عنوان الموضوع : علاقه فاشله وله ناجحه -لصحتك
مقدم من طرف منتديات نساء الجزائر

علاقه فاشله وله ناجحه



السلام عليكم ورحمه الله وبركاته[center[/center]

انه عضوه جديده وشاركت لاني احتاج مساعده وفيكم الخير

قصتي شوي طويله وبسم الله
انه عمري 20 سنه وطول حياتي ماتوقعت اني بكون بهل موقف اني حبيت شخص واهو يحبني وأهلي وأهله عارفين ماعدا ابوي مو راضي فيه لأسباب عده و امه بعد عندها شروط ونتمنى نجوف لهم حل

بس بما ان للحين ماتزوجنه اكتشفت فيه العصبيه الزايده و مايحب ينزل نفسه لو اهو الغلطان دايم يقول انه الغلطانه في حقه لكن انه الحمد لله عاقلة فاهمه لكن اهو مايحب يتنازل وله يقول انو الغلطان و وايد أحس مذله في العلاقة و غير ان أوقات توصله عصبيتته لي انه يضربني وتكرر هل شي وايد وانه اسامحه بس اذا انه غلطت ولو ماعندي قصد أو نو عارفه شنو يحب وشنو مايحب يقلب دنيتي ومايحترمني وغيرته زايده لدرجه اني مقدر اروح لي الخضار عند بيتنه مب عارفه شنو الحل وشلون اتصرف وحاولت أكثر طريقه للتفاهم بعد في مشاكل واذا الحين يضرب ويغلط في الزواج شنو يسوي وغير انه اخلاقه طيبه و حنون ورجال يعني بس انه وقت المشاكل وايد عصبي وأتمنى تعطوني نصائح

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمه الله وبركاته..

اختي الحين انتي كاتبه كتابك معه؟!
والا كذا علاقه من دون رابط بينكم!

اختي..اذا كان الخيار الاول هذي حياتك اجلسي جلسه مع نفسك وفكري لو معك ورقه وقلم
تذكرين الاسباب التي تجعله زوجا لك ولاخرى الاسباب التي لاتجعله زوجا لك
وابدي جاوبي هل تستطيعين ان تتحملي غيرته والخ؟!وسيكون زوجك واب لاولادك باذن الله
خليك صريحه معك نفسك واستخيري الله قبل كل شي والدعاء
اذا خير لك يقدمه واذا شر يبعده

واذا كان الخيار الثاني.. فما يحتاج ابلغك انه لايجوز التكلم معه حتى لو اهلك يعرفون فيعتبر شخص اجنبي عنك

موفقه بحياتك


__________________________________________________ __________

مثل ما قالت الاخت سر ابوها

بالتوووفيق


__________________________________________________ __________

هذا من البدايه مؤ محترمك وضرب وإهانه وعنيد همه بس رأيه وبس ولا يهمه رأيك
بالله كل هالعيوب وتقولين احبه ويحبني مالوم أبوك مايبيه ومو مرتاح له ورافضه
أختي حبيبتي انتي نصيحه لوجه الله من أخت ماتبي منك شي يقول المثل
(اللي هذا أوله ينعاف تاليه ) فكري بكرا لو ضربك أو أهانك قدام عيالكم أو أهله
شنو بيكون موقفك الزواج ياقلبي احترام والاحترام ينبع من الحب حطي قدر
لنفسك ولا تخلين أي احد حتى لو زوجك يقلل من قدرك زوجي على عيني وراسي
بس تحترمني مثل مااحترمك والله دامك على البر وما تزجتوا أنصحك استخري
الله وفكري عدل قبل تكملين حياتك مع هالانسان هذي عشره عمر مؤ يوم ولا يومين

والله يساعدك ويعوضك خير


__________________________________________________ __________

غاليتي بالمختصر المفيد كيف يضربك وانتي لسه ببيت اهلك هاد انسان لا يقدر معنى المشاعر لانسانيه كيف طيب وحنون ؟؟؟ هذا انسان ضعيف الشخصيه الا بقوه على انثى اما اتركي اولا خلك معه هذا راجع الكرامتك قبل حبك


__________________________________________________ __________

استخيررري وانصحك تتراجعين في قرارك اسمعي كلام ابوك واتركيه وربي ان شاء الله بيعوضك بافضل منه