عنوان الموضوع : أهلي ماتوا كلهم -تم الاجابة
مقدم من طرف منتديات نساء الجزائر

أهلي ماتوا كلهم



كل شي واضح من العنوان اللهم لا اعتراض صار لي ثلاث سنوات واهلي عند ربي ليتني معهم
اهلي ماتوا ايه ماتوا راحوا كلهم ماعندي احد لحالي مقطوعه في هالدنيا ابوي معاذ راح امي سارة ماتت راحت خلاص اختي انوار راحت اختي نورة راحت اختي ريم راحت اخوي الصغيرصلوحي اللي كنت اطقه واهاوشه راح اخوي اللي ينقز بسرير ويمشعني راح اختي انوار الكبيرة لمن تذاكر لي رياضيات وتطقني على راسي تقول عقلك مسكر مافي مخ اختي نورة كانت تغار مني لانها دووبه راحت اختي ريم اللي اقص عليها اقول بعطيك فلوس وسوي لي اندومي امي اقسم لكم كنت ابوس قاع رجولها ابوي شيخ رححارتنا ا راح ابوي اللي علمنا السنع وخلانا مانمشي بالغلط راح مات
اهلي ماتوا وينهم تحت القبر وكلهم بصف واحد ياليت لي جنبهم قبر شنو بقى لي في الدنيا ماحد غير اهل امي وابوي الكل حولي يواسيني بس ماحد فيهم بيعوضني عن اهلي نهائيا ماحد
مابقالي غير ذكريات تمنيت فقدت الذاكرة وعشت تمنيت اني صرت في غيبوبه ولا اعيش على ذكرى تخنقني بصدري كل يوم اضرب صدري من الوجع اللي فيه ماحد يعرف هالالم غير اللي فقد ناس له خدي صارت فيه خطين اسود من دموعي الحارة اللي حرقت خديني بس شقول الله كاتب لي الحمدلله
من ماتوا مادخلت بيتنا بس مرة من شهر بيتنا صار كله غبار وكل شي بمحله ماتغير العاب اخوي بكل مكان اختي وعفسة حولابهم غرفة امي وابوي سجادتها بالارض سواك ابوي بالكاس كان فيه مويه بس نشف كتب اختي على الطاوله اشياء كثيرة قطعت قلبي ليتني مت وارتحت من هالعذاب اخ اه اه اه اه قلبي ودي اشيله من صدري ليتني بدون مشاعر ياليت قلبي ميت مابقالي احد ماحد معي كيف بواجهه هالدنيا لحالي لا اب لا ام لا اخوات لا اخ
صار لنا حادث كنا راجعين من سفر الدمام اخوي كان بحظني واخواتي حولي امي قدام وابوي اللي يسوق سيارتنا سوبر كذا فجاءة صار الحادث اخر شي اتذكره صراخهم اخواتي واخوي مات بحظني امي اخر شي قالته بناتي ولدي ابوي اخر شي قاله تشهدوا تشهدوا باعلى صوته اسمع تشهدنا حتى انا تشهدت ماحسيت بنفسي الا السيارة فقصتنا ودم بكل مكان سحبوني رجال للشارع سحب وسحبوا خواتي وامي وابوي واخوي اندعس داخل ماحسيت بروحي الا بالمستشفى واعمامي يقولون مابقى الا انتي من ريحتهم كلهم عند الله حسيت بلحظتها بموت الله يرحمكم ياغلى ناسي الله يرحمكم كلكم وعقبال مالحقكم عارفه انكم تنتظروني ومشتاقين لي بجتمع معكم في الجنه يارب
اتمنى منكم دعوات لاهلي كلهم وانكم تواسوني لانه مالي احد انا جيت هنا افضفض لانه قلبي تعب ومادليت منتداكم الا عن طريق صديقتي
انا خسرت اهلي بس حولي اهل امي خلاتي وخولاي وحولي اهل ابوي اعمامي وعماتي وعندي صديقاتي اللي ماتركوني بمحنتي
بس ماحد عوضني في اهلي اللي معهم طول الوقت وبالحلوة والمره انا حاليا اتعذب على فرقاهم بيتنا فاضي يمليه الغبار وماتركوا لي غير هالبيت والورث بس شسوي فيه بدونهم حتى قررت اعطي ورثي كله للجمعيات اتبرع فيهم لاهلي وباخذ عمره عن كل واخد فيهم واذا قدرني باخذ حجه كل سنه عن واحد بسوي بسوي لاهلي كل شي بس ماينقطع عنهم الحسنات وهم بقبرهم بس الحمدلله انهم ماتوا متشهدين ورافعين السبابه كلهم ربي لك الحمد




ادعولي وترحموا على اهلي وحبيت افضفض لكم يزيح عني الهم شوي مع انه ماضنتي لين امووت واندفن

والحمدلله على كل حال وان لله وانه اليه لراجعون

>>>>> ردود الأعضـــــــــــــــــــاء على الموضوع <<<<<
==================================


انالله وانااليه لراجعون ولاحول ولاقوه الابالله الله يرحمهم ويغفرلهم وربي قلبي عورني اقرا مشكلتك عيوني دمعت هاذي ارادت رب العالمين يااختي ويش بنعمل هياصعبه صحيح وتوجع بس ربي رحيم الله يرزق بزوج الصالح العطوف الي يخاف الله فيك وتنجبين ذريه صالحه وتكوني احلا عائله لازم تكوني قويه ماعندك غيرالدعاءلاهلك انتي من فين اختي وكم عمرك لوتبغيني صديقه واخت لكي انا اترحب فيك واواسيك الله يقويك يارب


