عنوان الموضوع : ميتة على قيد الحياة -تم الاجابة
مقدم من طرف منتديات نساء الجزائر

ميتة على قيد الحياة



بسم الله الرحمن الرحيم

اللهم صل على محمد وآل محمد

خواتي بعد الله مالي غيركم اشكي له , ساعدوووووووووني نفسيتي دماار وهذا الموضوع الثاني اكتبه لكم

عزيزاتي انا متزوجة صار لي سنه ونص
حالتي جداااااا سيئة وزواجي فاشل بكل ماتحويه الكلمة

انا صغيرة عمري 22 سنة وزوجي عمره 28

يمكن بعضكم يشوف سني حلو للزواج .. بس اناااا عايشة بعذاب ومتحملة هموم اكبر مني

وماعندي احد اشكي له همومي ومشاكلي

زوجي اوضاعه صعبة وانا اقدر هالشي وربي يشهد ان عمري ماضغطت عليه ولا طلبت منه المستحيل

لكنه قااااااااااااااااااااااسي معاي بكل ماتحويه الكلمة
يضرب , يهين , يجرح , يسب

بدون احساس لمشاعري , انا صغيرة وناعمة وفي البداية كان يستعرض بي قدام اهله ومعارفه

والحين مسسسسستحيل يقول عني كلمة طيبة ولو احد مدحني يسوي نفسه مايسمع ويطنش

ودايما يقول لي انتي مو حلوه , جسمك مو حلو ,

بالرغم إني قسسسسما بالله الكل يشهد على جمالي وعلى حلاوة جسمي ويسموني باربي

لكني طايحة من عينه

وبس ينتقدني

ودايماا يقول لاتلبسي كذاا مايليق عليك ولا تسوي كذا

غصب يبغى يطلعني ناقصة ومايبغى يشوف جمالي والأشياء الحلوه اللي فيني كل همه افقد ثقتي بنفسي

وغير سالفة الجمال واللبس .. لما امرض مايصدق إني تعبانه ودايما يقول انتي ماتتعبي انتي ماتمرضي انتي ماتموتي

مايحب يهتم فيني ولا ياخذني المستشفى لو اتقطع من الألم قدامه

دايمااا ينتقدني ودايما يسمع راي اهله وفكرتهم السيئة عني

انا من النوع خفيفة دم واخلاقي حلوه وعندي صاحبات والناس يحبوني

بس اهله دايمااا يتكلموا إني عكس هالشي وإني مغرورة وشايفة حالي ومااتكلم معاهم وربي ان كل اللي يقولوه افتراء

وفي مرة كانوا يتكلموا عني عند زوجة عمه وبنت عمه ويقولوا لهم ان ماعندي اخلاق ومتكبرة وانصدموا بيت عمه قالوا انهم شافوني وحبوني مررررررة وارتاحوا معي ..

واهو رايه من راي اهله

يقول لي مغرورة وشايفه حالك وماعندك اخلاق ..

وغير موضوع الاخلاق .. تعالوا شوفوا معاملته معاي

محسسني إني ولا شي في الشقة قسما بالله قسسسسما بالله لدرجة إني ابقى ب 3 ايام مااكل ولا حاجة ومااشرب غير الماي

يسوي لي مشكلة على ولا شي ويطلع ويتركني لحالي ومايعترف فيني ويقوم يتصل لأهلي يشكيني لهم

وطبعا اهلي ضدي في كل شي وواقفين معاه لأن قدامهم يبين نفسه بريء ويسوي حاله يحبني وخايف علي

قسما بالله حالتي حاااااااااااالة وصلت لمرحلة الجنون من تصرفاته

اخذ مني كل شي , كل اللي املكه من فلوس اخذهم واساسا انا اللي اعطيته كل شي وكنت اعاونه ومتساهلة معاه عشان وضعه

كل مااحتاج عطيته بدون تفكير وبدون مااحاسبه واقول بعدين ربي يفتحها عليه وبيعوضني لكنه ماقدر حاجة من اللي قدمتها له من تضحيات

