عنوان الموضوع : دمرت حياة ابن عمتي
مقدم من طرف منتديات نساء الجزائر

دمرت حياة ابن عمتي



السلام عليكم ورحمة الله وبركاته
اول شي الله يخليكم نزلوا موضوعي

الله يجزاكم خير ساعدوني مترددة وخايفة انا ولد عمتي صاحب اخوي الروح بالروح ومن لما كان عمري 15 وهو يقول لأخوي تراني خاطب اختك من الحين بس ما ادري متى اقول لخالي (اللي هو ابوي ) قاله اخوي طيب استنى لين تكبر
يعني بعد اربع سنين كذا اخطبها قال تبي الصراحة انا احب اختك مع اني ما شفتها من يوم تغطت بس من كلام امي وخواتي وخالاتي عنها حبيتها (ما قال لأخوي كذا الا لأنه علاقتهم مره زينة ببعض) ولما رجع للبيت قال لنا كلنا وحنا مجتمعين بالصالة طبعا انا سكت بس زودوها صاروا كل ما شافوني اخواني او خواتي قالوا هلا بحرم فلان مره عصبت وقلت قل لخويك تراني ما ابيه من الحين اقول لكم ودخلت غرفتي وسكرت الباب ومرت السنوات وخطبني ورفضته مع انه طيب بس اسلوبه ينرفزني مره لاني افتح صفحته بتويتر و بالفيس واشوف المقاطع اللي ينزلها باليوتيوب كلها اعرفها لأنه من النوع اللي يكتب اسمه وعائلته ويحط صورته يعني ما يتخفى ورا اسماء ثانية وبعد كل عائلتهم ما احبهم ولا اقدر اتحمل اجلس معهم اكثر من يوم شلون العمر كله واهم شي الراحة النفسية بعد ما رفضته قعد بابا يقول هو ولد زين بس بكيفك انا ما اجبرك بس ترا بتندمين انا خفت بس اصريت ع رأيي وبعد رفضي تغيرت معاملة خواته لي اما امه لا وبعدها بشهرين تقريباً خطب وتملك وتزوج مدري بس انا احس انه يقصد ن هذا الزواج السريع ان الحياة مو متوقفه عليك كذا احس المهم بعد حوالي 4 شهور طلق زوجته ولما عمتي كانت تخبر عماتي قالوا ليش قالت ما ارتاحوا لبعض انا رفعت راسي من الصدمة وقعدت اناظرهغ ويشهد ربي اني دعيت لهم ان الله يوفقهم طبعا بنت عمتي الكبيرة عطتني ذيك النظرة احياناً اخاف ان السبب مني والله صرت ابكي من الخوف ان ربي يعاقبني لأني السبب واخوي الكبير اللي هو صاحب ولد عمتي حاقد علي حتى مره قالت له ماما رجع اختك من الجامعة الساعة عشر تخلص محاضرتها قال لا خليها تخيس في الجامعة تستاهل وكل هذا قدامي مع ان ماما هاوشته بس لازم يعطيني تهزيئة ع الرايح والجاي اي صح وايام قبل ما يخطبني رسمي كل الناس دارين انه بيخطبني واني له (اللي نشر الكلام هذا اخواني وخواتي ) مع اني كنت اقول لهم لا تنشرونه لاني ما ابيه برفضه بس لاحياة لمن تنادي وأمس بابا دخلني غرفته وقالي الى الآن مصرة ع الرفض؟ قلت ليش؟ قال لأنه خطبك مره ثانيه اليوم لأننا كنا طالعين استراحة مع عماني فقال لبابا يقول لي اذا وافقت تقدم لي منعاً للإحراج وقال بابا فكري وردي لي بس لا تقولين لأحد حتى خواتك لين يصير كل شي رسمي مدري وش اسوي اوافق عشان بابا لأنه شكله وده اتزوج ولد عمتي وعشان اخواني وخواتي وعمتي ولا ارفض عشان راحتي ؟؟ تكفون ساعدوني والله خايفة وكمان حاسة بالذنب

>>>>> ردود الأعضـــــــــــــــــــاء على الموضوع <<<<<
==================================


ممم من وجهة نظري دامه يحبج وشآريج ومافيه عيب واهلج يعزونه شي طيب
وعن اهله ومضايقتهم لج .. ممكن تلاقين حلول مثل انج تسكنين في قسم بروحج
بصراحه الولد عور قلبي
انتي استخيري و ان شاء الله خير


__________________________________________________ __________

مادام هو يحبك ويبغاكي وافقي ترى الرجال اذا حب يحب من قلبه
وباين ان هو يبغاكي وشاريكي

وأنصحك انك توافقي ومع الايام والعشرة راح تحبينه والله يوفقك ويسهل لك أمرك ويريح بالك


__________________________________________________ __________

شوفي حبيبتي اذا حابك صح اتزوجيه بس اشترطي السكن لحالك تجنبا للمشاكل
الله يوفقك ان شالله


__________________________________________________ __________

اصلاً لما اتزوج بشرط بيت لحالي بس خايفة اتزوجه واكرهه اكثر وبعد ما ودي اتزوج من القرايب لأنو ماما متزوجه بابا وقريبها ويصير بين ماما وعماتي مشاكل كثيرة مرة وكثير ناس قالوا انتبهي من زواج الأقارب واخاف مقدر اتحمل ويوصل للطلاق وما في وحدة تبي لنفسها الطلاق وبنفس الوقت اخاف اتزوج واحد ثاني مايصير يحبني كثره ومرة اقول اهم شي يصير ملتزم ويحبني بس هو مره متشدد بشكل لا يطاق مرة تضارب مع عامل عشانه ما يصلي بالمسجد وحبسوه الشرطة يوم وطلع بعدها


__________________________________________________ __________

لا إن شاء الله حبيبتي مالك دخل في طلاقه لأنه انسان عاقل ويعرف الطلاق مو لعبه والحب يجي مع العشرة مثل ما يقولون انا من رأيي أرفضي لأنو اذا هو كذا مره متشدد مشكلة بعد يمكن مرة يسوي شي كبير ينسجن ما يطلع وتتورطين انتي وعيالك لا قدر الله ولا يصير مربطك بكل شي كل شي حرام كل شي لا زي ازواج بعض الأخوات وكذا بعد مشكلة التوسط زين ان شاء الله ربي بينزع حبك من قلبه ويلاقي وحدة تسعدة ولا تفرطين براحتك تراها اهم شي انا اقولك رأيي