عنوان الموضوع : نفاسي في مستودع ابوي ولا راحتي -لصحتك
مقدم من طرف منتديات نساء الجزائر

نفاسي في مستودع ابوي ولا راحتي



السلام عليكم ورحمه الله وبركاته

اخواني وخواتي

انا في حيره شديده من امري

انا عمري 20 و حامل بأول طفله لي

و اسكن مع زوجي ومعي خادمه بسبب ظروف حملي

لكن حالياً انا عند اهلي لان زوجي سافر للخارج لإجراء عمليه جراحيه

لكن لا اشعر بالراحه في منزل طفولتي منزل ابي الغالي

والسبب
ان الغرف لايوجد بها مساحه فاضيه للصلاه !!
انا واختي ننام علئ فراش واحد و من حولنا اغراض زوجه ابي هداها الله (طيبه مثل امي المرحومه وربما اكثر لانها توفت وانا لم اتجاوز. الرابعه من عمري)

زوجه ابي تحب ان تحتفظ حتئ بأتفه الامور
ف تحول المنزل إلى مستودع

(تعبت من الفصحى اعذروني)

اخواني
انا الحين ونفسيتي تعبانه من بيت ابوي

وين بعد ما اولد
الحين لما الناس يجونا والله مافي مكان الا الصاله و صالتنا ماتكفي الا 7 اشخاص

و الميلس يادوب 4 اشخاص

و انا اهل زوجي كثار بذات خواته و حريم اخوانه
وراح يزوروني
وين بحطيهم؟

اصلاً مافي مكان عشان انوم بنتي عليه لان اخاف ارقدها جنبي يمكن انقلب عليها او شي
والله مافي مكان
و حمام مشترك بالصاله
وين راح اسبحها؟
كيف راح اهتم بنفسي ؟


اما فبيتي بكون مرتاحه اكثر
لكن ما اقدر اهتم فبنتي بروحي لان ماعندي خبره ابداً ابداً

مع ان بيتي يبعد عن بيت ابوي دقيقتين مسافه سكه وشارعين مو اكثر

لكن ماعرف مرات زوجه ابوي تتغير علينا بسبب انها مدرسه ونفسيتها تعبانه و ما اظمن انها تجي تنام ف بيتي
يمكن بس تزورني!

و بنفس الوقت اقول مو حلو زوجي راح يشوفني 24 ساعه
ماراح يشتاق لي

والله ان مخي بينفجر
ابي حل ماعرف شسوي

>>>>> ردود الأعضـــــــــــــــــــاء على الموضوع <<<<<
==================================


اذا مافي مكان للضيوف في بيت أبوك وش تسوين لازم تولدين في بيتك ومنها تاخذين راحتك ومكان واسع للضيوف واكيد زوجة ابوك واختك بيزورونك واذا على زوجك كثيير حريم يولدون في بيوتهم وعادي ازواجهم يحبونهم ويشتاقون لهم .. خلي سريرك في مكان غير غرفة النوم بحيث انه ينام في الغرفه وانتي في مجلس الحريم او الصاله ..واكيد مارح يكون بينكم شي الا بعد الاربعين فطبيعي رح يشتاق لك حتى لو كنتي وياه في نفس البيت.. الله يوفقك ويسهل عليك.


__________________________________________________ __________

يا عزيزتي اقعدي في بيتك اهم شي راحتك النفسيه ياقلبي
ومثل ما تقولين انتي ساكنه قريب منهم اذا احتجتي أي شي بجونك وعندك خدامتك
ليش هالضيق والعقده في بيت اهلك ومرت أبوك مبين فيها الخير وطيبه يعني صدقني
كل شوي ومتى مافضت بتمر عليك
وزوجك ليش يمل منك هو أكيد بيطلع بيروح مع ربعه وعنده دوامه انتي فترة النفاس
خلك بغرفه ثانيه لأتنامين معه بنفس غرفتكم عشان تدرين وقت النفاس الأشياء
اللي تشربها النفاس لها ريحه والطفل عشان ما يزعجه وإذا جاء احد يزورك يدرون انك
نفاس وتعبانه وانك بروحك بالبيت ياقلبي يعني صدقني هم بتكون زيارتهم خفيفه
انتي خلي الخادمة تحضر لك كل شي وتحط قدامهم

ويارب تقومين بالسلامة


__________________________________________________ __________

في بيتك افضل لك
وعادي جهزي الاغراض الي تحتاجينها بالنفاس وقسميها من ادويه والخ
النت مليان تجارب
ونامي بالصاله فبيتك وخلي اختك تجيك

يفضل اول اسبوعين ماحد يجيك
واذا زوجك مافيها شي انتي معه طول العمر باذن الله قصرت انه بهاالكم يوم يشتاق لك
بعد احسن انك حوله فهمتي

الله يوفقكك ويسر امرك


__________________________________________________ __________

روحي على بيتك احسن


__________________________________________________ __________

مافي شي اسمه كل يوم قدامه 24 ساعة مارح يشتاق لي < بالعكس يوقف جنبك ويحس بمعاناتك
يكفي انك قدامه ومايقدر يجامعك
دا اكبر شوق وتعديب
خليكي جنب زوجك
النفاس في بيت الأهل والبعد عن الزوج ماجاب الا الخيانات لدخول الشيطان فراغ الزوج
جيبي اختك عندك
او زوجة ابوكي
او خلي زوجك ياخد اجازة اول ايام نفاسك
وربي يقومك بالسلامة.