عنوان الموضوع : حالة امي بعد وفاة اختي -لصحتك
مقدم من طرف منتديات نساء الجزائر

حالة امي بعد وفاة اختي



بدخل بالموضوع على طول انا عمري 16 وعندي اختي الكبيرة عمرها 19
متوفية قبل 7شهور بحادث مع الباص الله يرحمها وكانت وفاتها صدممة كبيرة جدا علينا مرت علينا ايام سوداا كئيبة

كلها حزن عليها وبكينا عليها مرة زعلنا على فراقها واثر فينا كثير خاصة امي وابوي
لاكن سلينا شوي الا امي الحين يابنات اميي دايما حزينة وتبكي

صح ساعات تكون عادي وتجلس معانا وتسولف لاكن مبين على وجهها فيها حزن وتفكر كثير يعني امي تغيرت ماصارت مثل قبل احنا شلنا اثاث غرفت اختي وتصدقنا فيه وملابسها كمان

لاكن امي تروح غرفتها اخر الليل تصلي وتدعي وداايم تبكي واذا دخلت عليها الغرفة وسألتها شفيك تقول روحي نامي انا مافيني شي بس بصلي وعيونها منفخة من كثر البكي ورابطة على راسها طرحة

والله امي كاسرة خاطري وحزنتني واخاف على صحتها مالها خلق بشي صح تطلع احيانا وتروح بيت جدي وتروح الجيران او هم يجون بس مو مثثل قبل سوالفها وضحكها تغيرت كثير

حتى ماقامت تهتم فينا واذا جيت بقعد معها تقول انا مصدعة بنام انتبهي لاخوانك الصغار وتسحب علي طيب لييه متضايقة على وفاة اختي طيب هي ماتت الله يرحمها احنا موجودين

ماوقفت الدنيا على احد كلنا حزنا عليها بس مو لهالدرجة صارلها سبع شهور متوفية وامي ماعندها الا هالسيرة مرة ابوي جاب كيكة عشان اخوي الصغير نجح نكدت علينا امي وجلست

تبكي وتقول الله يرحمها كانت تحب هالكيكة ليتها كانت موجودة بينا وابوي تاثر وزعل وعيونه مليانه دموع كل شي ينقلب نككد طيب احنا العايشين وش ذنبنا واخواني الصغار ببعد حتى امي مالها خلقي

صح تلبي كل طلباتي لاكن مالها خلق تجلس معي وتسولف وتسالني وش سويت بالمدرسة زي اول بس مسررحة طول الوقت والله كآآبة وحالتنا حاالة كل ما يجي طاري لافنان تنكدنا وانقلب

البيت نياحة وغير كذا انا خايفة على صحة امي ونفسيتها ,, تمنييت اختي الكبيرة افنان تررجع للدنيا ولايصير فينا الي صارر يارب رحمتك وش اسوي مع اممي ماعندي احد احكي لها انا ابغى امي تطلع من الجو الكئيب الي عايشته وترفه عن نفسها عطوني رايكم انتظر ردكم الله يسعدكم

>>>>> ردود الأعضـــــــــــــــــــاء على الموضوع <<<<<
==================================


حبيبتي الله يجزاج خير على خوفج على اميمتج بس ياحياتي هذي ام وفقدت ضناها لاتلومينها والحزن مو بريموت نتحكم فيه وقلب الام مو مثل اي قلب ماتت بنتها وهي في عز شبابها ويبيلها وقت طويل عشان تسلا مثلكم هي اللي شالتها في بطنها تسع شهور تبينها تنساها بسبع شهور ؟؟!! ياحياتي لمجرد اني حطيت نفسي مكانها بكيت وهذا انا اكتبلج وعيوني تدمع كيف هي الله يعينها ويجبر قلبها ويعوض اختج الجنه ،، اعطوها وقتها لكن لاتهملونها خليكم جنبها ولاتتذمرين من حالتها ياعمري طبيعي اللي هي تمر فيه ،، انتي اذا شفتيها رايقه خففي عليها كلميها عن نفسج مدرستج شاركيها الحكي ،، واذا شفتيها تبكي ضميها وهوني عليها وخليها بدل ماتحرق اختج بدموعها تدعيلها ،، قوليلها ان الميت يتعذب بدموع اهله ادعيلها في صلاتج ربي يربط على فؤادها ويجبر مصابها وانتم حاولوا تخففون من طاري اختج هالفتره ليما الوالده تتعود على اللي حصل وتستوعبه،، الله يعظم لكم الاجر ويرحم اختج ويسكنها فسيح جناته يالغاليه. اللهم امين.


__________________________________________________ __________

الله يرحمها
الامهات كده يتأثرون مرة على فراق أبناءهم اصبري عليها راح تتغير مع الوقت وانتم غيروها قولولها اهتم فينا زي اول ...الخ


__________________________________________________ __________

الله يرحمها و يسكنها فسيح جناته


حبيبتي امك فقدت طرف من كبدتها ... شتتوقعين ؟؟؟؟

الزمن يداوي الجروح و انشاءالله ترجع مثل ما كانت


.


__________________________________________________ __________

الله يلوم الي يلومها ويمسح على قلبها حبيبتي لاتفكري اببد انو شي سهل ويمكن تمر الايام عادي ام او اب فقدوا واحد من عيالهم خصوصا لما يشوفونكم حواليهم وواحد منكم ناقص الام غييير ياروحي وماراح تفهمي كلامي الا لم يكون عندك ضنا وتكوني ام ان شالله,

انتي خلي لك دور اهتمي بامك ولاتخليها ادخلي السرور على قلبها سليها سولفي معاها عسى الله يخليها لكم ويطول بعمرها ويمطر على قلبها الراحة ويعوضها بباقي عيالها خير ان شالله


__________________________________________________ __________

الله يرحم اختك ويغفر لها
ويرحم اموات المسلمين

ياحبيبتي,,,,, امك صعب تنسى بسرررررعة
لكن خلي لك دووور كبير ذكريها دوما بسعة رحمة الله وان الله على كل شيء قدير
الله ارحم من امك على بنتهاوقوليلها تكثر الدعاااااء والصدقة عنها
وانتي خليك دوم بجنب امك وذكريها وبريها الله يبلغك رضااااها
الله يتقبل منكم صاااالح الاعمال