والحين مقصر علي في كل شي , مصروف مايعطيني , واذا بيسوي فيني خير ياخذ لي غذا ويغديني

صار لي 4 ايام محبوسة في الشقة لا اكل ولا شي بس اشرب ماي
واول ماطلع كلم اهلي وعكس لهم الموضوع وظلوا اهلي يتصلوا علي يهزئوني وانا احقرهم من قهري مارديت بأي كلمة بس كتبت لهم حسبي الله ونعم الوكيل

وظلوا يتصلوا ويرسلوا لي كلام جارح وانا بامووووووت من حرتي ومن قهري ,

تعرفوا وش يعني انسانة ميتة على قيد الحياة ؟؟!! .. تعرفوا شنووو يعني ؟؟؟؟
اااااااااااااااااااااااااااااااه ياربي اااه هذي انااا .. مدفونه , مسجونه , محبوسة , محرومه , مالي احد

صح ماذكرت لكم نقطة

اناا متدينه ولله الحمد ومن صغري صلاتي مااخليها وكنت دايما احلم في رجال تقي يخاف الله فيني ويصلي بالمساجد لكن ربي عطاني عكس ماتمنيت

حتى صلاة مايصلي
ويسمع اغاني ومايفرق بين الأكل الحلال والحرام
ومايسمع نصيحتي اببببببببببببببببببد

ويقول عني كذابه ومنافقة ومرائيه !

اااه ياربي ااااااه .. لعل هالعذاب اللي اعيشه رضا مو غضب منك يارب ..


اااخ من وجعي ااااااخ !

خففوا عني ارجوكم امسحوا على قلبي بكلامكم الطيب والله إني محتاجة صدر حنون ابكي عليه ..
ريحوني الله يرزقكم بالجنة ويحفكم بالرحمة يارب

>>>>> ردود الأعضـــــــــــــــــــاء على الموضوع <<<<<
==================================


الحا من بععصصصةة


__________________________________________________ __________

انا لو مكانك اتطلق منه بس انتي استخيري وادا تبغي تتطلقي تطلقي منه وفكي نفسك



موفقه والله يكتب اللي فيه الخير


__________________________________________________ __________

ياختي بقولك شي

هذا النوع من الرجال ان ماعطتيه درس قاسي ماراح يفيد

الواحد يتزوج علشان يستقر مو يفتح لك ملعب كوره او خليه عسكريه

شوفي انتي انصحي ان مافاد

طوالي لاهلك
لان المره الي تسكت عن الي يسويه لو اشياء بسيطه نمشي لان الحياه ماتخلو من المشاكل

وين اهلك
ابوك اخوك
روحي لهم وقولي بنتكم مهانه ووضحي لهم وخلهم يجون الشقه يشوفون الي في البيت
واذا يبي يرجعك وراك سند وظهر علشان يعرف قيمتك وانك بنت ناس مو جايه امه يشغلها عنده ويستعرضها



اقسم بالله اني حاسه فيك
ياحياتي لاتقولين ان جاك عكس ماتمنين ربي اذا حب عبد ابتلاه وانتي ملتزمه باذن الله مايخليك وانتي مظلومه


شوفي حبيبتي روحي لاحب الناس ع قلبك من اهلك
امسكي اخوك وابوك فمستحيل يطردون بنتهم وتمسكي بموقفك وخليك قويه
الله ينصرك بنصره


استغفر الله ان زليت او اخطئت
رفقا بالقوارير


علميني بكل شي يصير معك




واسمعي اختي في النت دوري بقوقل اسمه بوصله الشخصيه
ادخلي وشوفي وش نوع رجلك وطريقه التعامل معه


__________________________________________________ __________

اذا مايصلي شوفي حكم الشرع فيه
يحق لك تجلسين معه او لا


وياختي بسالك ماسالتو عنه قبل؟


__________________________________________________ __________

خوذي ياختي
كود تجدين فيه الانس يارب


احسني الظن بالله واكثري من الاستغفار
ايقني ان ربي بينصرك



‫لم اجد تعليق لهذا الفيدو والله خفق قلبي وانا اشاهده ‎‬‎ - YouTube