عنوان الموضوع : موقف غريب اول مره يصير مخووفني -تم الاجابة
مقدم من طرف منتديات نساء الجزائر

موقف غريب اول مره يصير مخووفني



كنت بالمول مع صديقتي تسوقنا ورحنا للمطاعم ودخلنا مطعم ما كان فيه احد طلبنا واكلنا وصديقتي هذه فيها نفخه وعنصريه حتى ضد القبايل الثانيه ومره تفخر بقبيلتها وتنتقص من الناس الثانين دخلت واحده بيضاء وعيونها عسليه محجبه ومعها بنتين صغار شافتها صديقتي وما خلتها انتقدتها انتقادات كانها ذابحه لها احد شوفي شكلها شوفي عبايتها شكلها لابسه عدسات تلقينها مسويه تقشير شكلها مو من هنا شكلها مقيمه ناظري كيف بناتها شكل مستواها المادي مو ذاك الزودسكتها قلت لها وش دخلك في الناس ترى ان ماسكتي رحت وخليك لا تقعدين تحرجني و ترمين كلام على الناس كأن مافي مثلك خلاص عاد مو كل ما طلعنا مكان استلمنا الخلق اخر مره بطلع معك لو ماسكتي الحرمه سمعتنا وهي من الاول كانت تناظر فينا خلصت اكل بعدين جت لصديقتي وقالت لها عزيزتي ما ادري انت من اي عصر اسلوبك غير حضاري تفكيرك متدني وجاهلي لا فرق بين عربي او اعجمي الا بتقوى انا انسانه راقيه و اكلمك باسلوب راقي لاني ما اقدر انزل لمستوى امثالك لا يغرك مظهري المتواضع انا واصله وزوجي واصل لو احطك في بالي ادمرك
صديقتي كانت مفهيه من كلامها ومصدومه ماقدرت ترد عليها بكلمه
والصدمه الي توجهت لي انا بعد ما هزئت صديقتي قالت لي وانت يا اخت فلانه نظقت اسمي واسم ابوي و قالت انت فعلا مثل ما اعرف عنك طلعتي انسانه راقيه و تستحقين اني اهتم بالموضوع الي يخصك قلت لها انت مين انا مااعرفك اول مره اشوفك قالت موضوع يخصك انت ماتعرفني بس انا اعرفك من مده وبالصدفه اليوم شفتك وبصراحه المدح الي نقال فيك بسيط بس انصحك تتركي هالاشكال لانها ما تناسبك عشان موضوعك يتم وقفتها احاول اعرف من هي وش الموضوع الي يخصني وكيف تعرفني مارضت تقول اقولها متاكده انها صدفه طيب وش الموضوع انا مااعرفك والا بحياتي شفتك من انت قالت انا اعرفك وخلاص مارح تاخذي مني اي جواب الى ان يتم موضوعك وطلعت صديقتي قالت لي بحلقها وبوريها شغلها قلت ما نبي مشاكل خلاص فكينا كافي الموضوع الي يخصني وطلعت تعرفني ونا ماادري من هي كله منك جبتي لي المشاكل وحنا طالعين من المول شفناها ركبت سياره فراري اخر شي و صديقتي خذت رقم اللوحه وقالت بجيبها وبعرف من هي و كانت مصدومه ماتوقعت شكل الحرمه انها تركب مثل هالسيارات او انها غنيه مضى على الموضوع اربع ايام بعدين دقت علي صديقتي العشا وقالت تذكرين الحرمه الي شفناها في السوق قلت وش فيها قالت تراني اليوم شفت سيارتها عند بيتكم المغرب قلت لها كذابه وماصدقتها قالت والله العظيم حتى انا طاح قلبي خفت تكون جايتني انا عشان الكلام الي قلت لها عليه قلت طيب انت معك رقم اللوحه ما قدرتي تجبين اسمها قالت عطيته لبنت خالتي وسحبت علي ماردت خبر
بنااااااااااات والله خايفه وش تبي مني وانا ما اعرفها والا عمري شفتها وما حتى قلت لاهلي على السالفه خايفه اقولهم واسوي لهم قلق وخايفه اطلع من البيت وش الموضوع حقي الي تبيه يتم وكيف تعرفني وتعرف حتى بيتنا وش تبي كانت جايه عندنا المغرب ووووووش اسوي والله محتاره اول مره يصير معي كذا

>>>>> ردود الأعضـــــــــــــــــــاء على الموضوع <<<<<
==================================


غريبه هالحرمه وش تبي ،، بس هدي ياقلبي احسن مافي الموضوع انها مدحتك ونصحتك فانتي ليه خايفه

يمكن تعرف اهلك او زوجها يعرف ابوك او ساكنه بنفس حيكم
ويمكن صديقتك ماشافت السياره زين او مشبهه ومااتوقع انها بتضرك حاولي انتي بينك وبين نفسك تتذكرين الموضوع اللي قال عنه ومادام انتي واثقه من نفسك ﻻتخافيين منها
قولي وجعلنا من بين ايديهم سدا ومن خلفهم سدا فاغشيناهم فهم ﻻيبصرون وادعي ان الله يفك عنك هالمشاكل ،، وطمنينا بعدين وش يصير
الله يستر عليك


__________________________________________________ __________

مافهمتت طيب مادام صديقتك شافت سيارتهما وعندكم وانتي تقولين انهاا جتكم طيب اسألي اهلك اذا يعني ماكنت موجودة وقتهاا


__________________________________________________ __________

الافضل تقولي لاختك امك السالفه يعني كأنك تسولفي عادي
بس لاتقولي لهم انه جت عند بيتنا ومن هالكلام

يمكن تعرفكم او جارتكم او شي
انت لاتخافي ولا شي
دامك واثقه من حالك ليش تتوترين

ومثل ماقالت لك صديقتك هذي مو من مستواك تماشين ناس كذا
مايفتخر في نفسه وينقص من الناس الا الشخص النااااقص
فانت خليك عادي مع صديقتك بس اقلبي رسميه شوي لين تحس انها غلطانه
بالكلام والاسلوب الي تسويه


__________________________________________________ __________

والله من جد غريبه مرة
وغريب انها توقف عند باب بيتكم بالمغرب وﻻ تدخل عندكم
كيف هي تعرف شكلك وانتي ما صادفتيها
الغريب بالموضوع كله ان هي تعرف عنك شئ خاص وانتي ماتعرفينه
أحس الموضوع فيه تعجبات
فما حبيت افسر لك أي شئ عنها من عقلي واعطيك احتماﻻت غلط
أنتي حاولي تقولين ﻻمك ﻻ تقولين اخاف يطلعوني من البيت ﻻنك ما سويتي شئ غلط
قولي ﻻمك الي صار معها وانك ما عرفتيها


__________________________________________________ __________

لا يكون كل هالسالفةة مقلب من صديقتك