عنوان الموضوع : قلبي بينفجر من ابوي الطبيب يجيب
مقدم من طرف منتديات نساء الجزائر

قلبي بينفجر من ابوي



السلام عليكم بنات
انا تعبت نفسيا من ابوي من يوم ربي خلقني ماقد رديت عليه ولا جرحته بكلامي بس الحين نفسي اصارخ بوجهه واطلع كل اللي بقلبي . . اذا جلست معاه بنفس المكان ماقدر اتنفس مخنوقه منه وفيني غل وحقد عليه
اكرهه اكرهه كرررره ماتتصورون العقوق في ابوي حلال اصلا هو مايستاهل كلمة اب
انا شخصيتي ضعيفه و متردده كله من كثر مايضربني وانا صغيره كان يضربني بالعقال ويصير جسمي خطوط حمرا كأني حمار وحشي والله ماني قادره انسى لانه كان يضربني بدون سبب كان فيه عقد نفسيه لان امه حرمته من العسكريه وخلته يطلق زوجته وعاش بكآبه وجلس يفرغ عقده النفسيه بضربنا وللاسف انه تزوج امي بعدها وعانيت وامي عانت مع عياله
والى الان ابوي مثل ماهو بس اللي تغير ان كرهي له زاد
مايصرف علي وبس يهاوشني واذا جا يضربني امسك يده وماسمح له واقول له لاتضربني ترا والله ماسامحك ويهجد
واكرهه بعد لانه يفرق بيني وبين اخواني
وزاد علي كآبتي يوم غصبني ادخل تمريض عشان اتوظف واعطيه من راتبي عشان يسدد دينه قلت انا لا ابي ادخل اداره قام مسك قلبه وسوى نفسه دايخ وقال انا بيجيني جلطه وانا خفت لايموت وحققت له اللي يبيه لاني غبيه
لو خليته يموت كان احسن
متنكده مره يابنات كل ماشافني اذاكر يحسبني شادة حيلي عشانه وهو يمثل علي مرات انه يحبني بس عشان اذا توظفت ياخذ راتبي
ومتنكده لاني بقسم مايناسب طموحي ويمكن بأي لحظه استسلم واجلس بالبيت بس مابي عشان مانهبل ولايصير فيني شي
ابي اطلع كل اللي بقلبي ابي اروح عنده واقول له ترا انت سبب تعاستي بهالدنيا ليش كنت تضربني وانا صغيره اتذكر كل موقف وكأنه صار امس انا مانسيت
ابي اقوله عشان يحس فيني هذا اذا كان عنده قلب
ماقدر اكلمه مسبب لي رعب بحياتي ابي اكلمه ومو قادره

>>>>> ردود الأعضـــــــــــــــــــاء على الموضوع <<<<<
==================================


لازم تستحمليه


__________________________________________________ __________

حبيبتي إذا هو الحين مايضربك خلاص. عتبريه ماضي ونتهى. وإذا هو للحين يمد يده عليك كلمي أحد من الأهل يتفاهم معه ؤنتي بعد دافعي عن نفسك ؤحاولي تتفأهمين مع ابوك ؤقولي له ألى متى تضربني ؟ وضربك لي بدون سبب وضربك لي يخليني أكرهك مع اني أحبك وحترمك ولا مره غلطت بحقك. قؤلي له اللي بقلبك. وقلتي أنه مايصرف عليك الأفضل حبيبتي انك تتمسكين بوظيفتك وتأخدين جزء من الراتب لنفسك من دون علمه. ولأتضايقين صدرك ادعي لوالدك بالهدايه. والله يوفقك


__________________________________________________ __________

وعليكم السلام ورحمة الله وبركاتوو

الله يكون في عووونج الغلا ,,,, قلتي مشكلة ابوج لمن كان عند امه وكيف تعقد والحين يعاملكم كذا والا ماعرف كيييف ... ؟؟؟

كيف الوحدة بتحسن لابوها واطيعه اذا كان معاملة الاب غلط وتصرفاته غلط ...
اتذكر معاملة ابو سيدنا ابراهيم لابنه ابراهيم كيف كانت ؟؟؟؟

مشكلتج مشكلة هاي غير المشاعر اللي تحسيه صوب ابوج ...

شرايج لو شفتي ابوج قاعد ومروق تروحي تبوسي راسه وتسولفي معه وتتكلمي معه بطيب
يمكن هالشي يكون صعب بس انتي حــاووووولي حاوووولي وشوفي ...

الله راح يفرج همج اكثري من الاستغفار وعليج بقيام الليل ...

كان الله في عونج غاليتي


__________________________________________________ __________

الله يهديه ويسخره لك ويحنن قلبه عليك
بس صدقيني ما يجوز كل هالكلام اللي قلتيه استغفري ربك وأصبري واحتسبي الأجر وربي بيكون بعونك صدقيني كثير يعانون من ابوانهم حتى لو كانو مايضربونهم فيه أساليب كثيره يسوونها الآباء ما ترضي بس مال الواحد الا الصبر


__________________________________________________ __________

عمري انتي الله يهدي أبوك ويسخره لكم والله بدال ماتتعب نفسيتك اكثر
من الحقد والشيل على أبوك ادعي الله انه يخفف عنك ويرزقك بالزوج الحنون
الصالح اللي يعوضك
حنان الأب وأبوك سامحيه قولي في داخلك بسامحك يابوي عشان ربي وصاني
بقوله ( وبالوالدين أحسانا ) أختي أبوك بيكبر في العمر و بيضعف بقوته وصدقني
بيندم على كل اللي سواها فيكم بالعكس ياقلبي اهتمي بدراستك وركزي في مستقبلك
وتخرجي وكل ما تضايقتي ادعي ربك الله يحنن قلب أبوك ويصبرك وأنسى الماضي
ومعاملته السيئة لكم ماتدرين يمكن أبوك مريض نفسي فيه شي وما تدرون عنه
لانه معروف الأب يكون حنون عل البنت وقاسي على الأولاد بس أبوك مؤ طبيعي
اسال الله له الشفاء وربي يريح روحك وقلبك من كل هم وغم