تعبت من عيشتي -تم الاجابة
عنوان الموضوع : تعبت من عيشتي -تم الاجابة
مقدم من طرف منتديات نساء الجزائر
تعبت من عيشتي
مشكلتي
ان ابوي مايطلعنا ابد من البيت
24 ساعه محكورين بالبيت
لاطلعه لا وناسه
كل حياتي بيت مدرسة مدرسة بيت
ولا صلة رحم ولا شي
صحيح انه ستر وزين لكن والله تعبت نفسيتي
ابي اطلع البحر ابي اتسوق مثل البنات مافيه
وكل ماقلت لابوي يقول قلة حيا وما ادري ايش
يقهرني يقههههههرني
حتى الحين برمضان مايمديني لا اصلي ولا اعبد ربي
كل وقتي شغل
لاني البنت الكبيره ومافيه غيري اساعد امي ولا عندنا شغاله
تعبت نفسيا واعصابي تعبت ماعدت اتحمل اي حاجه
وغير كذا ابوي مايجلس معانا ابد يصحى ويفطر همن يروح لم عمامي
ولا يجي الا 12 كذا
من يوم اننا صغار وحنا على هالحال وامي متحملته ومتحمله عيشته هذي 20 سنه
ويحاول يطلع مشاكل علينا ولازم يطلع ان حنا الغلطانيين وهو الصح
ودايم يحاول يقلل من قيمتنا ويحطمنا نفسيا ومعنويا
قسم بالله اني ما اكرهه لكن هو معقد
كله بسبب جدتي الله يسامحها ويشفيها
دايم تحرضه على امي وتوصيه على عمي وعلى عياله
مع ان ماعليهم قاصر وهذا ابوي يصرف عليه وعلى عياله
مثل مايجيب لي يجيب لبنت عمي ومثل مايجيب لاخوي يجيب لولد عمي
كانهم اخواننا
مو بس يصرف على عمي ويصرف على عمتي وعمي الثاني بعد
وراتبه يادوب يكفينا
مقصر علينا عشانهم
يوزع فلوسه يمين ويسار وحنا طلباتنا مؤجله وبعدين وماتحتاجونه
تخيلوا عمي يوصي ابوي حتى على الدخان حقه
مشتغل سواق عندهم وحنا على الهامش
ويوووووه لو اجيب طاريهم او اقوله هم مو محتاجين
يمكن يقوم علي يسطرني عشانهم حياته كلها مجيره لهم
ودايم متهاوشين هو وامي
وانا اللي اتحمل هذا كله
اصير اغسل لابوي ملابسه واسوي اكله واي حاجه يطلبها مني انا
تعبت تعبت قسم بالله
والمشكله انه اذا امرني اسوي حاجاته امي تعصب وتصير تتكلم علي وعليه
ودايم تدعي علي وتقول الله لا يوفقتس
وامي من النوع اللي ارضاءها صعععب ولاني الوحيده من اخواني ادور رضاها ماترضى علي بسرعه وماتكلمني زين ودايم تزمر علي وتقول لي اخس الكلام
والحين العيد قرب و ابوي مايخليني اروح مع امي لم السوق اشتري اللي ابي
وغير كذا كنت ملتززززمه مرره بديني
ولا في يوم توقعت اني باطيح بوحل الشباب والقذاره
وانتكسسسست انتكاسه عجيبه
لكن الحمدلله وتركت كل الوساخه اللي كنت فيها
اظن انه بسبب عين جتني جعل اللي صابتني فيها عينها العمى
حتى اخوي الصغير ماسكته دايم تسني امه
باقي ارضعه بس
تعبت ياجماعه والله تعبت
علي ضغط من جميع الجهات ولا عندي احد اشكي له
ادري ان لازم اشكي لربي بس لكن ابي مخلوق يحس فيني
والمشكله ان كلهم يشتكون لي امي واخواني
وانا اخفف عنهم واعطيهم حلول
ولا احد يفكر يسمع لي
حتى اذا جيت انوم والله لازم اشششد اعصابي واضم نفسي بقوه
ماقدر انوم طبيعي
وهالايام احس تنميل بكل جسمي من 6 او 7 ايام تقريبا
اذا قلت لم ابوي ودني لم المستشفى يقعد يتطنز علي ويقلدني
تتععبت منه
تعبت من كل شي
انا انسانه يائسه من الحياه
وقلت يله باحط املي كله بزوج المستقبل
وادعي ربي ليل نهار اني اتزوج واستغفر بعد عشان الله يعجل به
بس استغفرالله دايم يجيني شك اقول وشلون نبي نتزوج وحنا مانعرف احد ولا نطلع ولا شي
وترا نسيت اقول عمري توي داخله 18
لكن بسبب عيشتنا خلتني افكر زي كذا
ولا احد يقول فكري بدراستك ومستقبلك
لاني للاسف فاشله فيها
واللي متعبني زياده
الدوره صايره ماتنزل معي الا كل بعد 4 او 5 شهور
وتتعبني حيل احس بآلامها لكن ماتنزل
ولا اقدر ااقول لابوي يوديني المستشفى
اطلب من كل اللي يقرأون هالمشكله
انهم يتوجهون يم القبله ويدعون لي بالزوج الصالح التقي النقي عاجلا غير اجل
موهب لازم تكتبون الدعاء
بس توجهوا للقبله وادعولي
وشكرا للجميع
>>>>> ردود الأعضـــــــــــــــــــاء على الموضوع <<<<<
==================================
يا قلبي الله يهونها عليكي
فعلا الحل الوحيد انك تتزوجي وتتطلعي من هالبيت
اسمعي التزمي بصلاتك ودعائك والاستغفار وان شاء الله يجيكي ابن الحلال
اللي يخلصك من هذا كله
ولا تخافي وتقولي كيف انخطب وما حدا شافني ؟ ربك كريم يا قلبي
هو اللي خلقك وقادر يدبر امرك ويرزقك حتى لو كنتي بسابع ارض
بس ادعي والتزمي بصلاتك وعليكي بالاستغفار
__________________________________________________ __________
الله يرزقك الزوج الصالح اللي يعينك على دينك ودنياك
ويهدي أبوك وأميمك ويرزقك برهم ويشوفون عيالك وعيال عيالك ..
ماشاء الله عليك مافيه بنت بوقتنا تسوي سواتك برك بأهلك لكن أعرفي أني الفرج قريب
يقول الله عز وجل {أدعوني أستجيب لكم} والله الله بقيام الليل وكثري الأستغفار وأنا أختك
....
__________________________________________________ __________
الله يرزقك الزوج الصالح الي يعوضك وخلي تعبك هذا قربتا لله وهو الي يتكفلك ولا تقولي منين يجي الزوج لان الله قادر ورازق وعليك بكثرة الدعاء والاستغفار والالتزام بالصلاة والالحاح حتى الله سبحانه يعجل بقسمتك
__________________________________________________ __________
و إنشاء الله حبيبتي رب العالمين نخبيلك شيء راح يفؤحك و يبسطك كثييير
خلي إيمانك بالله كبير بس
ربي يفرجها عليكي يارب.
__________________________________________________ __________
لك دعوة من كل قلبي يااختي انو ربي يفرج عليك ويرزقك بلزوج الصالح اجلا ام عاجلآ بحق هذا الشهر الفضيل
لا تسكتين يااختي ع الدوره اخاف يكون فيك شي ولا حياء بلدين
مووفقه
رد مع اقتباس
