عنوان الموضوع : زوجي مايعرف لغة الحوار والتفاهم اللّة يخليكم شسووووووووووووي؟ -لصحتك
مقدم من طرف منتديات نساء الجزائر

زوجي مايعرف لغة الحوار والتفاهم اللّة يخليكم شسووووووووووووي؟



السلام عليكم
حبيت اشارككم بمشكلتي انا متئكدة كل من بيجوف مشكلتي بيقول انها بسيطة ومقدور عليها لكن الصراحة مشكلتي كبيرة وتعنبتني
اللّة يسلمكم زوجي مشكلتي
انا صار لي 10 سنين متزوجة ولي ثلاث ابناءوزوجي طيب ويحبني ومتفاهمين ومصلي وملتزم الحمداللّة بس المشكلة وين ؟
زوجي ماعندة اسلوب للحوار والمناقشة ابد
في خلال هالعشر سنوات اكثر الاوقات نتهاوش ونتزاعل لكن على امور بسيطة والمشكلة اذا زعل مستحيل ينازل نفسة ويجي يعتذر مني لو شنو يصير حتى لو كان الغلطان فما بالكم اذا كنت غلطانة
يعني ساعات نتهاوش على طلعة على شي تافة وخلص من بعد الهوشة مستحيل اجوفة مبتسم يبدا يكشر ويحقر لأبعد الحدود يعني لو ماجي اراضية عادي عندة بيتم اسبوع اسبوعين مو مشكلة عندة ان شاللّة شهر مو فارقة صحيح انا احيانا ابتدي المشكلة بس حتى لو اعتذر لة اول ماروح لة يرفض اقعد معة ويرفض يقول اي شي واقعد احن فوق راسة ساعة ساعتين بالغصب اللين يرضى وبعدين لما ارد اعاتبة واقول لة ليش تسوي كذا وتزعل من شي تافة يقول كنت معصب واذا معصب ماعرف شقول زين معصب يوم يومين مو اسبوعين بتم معصب ؟؟!!!
واكثر المرات لما يكون هو غلطان مثلن وازعل يقوم هو يزعل يعني ضربني وبكي وسبقني واشتكى ولما اسئلة ليش انت زعلان انت الغلطان مفروض انا ازعل مو انت يعني مايحق لي ازعل بس انت لك الحق انا ماعندي مشاعر يعني بالحالتين انا الغلطانة او هو الغلطان يسابقني للزعل
ومع انة الغلطان اعتذر واترجى منة بس مايرضى الا بعد مايبح صوتي
ودايما اقول لة اذا تهاوشنا في اي شي لازم نتفاهم تعرف شنو اسبابي وشنو اسبابك ونجوف المشكلة ويقول لي ان شاللة ولما تصير المشكلة ماجوفة يتفاهم ويتحاور بس يلتزم الصمت طول مدة الزعل اسبوعين ثلاثة عادي عندة
ونادر انة يعتذر مني وااذ اعتذر مني اذا كان غلطان يقول لي يلا خلاص ابتسمي بس انا اكشر ابي اورية اشلون الزعل اشمعنى هوة اذا زعل يقعد ساعتين على مايرضى وان يبين بدقيقة ارضى واذا مارضيت يقول بالطقاق



يعني انا استغرب اسلوبة هذا احنا نحب بعض بس اكرة اسلوبة احس فية غرور وتكبر ومايحب ينزل نفسة انا ماعندي مشكلة اعتذر حتى لو هو غلطان بس هو مستحيل وان صارت يمكن بالسنة مرة
بس بصراحة الحين تصرفة هذا كرهني فية يعني لما نكون عادي مع بعض ومافي مشكلة ماقدر اقرب منة او اروح صوبة اقول حق نفسي شالفايدة ابين لة الحب بس اذا صارت مشكلة بيحقرني وموفارقة ويقول وقتها انتي وانتي وانتي يطلع عيوبي كلها بس لما تنتهي المشكلة بعد ماعتذر لة خلص ماقدر ارجع لطبيعتي حتى اذا ناداني وقال لي تعالي نسولف مع بعض او كذا اقول لة مابي اسولف مو انت تقول اني حنانة وكثيرة كلام اذا تهاوشنا خلص مابي اعور راسك

