عنوان الموضوع : تعبت من زووجي واهله الغريبين -تم الاجابة
مقدم من طرف منتديات نساء الجزائر

تعبت من زووجي واهله الغريبين



زوجي يشتغل في منطقه تبعد عن اهله 3 ساعات يشتغل فيها من 4 سنوات
لاحظت عليه من فترة الملكه وهو مايجيب طاري اهله وبعد الزواج وخلال شهر العسل كلمهم ثلاث مرات من الفندق وكانت حجته لهم انه ما يبي يطلع رقم وحاب ياخذ راحته بشهر العسل بعد ما رجعنا زراناهم مرتين ولين قلت له اهلك امك ابوك دقو على البيت يسألون عنك يقول بتصل فيهم ومايتصل اهلك بجون عندنا لا اعتذري منهم خليها يوم ثاني ما فكرت افاتحه بالموضوع واسأله ليش لكن بعدها ماعاد يسأل عنهم او نروح عندهم ومافي اي اخبار عن اهله من ناحيته مايتكلم عنهم ولين قلت له طيب دق عليهم خلينا نروح عندهم يقول موب فاضي بعدين طيب ليش ما ترد عليهم لين دقو عليك يقول مو فاضي يدقون وانا اشتغل قلت طيب لين جيت البيت كلمهم يقول ابي ارتاح تخيلو انا الي اجيب له اخبار اهله واقوله امك دقت اليوم وقالت قولي حقه كذا المهم حماتي صارت تدق علي كل يوم وحماي وخواته واخوانه يسالون عنه ودايما اقوله اهلك يتصلون اهلك يبون يجون عندنا يقولي مو فاضي مالي خلق استقبل احد وكلمته كم مره اقوله يعني اصحابك واقاربك يجون عندنا وفاضي تستقبلهم واهلك مو فاضي تستقبلهم ماصارت لا تقعد تحرجني معهم امك تتصل علي تكبي وتقولي وش في ولدي متغير علي واكيد بحطون كل السالفه في راسي لان امك دايما تقول من تزوج ماعاد يكلمنا او يسال عنا وتعبت من كثر ما صرفتهم وحطيت لهم اعذار قالي انت ما تعرفين شي وانا حر مابي اتواصل معهم وقفلي على الموضوع ولو تغير رقم جوالك احسن وطاري اهلي لا عاد تجيبنه قفلي على الموضوع نهائي ماصدقت اتزوج واستقل في حياتي بعيد عنهم رجاءا لا تخليني افتح مواضيع مابيها
امه وابوه زارونا فجاه وما قدرت اخليهم على الباب وما افتح فتحت لهم واستقبلتهم ودقيت عليه قلت امك وابوك عندنا قالي ليش تخليهم يجون قلت هم جو من غير موعد قال اجل انا بنام برى البيت ودبري عمرك معهم ترجيته يجي وحاولت معه لحد ما وافق يجي جى وجلس معم كان سلامه عادي جدا ما كانه مو شايفهم من اربع اشهر قعد ساعتين بعدين قال بطلع انام
امه وابوه تضايقو وحسيت امه بتصيح حاولت الطف الجو اسوي اي شي بس كان الوضع مره سيء ومحرج ويفشل وطلعت له فوق احاول اخليه ينزل قالي وبعدين معك ناويه على المشاكل انت اليوم تحملي اغلاطك ماحد قالك تسقبيلهم قلت شوف بقولها لك بصراحه الي مافيه خير لاهله مافيه خير لاي احد وانت اذا هذه معاملتك مع اهلك كيف بتكون معي مو محترم اهلك والا مقدرهم في بيتك كيف بتتصرف معي بعدين
قالي لا والله هالحين انا مافيني خير طيب خلي البيت لك خذي راحتك فيه انت واهلي
طلع من البيت اتصل عليه مايرد يوم كامل قعد برى البيت
بعدين سألت حماتي قلت لها وش فيكم انتو حيرتوني وش قصتكم انا مو قادره اتحمل الي يصير معي وش السبب الي يخليه يتصرف معكم كذا
قالت مع الايام بتعرفين وان هو ما قالك انا مارح اقولك حاولت جاهده اعرف منها عيت تقول وراحو من عندي رجع بعد ما راحو وقلت له وش دراك انهم راحو قال مو لازم تعرفين
هو مايكلمني ولين جيت اكلمه يقولي انا مافيني خير ليه تكلمني
اكلم خواته وسالت اخته الكبيره تقولي والله حنا نفسك ماندري وش الي بينه وبين امي وابوي لانه هو اصلا ترك الشغل هنا وراح يشتغل في المنطقه الي انتو فيها وقل تواصله معنا حتى حنا خواته الي كان يكلمنا ماعاد كلمنا ومن بعد ما تزوجك ما عاد سمعنا عنه شي ابد والا كلمنا الا الكم مره الاولى كل تواصلي مع اهله من يوم ماتزوجت اما على الواتس اب او الجوال مارحنا عندهم الا مرتين بس
وش قصة هالعايله ذي وليه زوجي مور اضي يتواصل مع اهله وش السبب الي مخليه يقاطعم ماقدرت اوصل لسبب معين
عاد يوم تزوجته سألنا عنهم ماخلينا احد ماخلينا مكان ماسألنا عنهم فيه وكلهم كانو يمدحون فيه وفي اهله بصراحه ما عدت احس براحه احسهم مره غريبن وضايعه بينهم امه لليوم هذا تتصل فيني تسال عنه ابوه ماعاد يتصل وهو ساحب على الكل رجع يكلمني الحمدلله والامور تمام بس ما يدري اني اكلم خواته على الواتس لانه طلب مني مره يوم تجادلت معه عشانهم احظر ارقامهم بس ما رديت عليه وتواصلي معهم بسر تقريبا
احس ودي اروح عند اهلي مو مرتاحه ودي اطلع من كل هالدوامه

