عنوان الموضوع : مشكلتي:زوجي| ابني |جارتي -تم الاجابة
مقدم من طرف منتديات نساء الجزائر

مشكلتي:زوجي| ابني |جارتي



بسم الله الرحمن الرحيم
عندي ثلاث مشاكل واتمنى تساعدوني فيها ومعليش بطول عليكم بس تعبت من كثرالتفكير
الاولى:زوجي؟مايحب ينام في غرفتنا وكل مااقوله ليه يقول احب لحالي واذا قلت له انه موزين كل واحد لحاله يقول الدراسة اثبتت صحة نوم الزوجين منفصلين واناماقتنعت في الكلام هذا صار لنا اكثر من ثلاث سنوات في الاول كان اذا يبي ؟؟؟يناديني اروح له المجلس لانه ينام فيه اتجاوب معاه بس طفشت من الوضع هذا وقلت اللي يبيني يجيني وصار يجي ينام في غرفتنا حتى ينتهي وبعدين يرجع المجلس ويتعذر مرة بازعاج العيال ومرة الغرفه حارة او باردة مرة وقبل سنه عصبت لما جوه اصحابه فجأة وفراشه في المجلس وقلت ارتحت الحين وش بيقولو عنا الحين قال عادي قلت لاموبعادي عندي وزعلت وصار ينام في الغرفة حتى ولدت قبل تسع شهور ومن ذاك الوقت الى الحين هو في المجلس المشكله اخوه ساكن معنا يعني مااشوفه الا نادر يجي من العمل يسلم وماعاد اشوفه الااذا بغا يطلع والله امرض مااشوفه واكون متضايقه ماالقاه فرحانه ماالقاه متى القاه اذا بغى شي اوابيه يحل مشكلة احد من عياله افكرامتنع عنه بس ماابي اغضب ربي ماادري هذا عادي او لا تكفون عطوني حلول .
المشكله الثانيه:ابني عمره 17سنه مدمن شات ومسن واحينا اكتشف انه يشوف صوروافلام اباحيه قلت لابوه ماحسيت بنتيجه واجهته ونصحته وقلت له انه حرام وبياثر على صحتك يقول خلاص ماعاد بشوف اليوم اشوف محادثه له مع واحد ومسوي نفسه انه بنت ويبي يستغل الرجال يبي فلوس علشان يبي جوال والرجال يحسبه بنت وقاله بيحول له فلوس بس يبي يشوفه على الكام بس رد عليه ان ماعنده وصار الرجال كلامه مش مظبوط ورسل له صور اباحيه ويقول انه يسوي كذا مع البنات وابني سونفسه انه مو من البنات اللي يسلمو انفسهم مرة بس اللي قاهرني انه باقي يشوف هاالاشياء المقززة قلت لابوه قال نمنعه من النت قلت هذا موحل الحل انك تصادقه وتطلعه من جو البيت وخليه يمارس رياضه يوميا لان ابني دبدوب ومايحب رياضه وعلمه كرجال اضرار الاشياء هذا وماادري عنه وش بيسوي معاه لان زوجي مايحب المسؤليه مرة معتمد علي في كل شي بس انا تعبت وتشتت تفكيري .
المشكلة الثالثة :جارتي يمكن هي مو ذيك المشكله بس ابي عونكم جارتي تعرفت عليها من تسع سنين والله يعلم اني حبيتها زي اختي ارتحت لها وهي بعد وكانت مكلماتنا يوميه ونزور بعضنا في اي وقت المشكله صار لها قبل سنتين مشكله ان زوجها تزوج عليها مسيار بس هي ماعلمتني وحدة من الجارات العزيزات علي وعليها قالت لي وانا كنت اشوفها متضايقه ومتغيرة واسالها تقول بس تعبانه شوي اذا تحبيني ادعي لي ان ربي يفرج علي مصيبتي قلت لها بدعيلك من كل قلبي بس قولي لي وعيت تقول ففخليتها على راحتها وانا قبل سنتين كنت حامل ونفسيتي تعبانه بسبة حركات اكتشفتها في زوجي ماعجبتني ومنها نومه لحاله وانا من طبعب مااحب اشتكي لاحد واصلا مالقيت احد اثق فيه اقول له لو جارتي صارحتني بمشكلتها كنت على طول بقول لها بس ماقدرت لان ماحبيت ازيد عليها وصرت مااطلع كثير ولا اكلم احد زي اول جارتي عاتبتني ليه اقطع كذا قلت ظروفي قالت حتى لو ظروفك ماتقطعينا واقول طيب بس بدون مااحس شغل البيت والعيال وطلباتهم الوقت يروح وماافضى الا في وقت مايناسب حتى لو مكالمه فصارت تبتعد عني واليوم كنا عند وحدة من الجارات وصارت جارتي تتكلم عن اللي يتكلفون لين قالت اللي يطنشني اطنشه وعادي اذا شفته كاني اشوف اي واحد عادي وانا فهمتها تقصدني وانا والله اني مازلت اعزها حيل وغاليه على قلبي لانها كانت مثل اختي وزود وابي علاقتنا ترجع زي اول ماابيها تعاملني برسميه زي اي وحده ثانيه ابيها زي اول فكرت اني اسوي سي دي في عرض تقديمي حلو عن العتاب والصداقه واهديها فماادري وش رايكم حلوة فكرتي او اذا عندكم فكرة افضل اتمنى تساعدوني (اللي خلاني مااعزمها من فترة اثاث بيتي دمران شوي وزوجي مو راضي يسوي لي شي لانه يبني وان مستحيه من شكل البيت مع اني اتعب فيه بس مايبين فيه وصعبه اقول لها ماعزمك علشان بيتي دمران بتزعل بتقول مابينا شي بس انا انحرج لان بيتها ماشاء الله نظيف ومرتب واثاثه مرتب )
هذي مشكلاتي اتمنى تساعدوني ولو وحدة لاني تعبت وصرت احس اني فشلت بحياتي وبتربيتي وبعلاقتي مع الناس

