عنوان الموضوع : انا وامي وخطيبي ؟ الطبيب يجيب
مقدم من طرف منتديات نساء الجزائر

انا وامي وخطيبي ؟



السلام عليكم

ابي اطرح مشكلتي واتمنى تساعدوني

انا وحدة مخطوبة لسه ما ملكت
انا من عاداتنا انه عادي نكشف على اولاد خالاتنا
وطبعا هما بدولة اخرى غير الدولة اللي انا فيها لكن كل سنة ننزل عند خالاتنا واهلنا

انا من يوم انخطبت وخطيبي رافض فكرة انه اكشف عليهم
ويوم اهلي وامي بالخصوص عرفو بدا الشي
زعلو وعصبو واخدوها فكرة انه يتحكم فيني

ودا مو غرض تحكم
المشكلة ان الكل اخد منه موقف وصارو رافضينه وكل يوم والثاني يكرهوني فيه لكني متحملة لان عمري ماراح القى واحد يحبني مثله ولا راح احب غيره وحاول انه نملك دحين ونتزوج بشهر 8 لكن بحكم انه لسه وظيفته ماجات اهلي رفضو
المشكلة دحين انا تعععععبت
مو عارفة كيف ارضي امي وافهمها انه مو غلط اني اغطي وجهي دا الشي انا كمان ابيه

وصارت امي كل شوي تقول ماراح ترتاحي معاه
راح تيجي تشتكي منه بعد الزواج
راح يبهدلك ويجننك
وراح تقولي انا ندمانة وياليت سمعت كلامك
وكل يوم على دا الموووووال

وكل مرة انا مو مرتاحة له ولا راح احضر زواجك اذا اخدتيه وكلام كثير غرررريب
بالاول كانت تمدح فيه وتقول يحبك ورجال كويس لكن من بعد القصة حقت انه اغطي على اولاد خالتي وهي قلبت عليا


على اساس انه اخواتي ازواجهم راضيين لهم عادي يكشفو عليهم عشان كذا امي ماتبيه يامرني من دحين وتبيه زي ازواج خواتي
ولا هي راضية تفهم انه غيرررررهم
مع اني الحمدلله مرتاحة معاه واحبه

لكن تعبت ومو عارفة ايش اسوي دحين

يعني امي ولا هو ولا ايش اسوي

انصحوني ايش اعمل ولكم جزيل الشكر

>>>>> ردود الأعضـــــــــــــــــــاء على الموضوع <<<<<
==================================


حبيبتي اوعك تفتحي مجال لأمك تدخل بينكم انتي وخطيبك ولا تاخدي فكرة سيئة عن خطيبك من حكي امك وبما انكم بتحبوا بعض فرح ترتاحوا ان شاء الله واهم شغلة تعملي اللي بيحكيلك عليه خطيبك وهالشغلة مو معناها انو بيتحكم فيكي بالعكس هو هيك بيتبتلك انو بحبك وبغار عليكي لعيك اعملي ياللي بيرضيه ولو ع حسابك والله يوفقكوا سوا وتتهنوا يا رب والف الف مبروك


__________________________________________________ __________

نفسسسسسسسسسسس قصتي مع خطيبي
يقولولي مجنون ومتشدد لكن مادامو متخلق ويطلب مني بشي يرضي ربي مش راح نخليهم يغلطو عليه بكلمة صحيح يعذبني لكن ف الاخر هو يحكي في صالحي خير لياا في ديني ودنيتي
واولاد الخالات والعم وش يجينا منهم غير وجع الراس
يعني لو هو مرتو قاللتو تكلمهاش راح يتركها عشاني ؟؟
لا والله مادامو ما طلبش منك حرام تمسكي فيه


__________________________________________________ __________

والله يا حبيبتي خطيبك عنده حق مش عشان غيرة وكلام من ده
لا عشان الشرع والدين بيقول كدة اولاد خالاتك مثلهم مثل الغريب يعني ان كنتي تنكشفين علي اي رجل في الشارع خلاص انكشفي عليهم
ان كان خطيبك متدين وانتي مقتنعة به لا تسمعين لاحد وحاولي تقنعي امك باللين واليسر


__________________________________________________ __________

يا جماعة انا ادري انه كلامه صحيح
لكن اناخايفة من قصة امي
اخاف احساسها يطلع صح واتندم من دا الشي
دا قصدي

ريحونني الله يوفقكم
قولولي اييش اعمل

وقصة انه انا اقةل لامي
انا ماقلتلها الا لانها راح تلاحظ اني بديت اغطي عليهم وراح تفهم لوحدها لانه انا قبل لا انخطب ماكنت كذا كان عادي


تكفون ريحوني ايش اعمل
بالعلم ان امي دحين سحبت جوالي مني وقلبي متقطع عليه ولا راضية تخليني اكلمه او اتطمن عليه لو برسالة
ادعولي واعطوني نصايح ايش اعمل


__________________________________________________ __________

سلام عليكم

شوفي يابتي زووجك بيحبك وبيغااار عليك والا ماكن رفض انك تكشفي هاه وانا اقولك حاولي انك تمسكي العصا من الطرفين يعني انتي سلكي لامك يعني قولي لا هو بيغار علي ومن الكلام المعسول دا
ولا تفرطي في الراجل لو مايحبك ويغار عليك ماطلب منك تغطي هاه وفهمي امك انو الراجل ماتامر عليك هو بس طلب منك انك تغطي يعني انتي ادرا بامك في البيت شوفي امك كيف ترضى وخشي لها من الباب اللي يرضيها