجي
انتظر رودكم ابي حل مع الاب لاتقولون ابوك واحترميه وليه وكذا انا مااطول لساني عليه ومحترمه بس خلاص كل شوي يرمي كلام انا انسلنه وعندي مشاعر ..اتمنى تنزلوا الموضوع وجزاكم الله خير

>>>>> ردود الأعضـــــــــــــــــــاء على الموضوع <<<<<
==================================

الله يهديه

__________________________________________________ __________

مهما كان هذا ابوك يمكن اسلوبه كذا بعض الناس اسلوبه عصبي فلازم تتحملي مايصلح نتصرف في مع ابائنا بالعصبيه بالعكس قابليه بخفض الجناح لعل الله يهديه الله يخليه لكم ولا يحرمكم منه

__________________________________________________ __________

شكرا لكم انا مااطول لسان آسكت بس آمس كذا كان معصب على شغالة وجاء وضربني وش دخلتي
تضربني من غير سبب ماسويت شيء

__________________________________________________ __________

الله يكون بعونك ويعوض صبرك خير

الاباء والامهات لما يتضايقوا من تعامل احد اولادهم او لما مايفهموهم ولا يقدروا يصرحوا له يتعاملوا معهم بالاسلوب هذا
شكل ابوك من النوع الشديد وشدته معك انتي بس والدليل مايضرب اولاد اخوانك واخواتك ولا يسب اخواتك

واحتمال خوفه عليك يكون سبب

اذا تقدري تتقربي من ابوك بكثرة الجلوس معه والاستماع له ولا تعارضيه او تخطي كلامه بعد فترة بيتغيرك بمعاملته معك وبيتحسن معك
اهم حاجه خليك واضحه معه وقريبه منه اكثر الاوقات
اعتذر منك هذا حل عام لاننا مانعرف والدك ونجهل طبعه وطبيعته وممكن تشاوي أخوانك بما أنهم يعرفوا طبعه

الله يهدي الجميع ويرزقك الزوج الصالح

__________________________________________________ __________

المشاركة الأصلية كتبت بواسطة مشكلتي الله يكون بعونك ويعوض صبرك خير الاباء والامهات لما يتضايقوا من تعامل احد اولادهم او لما مايفهموهم ولا يقدروا يصرحوا له يتعاملوا معهم بالاسلوب هذا شكل ابوك من النوع الشديد وشدته معك انتي بس والدليل مايضرب اولاد اخوانك واخواتك ولا يسب اخواتك واحتمال خوفه عليك يكون سبب اذا تقدري تتقربي من ابوك بكثرة الجلوس معه والاستماع له ولا تعارضيه او تخطي كلامه بعد فترة بيتغيرك بمعاملته معك وبيتحسن معك اهم حاجه خليك واضحه معه وقريبه منه اكثر الاوقات اعتذر منك هذا حل عام لاننا مانعرف والدك ونجهل طبعه وطبيعته وممكن تشاوي أخوانك بما أنهم يعرفوا طبعه الله يهدي الجميع ويرزقك الزوج الصالح

ابوي عصبي واذا عصب يحط حرته في الكل ولكن لازم يعدل
من هل طبع الشين ومشكورة على الرد