>>>>> ردود الأعضـــــــــــــــــــاء على الموضوع <<<<<
==================================


الله يعينك


__________________________________________________ __________

ليش ليش تروحين عند اهلك وشدخلك انتي؟؟
خليك في بيتك ياعمري واهتمي في زوجك وخلاص انتي سويتي اللي عليك
بس انتببببببببببببببببببهي لايشكون اهله او يجي في بالهم انه متغير عشانه تزوجك
خلي الامور واضحة ولاتغطين على عمايله .. مثلا يوم جات حماتك وسألتيها وش صاير ليه انتوا كذا ... احس هذا تصرف حلو منك لانك ماغطيتي عليه ف ماراح تشك امه ان هو متغير من تحت راسك

حاولي تنصحينه اذا شفتيه رايق لكنن مو ع الطالعة والنازلة تفتحين له الموضوع عشان مايقلب الطاولة عليك وتصير لك مشكلة انتي في غنى عنها
واضح ان هاذي مشاكل من قبل ماياخذك وماصدق على الله انه يفتح له بيت عشان يقطع عن اهله
الله يهديه ويرده لامه وابوه ردا جميلا


__________________________________________________ __________

يا ايها الذين امنو لاتسالو عن اشياء ان تبد لكم تسؤكم....... عملتي ما عليكي وانتي مش احن عليهم من ابنهم ولا تحاولي تغير شئ قديكون تربي علية


__________________________________________________ __________

اتوقع لما امه وابوه راحوا وطلع فجأه الظاهر كان تحت جالس بسيارته ولا وين بيروح مثلا؟
اتوقع عادي مدري .. بس من جد قصتك محيره
وبصراحه اتوقع صار موقف بينه (زوجك) وبين امه وابوه وكرههم
يعني اكيد صار شيء بينهم بس حاولي انك ماتلحين عليه وتضغطين عليه كثير
مو عن شيء بس مدري شلون يعني يمكن يهجم عليك او يسوي شيء مو حلوو ان شاء الله فهمتيني
ومن جد خليك بحالك وسوي الي عليك
انا فاهمه عليك وعن شعورك وعن دوامتكك هع بس عادي اصبري عليه شوي
اما عن انك تفتحين السالفه له وتسألينه مرة في الاسبوع ولا حتى ابعدي عن السؤال
والايام راح ترد على جوابك بس اصبري ولاتستعجلين .. وخبرينا لا تنسين اوكيييه < ابد ماتحمست ههه


__________________________________________________ __________

عزيزتي مبين بينهم مشكله كبيره والا في احد طبيعي يتهرب من أبوه وأمه
ومايبي أهله انتي ماتدرين شنو اللي صار بينهم الله اللي يدري بس لا تخربين
على نفسك وتطلقين على شي مالك خص فيه وبأذن الله مع الأيام ترد الأمور
إلى طبيعتها ويحنن قلبه عليهم والله يهديه