عنوان الموضوع : تغير علي فجاءه
مقدم من طرف منتديات نساء الجزائر

تغير علي فجاءه



بسم الله الرحمن الرحيم

ببدا على طول انا صار لي متزوجة تقريبا 9شهور وكانت بدايه زواجنا علاقتنا سمن ع عسل بس بعد حملي بفتره تغير علي كثير
وصار مايهتم اذا قعدت عند أهلي بالأيام مايتصل كنه ماصدق خبر أقول بعقد عن أهلي ،، وحتى يتهرب مني لما أطري له بتنام يهرب ع طول حتى لو ماكنت اقصد الجماع ،، تخيلو صار له 4شهور ما جامعني بحجه الكرش ومايبي ياذي الجنين مع العلم بأول زواجنا كان بشكل شبه يومي وكنت أتضايق من هالشي بس أقول من حقه ،، وأوقات يقول جهزي نفسك وكذا ولما يجئ وقتها يداعبني شوي ويتأفف ويقول قرف خليها بوقت ثاني وأنا الي مخوفني انه شايف له شوف أو قاعد يخونني ،،وولادتي قربت ما باقي إلا أسبوعين ومخليني عند أهلي من شهر لا يسال ولا يقول محتاجه شئ تفشلت منهم اكل واشرب وزوجي ماتكرم حتي يجي وماهم مقصرين بس خلاص مليت دوم يسألون عنه ويقولون مانشوفه أقولهم بخفارهه وأنا اكذب وبدا خلي أموت ميه مره ،، تخيلو انا بس اتصل وأكمله وإذا اتصل بس وشلونك شخبارك وبعدين يقول ماني فاضي ولما قلت قبل فتره تعال طلعني مطاعم ممشى اي مكان يقول لا لو تتعبين ماعرف أتصرف معك طيب هو اذا وقت الضيقة مايكون معي متى يبكون ،،،، طولت عليكم المهم بنات قبولكم آخر شئ أبوي قبل اسبوع صراحته أنه مضايقني وانه متغير علي بس تعرفون رجال كبير ماراح يفهم علي اتصل عليه وقاله ليه معزل بنتي هي سوت شئ وقعد يتعذر ي عمي انا مشغول وأنا مازعلتها بس هي تدلع شوي المهم أبوي قاله انا بعذرك بس لو زعلت بنتي بغير حق يبكون لي كلام ثاني معاك المهم بعد مطابق أبوي بشوي إلا هو متصل وقال انا أسف وباخذك الحين وبوديك وين ماتبين المهم فرحت ورجعت معه بس لما رجعنا البيت هاوشني وقال من قالك تدخلي فلان وعلان بسؤالفنا الخاصة طلعت من طوري وعليت صوتي وقلت مره ثانيه تجيب طاري أبوي بهالكلام أو أي كاءن كان من أهلي بتندم ونزل عقاله وضربني وقال مابقى الا هي تعلين صوتك علي وقال بعد لانتي ولا أهلك تهموني وقال روحه لأهلك مافيه المهم طلع من البيت ورجع بعد يومين وتأسف مني ما عطيته وجهه لانه غلط بحقي أبي رأييكم وش أسوي معااااه ومن الغلطاااان وآسفه أني طولت ،، وتكفون نزلو الموضوع الحين قبل لإنام

>>>>> ردود الأعضـــــــــــــــــــاء على الموضوع <<<<<
==================================


بناااات عفيه ردو مالي الله ثم أنتو ،، وماقلت لكم إلا أنكم بتفيدوني بون مادخل أهلي


__________________________________________________ __________

تفاهموا بهدوء وسأليه ليش متغير معك


__________________________________________________ __________

ليه تسمحي له يمد يده عليك كان خبرتي أبوك على طول ومن رائي انك تجلسي عنده لحد ما تولدي ولا تروحي لأهلك خليه يحس بلمسأوليه شوي ولا ترضي على طول عاتبيه وقليله انه راح اخبر أهلي يتفاهموا معاك
الله يهديه لك ويصلحه


__________________________________________________ __________

الله يهديه ويعافيه
اول شي اختي حاولي تهدي نفسك لانك في مرحله انت محتاجه للراحه وطفلك وصحتك اهم عليك
ثاني شي شغلي سورة البقرة في البيت اول مايطلع لين مايدخل
عليك بالدعاء في الثلث الاخير من الليل والصدقه

بعدين لاترضين انه يضربك من هو عشان يضربك وان كان زوجك
ومفروض ابوك ما اتصل عليه عشان ماتكبر المشكله
انت خليك عااادي وحسسيه انه هو الغلطان
تغير في المعامله شوي خليك رسميه خليه يلاحظ تغيرك

وربي يسخره لك ويهديه


__________________________________________________ __________

مشكلتي ،، اذا على ليه متغير أساله بس ما يعطيني يضيع الموضوع ويقول أخليك عند اهلك مابي أتعبتك ومابي أنام معاك عشان مآذي الجنين وقرف
اريج ،، لازم أروح لأهلي لانه يطلع ومايرد إلا ع الفجر وع طول يحط راسه وينام خلاص ملئت وأبوي مستحيل ادخله بسؤالفي عقب اليوم

هدوء ،،بحاول ولو أني اعرف نفسي زين
وبسوي الي قبلتي عليه ووان شاء الله يفيد

بالنسبهه للضرب هو متين وعملاق وأنا عند بطنه يعني ماقدر عليه
وهو تاسف وقعد يحب راسي ويضمني ويقول أصلا مدري شلون ضربتك وإنتي غريب بتصيرين ام عيالي ومن هالسوالف وإذا ع الفراش مستعد الحين أسوي الي تبين اذا كان يرضيك طبعا ما عطيته وجهه يهديني لااكثر وبعدها ماجا وهاذي اول مره يضر بني فيها ،،شورو علي أكثر تعبت تفكيري مشتت ،، والله يسمع منكم