عنوان الموضوع : فضفضهه... -تم الاجابة
مقدم من طرف منتديات نساء الجزائر

فضفضهه...



انا وحده ماتعديت 14 سنه ككل شي فوق راسي كل شي ضدي اهلي دراستي الناس والحظ كل شي بالدنيا مستحيل يكون لي انا ماعندي ابو مثل العالم كل ماطلبته قال لا تخخيلو اجمع من مصروني الي مايتعدي 100 فلس عشان اشتري لي تلفون او ملابسلو اعدها جديده او نعال نعالي واحد مايتغير الا اذا انشق هو للمدرسه هو للطلعه هو للمناسبات حتي النت انا واخواني الضغار ( انا اكبر وحده ) نحط من فلوس بعض وندفع والله لو ما خالي كان ضعنا اهو ملبسنا مشربنا مع انه على قد حاله بس يحاول ساعات مايقدر يدفع وساعات مايقصر الامتحانات قربت وانا ماعندي احد يوديني معهد وفلوسي ماتكفيني وشكلي بعيد السنه لا اقلام ولا دفاتر حتي البنات يتشمتون على وكل ماطلعنا تهاوشنا والله العظيم ماجذب عليكم ماقد مره طلعنا الا وابوي يسب امي وهي تفككر تسوق بس من وين فلوس المدرب والسيارة والله هالدنيا تعب حتي جيراننا حاسدينا على شنو بيت في الارض طايح طابق واحد وصبعه من برا طايح وحالته حاله وبعد حسد كلها اعمال مسوين لنا عشان ابوي مايرضي يجيب عيال وعشان كل ماطلعنا نتهاوش وعشان وبعد وبعد وبعد لو اعدها ماتكفي الصفحه والعين سالفه ثانيه بعد وانا لا عندي رفيجات امشي معاهم لاني مريضه عندي رهاب ماقدر اتكلم مع اي احد من الي قدي الككل يقول ليش ماتبتسمين ؟؟ ليش ماتضحككين ؟ ودي بس اكبر بسرعه ودي ارتاح منهم ودي اعيش بروحي خاطري اكمل دراستي واصير شي حلو بالدنيا ودي احد يفرح فيني يشجعني يوقف يمي ...

ادري طولت بس هاذا شوي من الي بقلبي موجود ...

>>>>> ردود الأعضـــــــــــــــــــاء على الموضوع <<<<<
==================================


قوي ايمانك برب الكون-عدنا مثل يكول بعد كل ضيكة فرج


__________________________________________________ __________


اللهم اجعل كل ما حصل وسوف يحصل ويحصل الان خيرا لي ولنا فـ الدنيا و الاخره
يا ارحم الرحمين

ان الله مع الصابرين وكثري من الدعاء و الاستغفار


__________________________________________________ __________

الله يفرج همك ي بنيتي ويسخرلك ابوك ويرزقك من واسع فضلة تقربي حبيبتي من ابوك وادعيله في صلاتك الله يوفقك لمافيه الخير


__________________________________________________ __________

الله يفرج همك ي بنيتي ويسخرلك ابوك ويرزقك من واسع فضلة


__________________________________________________ __________

حبيبتي بذكرك بقول الله تعالى لقد خلقنا الإنسان في كبد)
كل الناس مو مرتاحة ولا مبسوطه لكن يختلف الوضع من شخص لشخص
تذكري على قدر البلاء وصبر المبتلي يعوضه الله
اصبري وادعي لابوك في أخر الليل بتحصلي النتيجة اللي نرضيك أن شاء الله

خليك قريبه من الله ولا تنسي ترددي أنا لله وأنا إليه راجعون أللهم اجرني غي مصيبتي واخلفني خيراً منها.

وبذكرك الشيطان يصداد المسلم في مثل هذي الظروف فخليك محافظة على نفسك وتقوي بالقران والذكر والقرب من الله.

تخيلي فيه ناس اعرفهم مثل وضعكم بس الفرق أن ابوهم مانع احد يساعدهم ويأخذ كل الفلوس معهم ويضربهم ضرب الله لايوريك حتى أنهم كل فترة يدخل واحد منهم المستشفى من المصايب اللي تحصله. وامهم تعبانه نفسياً.

والله إذا شفنا مصايب غيرنا تهون مصايبنا.

لكن اجتهدي في دراستك بتوصلي مستوى يتمنى الجميع يكون مثلك

ولا تفكري تبعدي عن أهلك يقولون الموت مع الجماعة ارحم

الله يهدي أبوك ويحننه ويسخره لكم . ويحفظكم من كل مكروه. ويغنيكم بحلاله عن حرامه وبفضله عن من سواه