عنوان الموضوع : زوجي يكلم وحده في الواتس اب ....... -لصحتك
مقدم من طرف منتديات نساء الجزائر

زوجي يكلم وحده في الواتس اب .......



بنات انا اكتب لكم وما ادري ابتدي منين مشكلتي اني وبعد خمس سنين زواج اكتشفت ان زوجي يكلم وحده عن طريق الواتس اب واكتشفته بالصدفه ﻻني كنت اقلب في تلفون زوجي وشفت صورة عند رقم والحاله اللي كاتبها مو حالة رجل فاخذت الرقم واتصلت وتفاجات لما ردت علي بنت وانصدمت ﻻني كنت واثقه من زوجي مليون بالميه وكنت اعتقد انه يحبني وﻻ يقدر يخوني او يفكر بغيري بس طلعت غلطانه وعلى نياتي وواجهته بالامر اول مرة نكر كل شي بس بعدين اعترف لي انها هي اللي دخلت عليه واخذت رقمه من الفيس بوك وانه قالت له انها تبي تنتحر وان ماحد يحبها وصار هو ينصحها وكذا واستمر فترة معها رسايل بس وبعدين قال لها انه متزوج وانه يحب زوجته وكذا وﻻزم يقطع عﻻقته فيها فقالت له اذا تركتني بموت وبنتحر وسوالف كذا فهو قال انا خفت ﻻ ترجع لحالتها السابقه بعد ما تحسنت وانها تسوي في نفسها شي ... وانا لما سمعت كﻻمه قلت له ﻻ تعتذر وﻻ تحاول ولو امووت ما اسامحك مجرد انك تكلم وحدة هذا دليل على عدم احترامي .. ورحت اخذت اوﻻدي ورحت عند اهلي بدون ما اعلمهم اي شي قلت لهم اني جايه زيارة كم من يوم .. وزوجي ما خﻻني مرة اتصالات ومرة مسجات حب واعتذار ... ارجوكم قولو لي وش اسوي

>>>>> ردود الأعضـــــــــــــــــــاء على الموضوع <<<<<
==================================


هههههه وهذا مو عذر البنت تبي تنتحر المفروض مايعطيها وجه حتى لو تبي تنتحر بكيفها هي ماتقربله عشان يخاف عليها المفروض يحط حظر لها من الواتس اب ويريح عمره او يغير رقمه حبيبتي اشترطي عليه وقولي له اذا تبيني ارجع غير رقمك واغلق حسابك بالفيس بوك وخليه يحلف لك انو مايفتح حساب ثاني فيس بوك والبنت ماعليه منها انتحرت ولا ما انتحرت يخاف على البنت ولا يخاف من رب العالمين الله يهديه بسس وانتي ي قلبي نفذي اللي اقولك عليك ^^


__________________________________________________ __________

استهدي بالله وارجعي بيتك وتفاهمي معاه باللي تبينه بس اهم شيء ارجعي بيتك لاتخلين للشيطان مجال للتفريق بينكم والله يهديكم


__________________________________________________ __________

لاتخلين للشيطان مجال
ولاتخلين البنت الي ماتخاف الله تاخذه منك
ولاتخلين زوجك يتعود على غيابك
دامه اعتذر!! ودامه يحبك!! ودام بينكم عيال!! ودام اعترف لك بكل شي
ارجعي معززه مكرمه وعوضيه وشوفي اشفيك ناقص دلع حب اهتمام احرصي عليه لاتخلين بنت الناس تهتم فيه وتاخذه
والانسان يخطي بس يتوب
انتي ادعي له وبيني له انك زعلتي وانك عرضه لازم يحافظ عليك
ولازم تخلين كل وقتك لزوجك لان يمكن كلمها من باب الفراغ ( لاتهملييييييينه).
موفقه


__________________________________________________ __________

والله الرجاجيل هذولي كل يوم بعذر ،. ولازم نصدقهم عشان تمشي الحياه
اجل خايف عليها ترجع لها حالاتها النفسيه ومو خايف عليك
حبيبتي قوليله انك اهم منها وانك م توقعتيه كذا وانك انصدمتي فيه صدمةة العمر
وشطوره حبيبتي برافو عليك انك رحت لاهلك بدون م تقولين لهم وش اللي صاير
بس لا ترجعين بيتك لين تعطينه شروط انه ما يخونك ولا يرجع لها وكذا يعني
ولازم تحسينه صادق بكلامه

والله يوفقكم ويجمعكم ع خير ي رب *


__________________________________________________ __________

لاتخلي الشيطان يخرب بينكم وارجعي بيتك وحطيله شروط الي تناسبك
واهم شي استغلي هالموقف بالدلع والتغلي بس بحدود عشان مايطفش منك

ادعيلي بالذريه الصالحه