عنوان الموضوع : زوجي يحب اخرى
مقدم من طرف منتديات نساء الجزائر

زوجي يحب اخرى



السلام عليكم ورحمة الله وبركاته
أنا بصراحة شفتي كيف تفاعلكم وحماسكم مع الأخوات الللي يعرضون مشاكلهم فحبيت أطرح مشكلتي يمكن تقدرون تلقون لي حل

مشكلتي بدت من زواجي بحيث اني اصغر وحدة في مجتمعنا متزوجة تزوجت السنة الماضية والحمدلله كنت مرا سعيدة ومستانسة مع زوجي مع فارق العمر بيني وبينه حوالي 11 سنة بس كنا نحب بعضنا والأمور ماشية الين حملت السنة هاذي قبل 4 شهور ولما ولدت توفى الجنين بعد 10 ايام من ولادته وقبل ما اولد جو خالة زوجي وبناتها من السفر خلاص بيستقروا هنا لانهم كانوا عايشين برا طبعا كنت تعبانه وما شفتهم لكن بعد ما ولدت جوني وكانت هذي اول مره اشوفهم فيها بصراحة خالتو مرا حبوبة وبناتها يجننوا بس في بنت ما ارتحت لها ابدا والى الان وانا وزجي طبيعين وبعد وفاة بنتي بكم يوم بدا زوجي بس يصارخ ويهزء فيني بدون سبب يعني يقولي بنتك ما سوت خير بس جبتيها طلع جسمك شين وطلع لك بطن مع انه اول يقول انتي مرا نحيفه جلد وعظم لو تسمنين يطلع جسمك حلو والحين يقول كذا قاهرني مدري وش يبي وصرت الاحظ انو لما نروح لخالتي وتجي اختها وبنتها (اللي ما ارتحت لها ) تبدا البنت تتميلح وتلبس ملابس ضيقة كنها طالعه من مسبح (اهل زوجي يفتشوا لبعض عادي ) مثلا مرا دخلت شايله صينيه واول مادخلت وزوجي يطالعها بنظرات شوي بياكلها وتنزل الصينية وهي تطالع فيه وتبتسم ابتسامه جانبية صرت احاولي اخلي جسمي يرجع زي اول سالت ماما قلت لها ليه بطني ما يروح قالت عادي كل الحريم كذا بعد الولاده بس استحيت اقولها عن المشكلة خصوصا وزوجي كان يموت فيني وعيا ينتظر لما اتخرج من الثنوي لا وقبل شهر كشخت له قلت يمكن يعطيني وجه يوم شافني قال انتي هيه يالبزر مسوية نفسك من زين جسمك عاد انا مدري وش اللي طقني ع راسي وقالي خذ بزر والله لو يرجع الزمن كان ما خذيتك انا دخلت الغرفة وقعدت ابكي ما قدرت اتحمل فجاه فتح الباب وقال لا يكون حاسبه اني بجي اراضيك لا يماما هذاك اول الحين خلاص سكت وتحملت وان اشوفهم كل واحد يتميلح للثاني دخلت مرا الصالة وانا لابسه جلال عشان اخوانه كانوا فيه كانت هي قاعدة تسوي كبتشينو من السخان وهو واقف ياخذ حلا ويسولفون فجاه تجي وتضربه مع كتفه وهي تضحك بدلع وهو مستانس عليه وشاق الحلق انا خلاص رجعت ودخلت الحمام ابكي ادري اني حساسة بزيادة بس مو كذا نا حتى اسمي مايناديني فيه وهي يدلعها وينكت معها الى درجة انه قبل اسبوعين بالظبط قالي اخخخخ بس قلت سلامتك حبيبي في شي يعورك قال لا قلت اجل وش فيك قال اه بس يازينها ويناظر نظرات حالمة انا ع نياتي ما فهمت او بالأصح ما استوعبت قال فلانه لو اني ما خذها ازين منك واحلى اكبر وافهم مو مثلك يالبزر انا مقدرت اشوف شي قدامي عيوني امتلت دموع الحين في رجال يسوي كذا بزوجته والله خلاص ماني قادره اتحمل طبعا بعد ما قاللي كذا صرت لما اعرف انهم بيجون عند خالتي معد اروح وش اسوي اخاف اشوفهم وانقهر والله الحين اني اكتب وابكي المشكلة ما كان كذا من توفت بنتي وجو هم وهو متغير حتى ما اراعى نفسيتي يعني تعرفون الحمل تصير النفسية زفت وبنتي اللي حملت فيها 9 شهور وقررت ايش اسميها وشريت لها ملابس يعني لازم يضيق صدري بس هو كنه بنت الجيران اللي متوفيه مو بنته

اسفه طولت عليكم بس والله وانا اكتب الحين ابكي

مع العلم اني عمري 17 وهو 28 وهي 23

>>>>> ردود الأعضـــــــــــــــــــاء على الموضوع <<<<<
==================================


لاتزعلين حبيبتي وسوي نفسك ولا على بالك وحاولي انك كمان تعايريه عشان موبس هوا اللي يعايرك وبيوقف ولو قالك بزر قولي بزر بس حلوه واعقل منك يا العجوز وحاولي تطلعي عيوبها هاذي البنت قدامه يعني قولي والله بنات خالتك طيبات بس اختهم فيها سمراء ولا مغروره ولا اي شي طلعي عيوبها من تحت الارض وادعي ربك وكوني هادئه يعني الرجال ما يحب كثيرات الكلام