انا من النوع اللي يحقد ماينسى
بس بصراحة تصرفة اناني كأنة مايصدق نزعل مع بعض ومايقبل اعتذاراتي الا بعد طلوع الروح شنو الحل ؟؟؟؟؟؟؟؟؟؟
بتقولين قولي لاهلج المشكلة هذي شكلها طبيعتة ونتهاوش على اشياء تافهة مو كبيرة عشان اقول لهم
بتقولين كلمية وانصحية هو من النوع اللي ماينفع معة الكلام والحوار في وقت المشكلة يلتزم الصمت بس من عقب مانتراضى يقول ان شاللة راح نتحاور في اي شي يسبب لنا مشكلة بس مافي فايدة ؟
تعبت نفسيتي من صوبة تغيرت حتى لو مافي مشكلة اتم افكر اشلون الحين تصرفة غير عن الايام اللي نتهاوش فيها واقول شلفايدة اسوي لة كذا وكذا وهو مايستاهل ويحقرني اذا تهاوشنا
يعني اذا يحبني مايقعد اسابيع زعلان كانة يبي الفكة مع انة في الايام العادية يكون طبيعي ويحبني
طولت عليكم بس شنو الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني مافي الا اني ارضى بنصيبي واسكت !!!!!

>>>>> ردود الأعضـــــــــــــــــــاء على الموضوع <<<<<
==================================


عـــــزيـــــــزتـــــــي,

أول شـــي: أعــرفــي الأشــيـاء اللــي تــزعـــل زوجــك وبــعــديــن حــاولــي تـتـجــنبـيـهــا,

واذا صــار بالــصدفــة مــوقــف يــزعــلـه عــلى طــول وضـّـحــي مــوقــفـك مــو تـنـتظرينــه

لــين تــصــكّـه أم الــعـبــيـد ثــم تــقـولــيـن لــيش مــايـتــفـاهــم مـعـي ....

ثــانــي شــي: اذا قـــام يــصـارخ ويــهـايــط لأي سـبـب مــن الأسـبــاب الــتـزمــي الـصـمت

ولاتــرديـن عـلــيـه واذا اضـطـريـتـي تـرديــن ردي بـهدوء لأن ( الجواب اللطيف يسكت الغضب)

مـثــل مــا يـقــولــون....

ثــالــث شي: زوجــك بــتعـيــشيــن مــعــه مــدى الـحيـاه انــشالله, والــحلــول اللــي ســبــق وقلـتـها

انـشالله بـتـفيـدك, بــس لازم تـجـلـسـين مــعه وتـقـولــين لـــه بــكل هــدوء وأدب ان هـــذا الــوضع

مــوعــاجــبــك ولازم يــكـون بـيـنا اتــفاق مــن الــيوم ورايــح, يـعـنـي اللـي يــزعــل مــنا ويــعـصـب

عــلى الثـانــي يــروح ويـخــليــه الــين يــهدا وبــعديـن كــل واحــد يـبـرر مــوقــفــه بــهــدوء,

اذا أعــجــبه هالــحــل أوكـــيـه واذا مــاأعـــجــبــه قــولــي لــه وش الــحـل اللـي يـبـغاه؟ ونــاقـشــيـه

فــيــه ومــن هــنـا تــكونــيــن فـتـحــتــي باب الــحوار مــعاه وخــلـيـتــيــه يـنـاقــش!


عــاد البـاقــي عـــليـك انــتــي وشــطـارتـــك وانــشـالله أكــون فــدتــك بــاللــي أقــدر عــلــيـه.

بالتوفيق...


__________________________________________________ __________

المشاركة الأصلية كتبت بواسطة ~مسايا~
عـــــزيـــــــزتـــــــي,

أول شـــي: أعــرفــي الأشــيـاء اللــي تــزعـــل زوجــك وبــعــديــن حــاولــي تـتـجــنبـيـهــا,

...

المشكلة هو اللي يزعلني اكثر شي انا ماقول اني مازعلة بس هو اكثر شي يزعل على اشياء تافهة مو المفروض هو بعد يتجنب الشي اللي يزعلني ؟؟؟؟ يعني عادي ازعل مالي اي احترام انا ياما اتجنب ازعلة بس هو مايهمة اذا زعلت او لا واذا كان هو سبب المشكلة يعاتبني ويقول ليش زعلانة ؟ليش انا ماعندي مشاعر مالي حق اعبر عن نفسي وعن رايي
يعني اذا كان غلطان مايبين ازعل بس اذا انا غلطت علية يزعل ونص تعبت واللّة


__________________________________________________ __________

المشاركة الأصلية كتبت بواسطة ~مسايا~

واذا صــار بالــصدفــة مــوقــف يــزعــلـه عــلى طــول وضـّـحــي مــوقــفـك مــو تـنـتظرينــه

لــين تــصــكّـه أم الــعـبــيـد ثــم تــقـولــيـن لــيش مــايـتــفـاهــم مـعـي ....
.