>>>>> ردود الأعضـــــــــــــــــــاء على الموضوع <<<<<
==================================


الله يعينك حبيبتي والله أنى حسه فيك الكن ماادرى وش أقولك هذا بعض النصائح يمكن تفيدك
*حولي تجذبين زوجك لك مثل إن تكوني في كامل زينتك في كل الوقت مع تغير في مظاهرك في كل مره إي مره البسه قصير ومره البسه طويل وتغير في رحت عطرك مثل عطور نكتار جداً جذابه
*ما ابنك ادعياه في كل صلاه وفي أخر الليل وفي جميع أوقات استجابة الدعاء وحولي تزرعي في قلبه الخوف من الله مثلا تقولي له حبيبي إنا أخاف يجئ يومك وأنت على هذا المنكر وحولي تتقربي منه بالكلم الجميل من غير عصبيه
*إما بنسبه لجارتك لا تقطعيه منها تكسبيه صديقه ومنها تغيري من جوا البيت وتعودي إلى البيت وانتى في نفسيه جيده
أتمنى أن أكون افتك الو بشي بسيط


__________________________________________________ __________

اختي الغالية الله يكون في عونج يارب

اول مشكله هي زوجج الله يهديه بس تصرفه جدا غلظ انتي حاولي تغيري شكلج واختاري ملابس يديده

وتكون كله تفوح منج العطور الحلوة وحاولي تتقربي منه وتكسبي حبه لج

اما عن ولدج افضل انج حاولي تنصحيه وتخوفيه من الله يعني سويله برنامج حفظيه القران مع التحفيز

خليه يحافظ على صلاته ويخروح المسجد غيري جو انتي ولدج اطلعوا الحديق وامشوا حاولي تشغلي وقته
عن النت لان ماوراءة غير دمااار البيوت

اما عن جارتج شكلهاا انسانه متفهمه انا افضل انج تكسبيهاا وتهديهاا الس دي لانه فكره حلوووه

وادعي الله يوفقج ويسهل امورج يارب

ربي يسعدج بحياتي ويزيح الهم اللى ف بالج

تقبلي مروري


__________________________________________________ __________

مشكورين بس من ناحية زوجي دايم البس جديد واغير واتعطر وطبعي احب التزين ودايما اغير من شكلي بين فترة وفترة وكل صديقاتي يمدحون كشختي واسلوبي واذا شبهوني على فنانه حلوة اقول له بس اشوف وش يقول يجاملونك اقول له ماحد مجبور يجاملني 000


__________________________________________________ __________

اختي دوري سبب نفوره خليه ينام معاااج في نفس المكاان

يعني اكيد فيه سبب مقنع يخليه يسوي كذا؟؟؟

او بصراحه فيه ازواج مايحبوا يصارحوا زوجاتهم بالجمالهم بخوفهم عن يشوفوا نفسهم عليهم

يعني هذي من وجهه نظري انا

لاتمي واقفه مكانج حاولي ادور بالاسباب وان شاء الله تتعدل الامور وتصير احسن

ربي يوفقج ويسعدج بحياتج


__________________________________________________ __________

زوجك : خذي فراشك وروحي معاه المجلس نامي اكيد رح ينحرج ويروح معاكي الغرفه

ابنك : راقبيييييه وشددي عليه لين يبطل هالحركات( ما عنده دراسة ..؟؟؟ اكيد وقت النت يكون محدد وتحت مراقبتك وهدديه لو يسوي هالحركات بتقطعين عنه النت واذا ما سمع الكلام فعلا عاقبيه واقطعي عنه
لين يعرف ان الله حق
جارتك روحي عندها واهديها حلوىا او اكله حلوة او هديه واعزميها عندك عادي ابوها المظاهر الكذابه ورجعي العلاقة _ تهادوا تحابوا

اتمنىا اني افدتك ,, ادعي لي