__________________________________________________ __________

سبحان اللي كتب لك العمرتدرين ليه انتي عايشه
عشان تدعين لأهلك وتتصدقين عنهم
بس الورث لاتتصدقين فيه استثمريه عشان يسيرعندك مصروف تعيشين
منه وتتصدقين عن اهلك بااستمرارلواعطيتيه للجمعيه كله راح يخلص الورث
انتي تصدقي بااثاث البيت
والبيت اجريه وحاولي تحافظين ع حقك لااحدياخذمنك البيت والورث
عشان تعيشين منهم
والله يرزقك باالزوج الصالح وتجيبي عيال وتسميهم على امك وابوك واخوانك
انتي كم عمرررررررك


__________________________________________________ __________

السلام عليكم ورحمة الله وبركاته
الله يرحمهم جميعا ويجمعك معاهم في جنات النعيم عند سدره المنتهى، عندالرسول الكريم، وهم شهدا انشالله لاتخافي عليهم ولا تحزني فهم مع بعض في الجنه، اسأل الله ذلك كلنا في الجنه اهم شئ مانشرك مع الله احد.
يتمتعون في الجنه لاخوف عليهم ولاهم يحزنون ، نهايتهم شهاده ماشاء الله، وكلنا ميتون وكلنا سالك هذا الطريق ، الله يرحمهم ويسكنهم فسيح جناته، من مات وما اشرك مع الله احد فهوه فلجنه، وسوف يحاسب حسابن يسيرا، اختارهم الله عنده وهوه اكرم الاكرمين وارحم الراحمين ، الدنيا شقا وعنا والاخره راحه واستقرار وطمأنينه ، الجنه فيها مالا عين رأت ولا اذن سمعت ولا خطر على قلب بشر، اللهم اجعلنا من اهل الجنه، لاتخافي ولاتحزني فأن الله رحيييييم ، انزل رحمه وحده فدنيا ، وعنده 99 رحمه، صح الفراق صعب ولابد انه يترك اثر فيكي، بس شوفي اخواننا واخواتنا في العالم الاسلامي وبلخصوص في سوريا بيموتو تحت الانقاض بضلم ووحشيه، بس كما وجدت الحياه لابد من الموت ، والاخره خيرا وابقا، والاخره هيه الحياه الابديه التي لانموت بعدها مره ثانيه، استبشري وتفاإلي بماعند الله لهم، فهوه يخبي لهم خييير كثيييييير لو علمتيه لما بكيتي بل تفرحين كثيييير وانا واااثقه كل الثقه بالله ومايخبيه للمسلمين ، ومن عرف الحياه لضحك قليلن ولوبكا كثيراااا، ومن عرفه الاخره وهوه مسلم لايشقى ابداا، الدنيا دار عمل وشقا، والمسلم له الاخره وله الجنه ، اللهم الحقنا بحبيبنا وحبيبك محمد وباﻷنبياء الكرام والصحب المخلصيين وخير خلقك امين امين امين


__________________________________________________ __________

انا لله وانا اليه راجعون الله يرزقك الصبر
اعلم ان مصابك كبير لكن اعلمي ان الله اكبر
اعلمي ان الله ما تركك الا لحكمة
واعلمي انه مهما كانت مصيبتنا كبيرة ومهما تصورنا انها شر لنا فهي بالعكس خير لنا لا يعلمه الا الله
اساله الله ان يرزقك الصبر والثبات
اخية لا شيء يعينك على الصبر سوى قربك من الله
فاشغلي وقتك بالقران وطلب العلم ينفعك وينفع اهلك يوم القيامة
اسال الله الكريم باسمه العظيم ان يجعل اهلك في الفردوس الاعلى من الجنة وان يرزقك الصبر


__________________________________________________ __________

الله يرحمهم برحمته الواسعه

تذكري حبيبتي انهم تحت رحمة الرب

والله خذ امانته
وهالامانه ماراح تضيع بتكون تحت رحمته

حبيبتي الله كتب لج عمر من جديد

وانتي راح تسعدينهم بقبورهم بالاعمال الحسنه الي راح تهدينهم ثوابها

حبيبتي الله يحبهم علشان كذا وقت الموت ذكروا الشهاده

وان شاءلله بكره تتزوجين وتجيبين عيال

راح تكونين لج اسره ان شاءلله

ماراح تكونين وحيده

وتذكري ان هذي حال الدنيا الله خلقنا ضيوف في هذي الدنيا وفي يوم من الايام الكل راح يرحل عن هذي الدنيا

وتذكري وقت السجود وانتي قريبه من ربج ان اهلج الله يرحمهم ارواحهم اصعدت للرب

يعني كل ماتذكرتيهم وحسيتي بالحزن تذكري هذا الشي حبيبتي انهم عند الرب

وربي مايترك عباده لا الاحياء ولا الاموات

وربي ان شاءلله يلهمج الصبر ياقلبي

ولج اجر الصبر ان شاءلله وربي يعوضج بكل خير