عنوان الموضوع : آه يازوجي الله يسامحك ماتوقعتها منك
مقدم من طرف منتديات نساء الجزائر

آه يازوجي الله يسامحك ماتوقعتها منك



السلام عليكم ورحمةالله وبركاته
حبيت اعرض لكم مشكلتي ولاول مره بحياتي اقدر افضفض قدام احد
انا متزوجه من 8سنوات وعندي ولد واحد عمره 5سنوات ونص والحمدلله عايشه ومبسوطه مع زوجي
وعمره ماكدر خاطري اويجرحني وانا كمان عمري ماكدرت خاطره او جرحته
لان بيننا حب واحترام وكل واحد منا يقدر ظروف الثاني

لكن امس فجأه تغير وانقلب وحش كنا سوالف وبعدها قام كسر بخاطري
قلت له ليش تكسر بخاطري وانت عمرك ماسويتها
قال انتي ماتستاهلي اي شي بكييييت وقلت له انا صبرت معك وضحيت بكل شي لاني احبك
وجلس يجرح وانا ابكي ومنهاره وطبعا عندي ولدي جلس يناظر فيني وفي ابوه
فجأه ماحسيت الا وهو يضربني قدام ولدي اعطاني كف ولوى ذراعي
حتى الان يدي واصابع يدي توجعني وطالع فيها كدمات لونها ازرق
ومن وقتها وانا ابكي جالسه بغرفتي وهو مافكر حتى يعتذر اويرسل رساله

والي قهرني اكثر وحطم نفسيتي ان ولدي الصبح صحيته عشان البسه يروح الروضه وجلست اراجع له في دروسه
قلت له انتبه معاي وانا معصبه وتعبانه وقتها تدرون ايش رد علي ولدي
قال والله اخلي بابا الحين يضربك مثل امس

جلست ابكي ودموعي مارضت توقف جلس يناظرني ولدي بحزن
انا مو عارفه ايش اسوي عشان ارجع ثقتي قدام ولدي
مو مصدقه ان زوجي صار بيوم وليله مثل الوحش والله يابنات عمري ماقصرت معه لا في اكل ولا لبس
كنت بروح بيت اهلي بس ماابي اشغلهم بمشاكلي كفايه الي فيهم
وانا مااحب اصير على كل لسان فلانه ضربها زوجها لان انا وزوجي عمرنا ماكان بيننا مشاكل
عطوني حل بالحييييييل متضايقه وتعبااااااااااااانه ودي امووووت وارتاح
ياااااااااااارب لك الحمد على كل شي

>>>>> ردود الأعضـــــــــــــــــــاء على الموضوع <<<<<
==================================


غريبه!!

يمكن عليه ضغوطاتَ .. يمكنَ مهموم

معليش حبيبتي دام هو اصلا طيبَ وذا الشي مو من عوايده اعذريه هالمره

اكيد في شي خلاه يسوي كذا

بس انتبهي ترضي بسرعه لان اذا عودتيه يضربك وتسامحيه بياخذها عاده وكل يوم بلطش فيكي

اما ولدك ان ششاءالله لما تتسامحي انتي وزوجك خليه يعتذرلك قدام ولدك عشان يعرف ولدك ان هالشي غلط وابوه بيعتذر على هالغلط


__________________________________________________ __________

مآرآح آخوفكـ..


ممكن يكون مثل مآ قالت الاخت العسوله..

آنو عليه ضغوط..ومآحصل آحد يفرغ اللي فيه..

ف حصلك آنتي قدآمه..

بالنسبه لولدك..لآزم ابوه بعد مآيراضيك..يعاقبه..

لآزم تكوني ملكه بيتك..

آتذكر وحده تعرفت عليهآ ..

تقول آبوي مخلي آمي ملكه..

الكلمه كلمتهآ ..

ودآيمآ ابوهم يوصيهم على آمهم يقول هذي تحت رجولهآ الجنه..

ف الاب هو اللي يزرع هذا الشيئ في الابناء..

وطفلك لسى طفل..

مآيفهم يتربى من اللحين لسى عجين...

والله يفرج عليك يالغلآ ..

ويسهل لك دروبك..

ويسخر لك جنود الارض وملائكه السماء..

موفقه ..

دعوآتك انو ربي يسهل لي ||~


__________________________________________________ __________

بسم الله الرحمن الرحيم

بعين الله اختي يعني ساعة غضب وان شاء الله بتكون راحت ولا يهمك انتي فيكي تحكي معو بهدوء وتتفاهمي معو وان شاء الله ما بكون للخلاف محل بينكم

الله يخليكم لبعض ويخليلكم ابنكم ولازم تهتمي بابنك وتثبتيلوا عكس يلي شافو بانك تتقربي لوالده حتى يرتاح الولد



بسمة امل


__________________________________________________ __________



شوفي .. أول شي لا تبدين معه انتي

لانه لازم يحس بخطاه

وهو اللي يبدا يعتذر لك

ثاني شي .. شوفي اش عذره

يمكن انه معذور فعلاً

ولو تقدرين تروحين بيت اهلك يكون احسن

مو شرط تقولين لهم انه ضربك ومدري ايش

لا

قولي لهم باخذ فترة نقاهه عندكم

واتركي له الولد والبيت

وخله يتوهق فيهم

وانتي ريحي نفسيتك في بيت اهلك

والله ييسر لك امورك


__________________________________________________ __________

اشكر كل وحده ردت علي الله يحفظكم
بس انا وش ذنبي اذا عنده ضغوط يجي يضربني بنات انا اخااااااااف من المشاكل
لكن بصبر وربي معي ودي يعتذر يحس بغلطته لكن مافكر فيني
يطلع ويرجع للبيت ماكنه مسوي شي
الله يهديه ويحنن قلبه علي