المشكلة يشوف نفسة صح وانا لا اذا وضحت لة وجهة نظري على قولتة اذا عصب مايقدر يتفاهم
وحتى لو انتظرتة وعقب تفامت معة ورضى نفس اليوم مايرضى الا بعد حنة وترجي تخيلي اقعد ساعة او ساعتين عشان يعطيني وجة
بس الحين في الفترة الاخيرة صرت اتجاهلة اقول خلية يولي لمتى بترجاة يرضى علي سوى انا كنت غلطانة او هو غلطان وكل مرة اقول لة اذا صارت بينا مشكلة خلينا نتفاهم نفس الوقت
احس اني ذليت نفسي من كثر ما اترجى


__________________________________________________ __________

المشاركة الأصلية كتبت بواسطة ~مسايا~

ثــانــي شــي: اذا قـــام يــصـارخ ويــهـايــط لأي سـبـب مــن الأسـبــاب الــتـزمــي الـصـمت

ولاتــرديـن عـلــيـه واذا اضـطـريـتـي تـرديــن ردي بـهدوء لأن ( الجواب اللطيف يسكت الغضب)

..


انا معك في هالشي بافعل انا اسوي مثل ماقلتي اذا انا غلطانة ولما اقول لة بس خلاص انا اسفة حتى لو ماكنت غلطانة حصل خير يقعد يقول لي كلمة اسفة وين اصرفها؟!!!!!!!يقول لي


__________________________________________________ __________

المشاركة الأصلية كتبت بواسطة ~مسايا~

ثــالــث شي: زوجــك بــتعـيــشيــن مــعــه مــدى الـحيـاه انــشالله, والــحلــول اللــي ســبــق وقلـتـها

انـشالله بـتـفيـدك, بــس لازم تـجـلـسـين مــعه وتـقـولــين لـــه بــكل هــدوء وأدب ان هـــذا الــوضع

مــوعــاجــبــك ولازم يــكـون بـيـنا اتــفاق مــن الــيوم ورايــح, يـعـنـي اللـي يــزعــل مــنا ويــعـصـب

عــلى الثـانــي يــروح ويـخــليــه الــين يــهدا وبــعديـن كــل واحــد يـبـرر مــوقــفــه بــهــدوء,

اذا أعــجــبه هالــحــل أوكـــيـه واذا مــاأعـــجــبــه قــولــي لــه وش الــحـل اللـي يـبـغاه؟ ونــاقـشــيـه

فــيــه ومــن هــنـا تــكونــيــن فـتـحــتــي باب الــحوار مــعاه وخــلـيـتــيــه يـنـاقــش!


عــاد البـاقــي عـــليـك انــتــي وشــطـارتـــك وانــشـالله أكــون فــدتــك بــاللــي أقــدر عــلــيـه.

بالتوفيق...


واللّة العظيم دايما اقول لة في اي وقت تصير لنا مشكلة لازم نتفاهم ونتكلم ونشوف من الغلطان انا اعرف غلطي وانت تعرف غلطك يقول لي ان شاللّة يصير خير اوعدك ماعصب ونتحاور بهدوء
لكن من تصير المشكلة ينسى هالكلام وينسى وعدة ان احنا نتفاهم ونتكلم بهدؤ


خلاص تعودت اي مشكلة تصير حتى لو الغلط منة اعتذر لة نفس اليوم بس مايرضى بسرعة بس بالنهاية يرضى وانا اقول لة خلينا نتفاهم الحين احسن الحين ولا عقب اسبوعين مردنا بنرجع مثل قبل ليش نضيع هالايام ع الفاضي ويقعد يقول لي مين قالج برضى ومن هالكلام بس بعدين يرضى جفتي اشلون يعني لو ماحنيت على راسة وترجيتة ماكان كلمني نفس اليوم يحسسني ان انا غلطانة مع انة اكثر شي هو سبب المشاكل
والمشكلة ان المشاكل تافهه يعني ماتخطر ع البال انة نتهاوش عليها
انا ماعندي مشكلة اعتذر واحب على راسة حتى لو كان غلطان بس اللي يقهرني اني لازم اترجى واترجى ياللة بس خلاص ياللة حصل خير ومن هالكلام
بس هو من يغلط علي اسكت عنة وازعل ويراضيني وارضى بسرعة مو مثلة واحاول ابين لة هالشي لعل وعسى يقدر بس اللي فات مات مايتذكر الشي الزين بس يذكر الشين