عنوان الموضوع : مكروبه الي تبرد خاطري ماأنساها -لصحتك
مقدم من طرف منتديات نساء الجزائر

مكروبه الي تبرد خاطري ماأنساها



السلام عليكم ورحمة الله وبركاته

كيف حالكم اخواتي الطيبات
هذي ممكن تعتبرونها فضفضه أكثر من مشكله
وابي اشوف رأيكم ﻻني مرة تعبانه منها
أوﻻ أنا مليت من حياتي حطوا نفسكم مكاني وتخيلوا نكم أنا
أنا من يوم اني صغيرة مالقيت أي اهتمام من أمي يعني كنت تربيت خادمه هي الي تدرسني وتكتب لي وهي الي تعلمني الصح من الغلط كانت أمي بس تنتقد فيني واهل أمي من كثر مايشوفوني مهانه عندهم صار شئ طبيعي لو يهينوني
هو فيه أسباب خاصه قديمه خلت أمي تعمل بي كذا اعتذر عن ذكرها ﻻن مالي ذنب فيها
المهم
أهل أمي كنت دايم احاول اكسبهم وش باقي شئ ما سويته يا اني مسكت ورعانهم وطبخت لهم ابي أحس اني وحده منهم وفيهم واغير نظرتهم فيني ﻻنهم كانوا يناظرون فيني على اساس اني نفسيه ومذلوله وربي مريت مرحلة المتوسط كلها وأنا أعيش معهم عى اساس اني بنت ناس ثانيين مو بنتهم من كثر ماشوف منهم وكنت مقتنعه بهالشئ ﻻن ماكنت اشوف ان في سبب يخليهم يعاملوني جذيه وغير معلمات المدرسه كانوا بيقولوا اﻻم ماكو قلب مثلها وﻻ حب مثلها وأنا ماكنت اشوف هالشئ في أمي وﻻ خاﻻتي وﻻ تلوموني ﻻني كنت امر بأصعب الضروف أصعب حتى من ضروفي هذي والله كان متنفسي اني مو بنتهم واصبر نفسي أقول معليه اصبر عليهم أنا ماني بنتهم الى ان صرت اتوهم اني اتواصل مع اهلي وتطور الوضع للخيال
مرت سنه ويأست منهم يعني خلاص وش باقي شئ ماسويته وهم على نفس اﻻخلاق ماتغيروا
صرت انتقم منهم بأطفالهم ابي اوريهم سواتهم فيني بعيالهم كنت أشد بشعرهم وابكيهم واقرصهم بعد:-(
هم ﻻحظوا خاﻻتي فيني وش اسوي بصغارهم أنا ماهمني دروا وﻻ مادروا ﻻن نظرتهم وحده المهم كان هالشئ غيرهم
بس اللحين من اتذكر سواتي فيهم احظنهم حتى هم يحبوني من كثر ما أحن عليهن
بس أمي الي ماتغيرت لليوم
كنت قبل ست سنوات بالمرة مع بنات خاﻻتي وكذا المهم
حصلت مشكله بين بنت خالتي المقربه لي جدا و وحده من خاﻻتي
جت خالتي دقت على أمي تقول وش بين بنتك وبينها عاد أمي اثاريها كانت تتسمع علي بمكالماتي مع بنت خالتي وغيرها فأعطتها اﻻسرار و زود
وتجي خالتي ماتقصر
قالت للعيله كلها الي بينا كله هي وأمي ﻻني كنت حلقة مشاكل مع أهل أمي من تصير مشكله ﻻزم يدخلوني فيها
أوﻻ بنت خالتي طاحت من عينهم ﻻن بالمرة الكلام الي انشروه المفروض ما ينقال
ثانيا أنا طحت من عينهم بكوني انسانه غير امينه ﻻن خالتي وأمي قالوا اني أنا قلت بنت خالتي تبرر موقفها تقول انها ماقالت وأنا اهلي خلوني احلف انها قالت
انتهت علاقتي فيها من ست سنين وهي اكتسبت بنات خاﻻتي وأنا طحت من عينهم صاروا يحاذروني ﻻن مو بس هذي السالفه الي حصلت فيه بعد كثير المهم اني تكسرت من كثر ما اطيح من عيونهم
المهم بنات خاﻻتي واختي صاروا حزب وأنا بحزب لحالي
وأمس كنت رايحه عرس واحد من العيله
بنات خاﻻتي وحده تنادي الثانيه اﻻ أنا ما نادوني والحمد لله ان بنت بنت عمي وحده من المعازيم أنا جلست معها وحسيت بالتطنيش اتجاههم ﻻن معي أحد مو محتاجتهم بس بنت عمي ماشوفها كثير بس بالجامعه ﻻن العلاقه مو محتكه
بس وربي قهر ماحد عطاني وجه ابد
وأنا خلاص ماعاد ابي اثبت نفسي معهم بيضيع العمر وأنا ما كسبتهم فأخليهم لبعضهم يكفي يتعازمون وﻻ يعطوني بال

