عنوان الموضوع : الحين عرفت ليش ابني يقولي ما راح اتزوج ابدا
مقدم من طرف منتديات نساء الجزائر

الحين عرفت ليش ابني يقولي ما راح اتزوج ابدا



لاحول ولاقوة الا بالله
اخواتي
اكتب لكم وانا في كامل الصدمه والحيره والالم
اكتشفت بالصدفه ان ولدي شاذ ويعشق الشباب ياربي رحمتك وعفوك
عمره 18 سنه بالصدفه وانا على النت فكرت اشوف ايميله على الماسنجر وانا ما كنت اعرف ايميله بس هو نسى يسوي خروج وانا دخلت ايميله
وش اشوف وش القى
عنده ناس في ايميلاتهم حاطين صور شباب فاحشة وصور شباب رومانسية مثل شابين حاضنين بعض و صورة اخرى فااااضحه في رمزية ولدي

وكلام وسخ معفن من شاب لشاب
طبعا فتحت المحادثه وكانت بينه وبين شاب عمره17 سنه
كلها وساخه واني بسويلك وافعل بك ياااارب لطفك
وولدي سيارته مظلله ويحرص دايما تكون مظلله
ويقول للشاب الثاني تعال في سيارتي ورا نسوي كذا وكذا
انا عرفت من هنا وبغيت ادوخ من هنا وبكيت وتالمت وانهرت
وهو طالع ماكان موجود في البيت
طبعا دخلت على ابوه وقلتله
وراح طوالي على الماسنجر وشاف محادثاته
سالته وش بتسوي سكت وهو زعلان وطلع من البيت بدون مايقولي شي؟؟
يمكن انهار هو بعد
الحين احس بدوخه وتعب وماني مستوعبه وش صاير
على فكره ملاحظه عليه يوميا يطلع من البيت وقبل مايطلع يتحمم ويتنظف ويتشيك
يمكن يكون شي عادي بس انا صرت استرجع مواقف واشك فيها
الحين عرفت ليش يقولي ما ابي اتزوج ابد لاحول ولاقوة الا بالله
ومره مريت من عند غرفته وسمعته يتكلم كلام وسخ مع صديقه كلام شاذ وقلت لابوه في وقتها
بس ماسوى شي
وخايفه الحين مايسوي شي
يارب رحمتك ....وش الحل
هو الان في وقت امتحانات ماراح نفاتحه بشي لكن بعدين وش خطوات حل المشكله غير ان ابوه بيوخر تظليلة السياره
اللهم اهدي ابني وافتح على قلبه واصلحه وابعد عنه رفقة السوء ورده لصوابه وثبتني يارب آمين

مع ان ولدي الكل يشهد له بالرجوله والاخلاق بس غريبه كيف ينجذب للشباب اللي مثله قرررررف انو يترك الفطرة و يروح لرجال مشعر زيه والمفاجاة انه كاتب في الماسنجر انه مايبدل المراة برجل ناعم يعني شاذ بمعنى الكلمة ويبغى رجال زيه لاحول ولاقوة الا بالله

ياناس ابي حل وبراجع ردودكم واخذ خطوات حل المشكله

وابيكم تعرفون واقسم بالله العظيم اني انسانه ملتزمه انا وابوه ونحسب انفسنا كذلك
نخاف الله حريصين على التقرب لله من صلاة وصوم وقيام الليل والصدقه حريصين على تربيت عيالنا تربيه صالحه
لكن رفقة السوء او ماادري وش السبب
يمكن ابتلاء ؟؟؟يارب تعفو عنا وتغفر لنا ولاتعاقبنا

>>>>> ردود الأعضـــــــــــــــــــاء على الموضوع <<<<<
==================================


لاحول ولا قوة الا بالله. الله يعينك حالك مايسر
الله يفرج همك اختي
انا ابني اصغر عمره13 ويقول مابي اتزوج نهائي
اخاف احد اعتدى عليه وماقالي
يارب عفوك ولطفك
اتمنى من الاخوات افادتنا ولهم الاجر عند ربي
والدعاء لنا ولابنائنا


__________________________________________________ __________

لا حول ولا قوة الا بالله
زي ماقلتي خلي اختباراته تمر
بعدها راقبوه وتأكدوا انتي وزوجك اطلعوا معاه بدون مايحسس روحوا شوفوا وين يروح
ومع مين وحاولوا تشوفوا كل شي
اذا تأكدتوا من اللي صاير لازم تجلسوا مع الولد انتي وزوجك الله يطول بعمره
وتحكوا مع الولد وتقولوا له كل اللي صاير انكم عارفين وكذا وعلموه انه حرام ومايشم ريحة الجنه ويدخل الناااااار
وحاولوا تخلوه يتوب وتشجعوه تشووفوا له بنت حلال يتزوجها ويسستر عليها
الله لا يبتلي احد والله يهديييييه


__________________________________________________ __________

الله يعينكم

انصحيه وذكريه بالله واكثثري من الاستغفار

اسأل الله ان يهديه ويصلحه ويصرف عنه اصحاب السوء وابناء المسلمين يااارب


__________________________________________________ __________

للرفع
اتمنى احد يساعدكك


__________________________________________________ __________

لازم تعرضي مشكلتك لمختص نفسي او مستشار للاسره
لازم ماتسكتي
عندك مركز الموده للاستشارات. خوذي رقمهم موجود في قوقل
الله معك. واعي له. وانصحيه بشكل غير مباشر عن طريق سرد القصص. وعقوبه قوم لوط
وان فعلهم يجيب الامراض التناسيله. كالايدز وغيره،، هذا غير عقوبة الله