__________________________________________________ __________

السلام عليكم
الله يعينك ويفرج همك فعلا شي يقهرررررررررر بقوه!
والله جد قهر انا معك الغيره شي طبيعي وخاصه انك زوجته وهو قاعد يتغزل ويجاهر بالأمر امامك
يا حبيبتي انتي فعلا صغيره وعاقله واموره ولا تزعلي من كلامه بس صغر سنك مايعني انه كل شي ينسكت عليه لدرجه انه يقعد يقول اخخخخخ لو اني ماخد فلانه احسن منك
لازم ماسكتي لانه رح يتمادى وماعنده مشكله وبتركز عنده فكره انك عارفه ان كلامه صح لهيك مابتردي عليه
لا ردي بأدب البنت المسلمه انا ما اقول صارخي وطلقني ووو
لاااااااا قولي له ان الكلام اللي تقوله تحاسب عليه والنظره منك محاسب عليها والكلمه والهمزه والغمزه مع بنات الناس محاسب عليه عند رب العباد ولو ناسي انك محاسب علي يوم القيامه وهالكلام اللي تقوله لايرضاه عاقل ولا جاهل وان كنت انا بزر فالحمدلله فيني من الدين والأخلاق والجمال مايساوي بنات الدنيا
كنت ماليه عينك لما خذتني وبس جتني ظروف الحمل قمت تعايب فيني
اتقي الله فيني وكلها فتره وجسمي يرجع لطبيعته ولكن صدقني انا مارح اتحمل منك اهانات انا انسانه وحرق الأعصاب ما اتحمله
خذتني شريكه عمر ماخذتني تاخذ شبابي وبسمتي وبعدين ترميني وتعايرني
لو ربك بلاك بمرض ترضاها اني اعايرك واتركك في مرضك
ماترضاها لنفسك او اختك فلا ترضاها لبنت الناس
ماعندي كلام غير اللي قلته انا البزر!

تكلمي بهدوء وبثقه وبدون صراخ رح يخجل من نفسه اما اسلوب البكاء والصراخ وتغلقي الباب وتصيحي هذا يخليه يركز بذهنه انك فعلا بزر وكل شي صياح ومراضاه
لا ياحبيبتي قوي قلبك وقولي للظلم بس
ترى والله هذا ظلم والله مايرضى بالظلم
شو بيقهر فيك هاي مش عيشه اضل انحرق منه كل لحظه وهو يسمني كلام
حرام الله مايرضاها بس الظلم مايتعالج بالصراخ ولا البكاء ردي عليه بأدب وثقه وبدون تجريح عنيف حتى لا تكون حرب مين يجرح مين لا مثل ماقلت لك ذكريه دايما وخوفيه من الله وحقك عليه

الله يفرج همك يارب عاااااجل غير أجل ويحفظ عليكي بيتك وزوجك ويبعد بنات اللي استغفر الله مابعرف شو اقول الله يسامح كل وحده تمشي بهالطريق.. بس العتب مو عليها لوحدها العتب على ضعف الوازع عند الزوج
إدعي لربك انه الله يهديه
حاولي تخلي القرأن مشغل ببيتك
أكثري من الإستغفار
استودعي الله دائما بزوجك وقولي اللهم لا تزين نساء الدنيا بعينه واجعلني قره عينه ورفيقه دربه
اللهم علق قلبه بك وبصلاتك وكتابك فإنه لا يهدي القلوب إلا انت

ادعي كل اللي بقلبك وربك رحمن رحيم وهذا ابتلاء يا اختي بعرف الصبر صعب وحرقه الدم كبيره
ولكن تذكري في باب بالجنه يسم باب الصبر لا يدخله إلا الصابروووون

الله يرزقك الجنه وماقرب لها من قول وعمل
حبيبتي اشغلي نفسك بذكر الله تصدقي ولو بمبلغ بسيط
كوني مع الله وبإذن الله كيد البشر مردود وربك احكم الحاكمين وبتشوفي خير بإذن الله

قلبي معك ودعواتي معك

لاتنسيني من دعائك الله يجزيك الجنه


__________________________________________________ __________

ليش متحملة كل هذا ؟؟؟؟؟؟؟؟؟؟؟؟؟؟؟
و الله لو أنا ما أقعد عنده لحظة وحدة بعد الكلام لي قاله
إنت لساتك صغيرة قدامك مستقبل زاهر لا تضيعي مستقبلك مع واحد نذل و حقير
المفروض يكون عون مو فرعون
و المفروض عامين متزوجين ما يشوف غيرك
دام ما في مولود بينكم خلاص إتركيه إنت عرفيه عن حقيقته ليش تضيعين عمرك معاه
إتركيه و كملي دراستك و تعلمي لغات أو خياطة أو تعليم سياقة أو حفظ قرآن لين تلقي الرجل المناسب
لا تضيعين عمرك مع رجل ما فيه أمان
لا تصبرين عليه حرام عمرك يروح خسارة أو يروح في الهم و الغم لي ما أنت قده


__________________________________________________ __________

انصحك يا اختي ان لا تشربي ماء مباشرة بعد الاكل استني وقت منيح بعدين اشربي ماء


__________________________________________________ __________

الله يفرج همك