اقولكم مشكلتي
أنا وربي تعبت نفسيا ماعاد لي رغبه في الحياة من قلت بوسع صدري نكدوني اهلي يعتبرون وجودي مثل عدمي
بنات جماعتنا اغلبهم اخذوا فكرة عني ان فيني حاله نفسيه
ما انكر كانت مشيتي مو طبيعيه تعرفون كيف الوحده تمشي وﻻ تثبت عيونها يعني ألف وجهي من جميع النواحي مثل المسبهه وكاني سرحانه بشي بس اللحين شوي تركت هالشئ
صرت اللحين أفكر اتزوج ومرات أقول وش اتزوج وأنا مالي قيمه عند أحد بس اهميتي لنفسي أنا
ابي اتزوج واشوف نفسي بين ناس تعزني وتكون لي مكانه خالتي مرة قالت ان مقطوع رزقي بس أنا رديت الرزق من الله لو على البشر كان محد تزوج وأنا صغيرة عمري 21سنه لو كبيرة قلنا يمدي
والله كثير صرت ابي اتزوج واشوف نفسي مع ناس يعزوني و واثقين فيني مو طايحه من عينهم
واحيانا أفكر ان الموت أفضل لي من الحياة
عشان أبعد عن الناس ﻻني اتعب معهم
أمي من كنت صغيرة تهددني بالقتل لحد ما سيطر علي الخوف صرت اخاف من أي شئ ﻻنها حتى مرة وربي انها رفعت علي السكينه بس الحمد لله كانت الشغاله ماسكتها عني
بنات صدقوني الي قلته شئ بسيط وماخفي اعظم
بس اللحين كثير متفائله اني لما بتزوج ارتاح واشوف نفسي بمكانه بين المجتمع ﻻني الحمد لله جدا متمسكه بديني وأكثر من اﻻستغفار بس حيل متعبني ان كثير من جماعتنا ماخذين عني فكرة وكذا أنا بالجامعه صرت اكتسب صداقات مش من جماعتنا
ادعوا لي بنات والله حيل مكروبه ماتنور حياتي بعد الله اﻻ بالجامعه

>>>>> ردود الأعضـــــــــــــــــــاء على الموضوع <<<<<
==================================


الله يصبرك ويفرج همك ويدي امك ويجعلك قرة عينها وقلبها ادعيلي ربي يفرج همي


__________________________________________________ __________

الله يهديها
روحي للمحكمه واشتكي
او حقوق الانسان
بس ماقلتي الاسباب الي خلت امك تسوي فيك كذا
قوليها عشان نفيدك


__________________________________________________ __________

يا عمري انتي والله شعور مرره صعب الا الام
اسمعي يا قلبي اول شي طنشي حتا لو اضايقتي ادعي وقولي همك لربي صدقييييييييييييييني ع تجربه ادعي وفضفضي لربك حتى
تحسي براحه و اقعدي الصباح اقري اذكار الصباح والمسا واذكار النوم تحسي براحه
واذا ع الصحبات واحد يونسك والله البنات مليان واهم شي خلي ثقتك بنفسك كبيره
ودايما حطي دا الشي في بالك وقولي بينك وبين نفسك ع طول انا واثقه من نفسي مو ناقصني شي


__________________________________________________ __________

يارب يفرج همك ويحنن قلب امك عليكي بس انتي ما حكيتي وين الوالد وين اخوانك المهم ( ان الله لايغير ما بقوم حتى يغيرو ما بانفسهم) حاولي تغيري نفسك والاهم تغيري نفسيتك كوني متفائله وواثقه من نفسك ولا تتركي الصلاة والدعاء والله راحتك فيهم تفائلي بالخير واكيد ربنا بيفرجها عليكي وبيرزقك الزوج الصالح اللي يسعدك ويهنيكي


__________________________________________________ __________

الله يفرج همك
ان مع العسر يسرا