عنوان الموضوع : كيف املي عينه وما يشوف غيري -تم الاجابة
مقدم من طرف منتديات نساء الجزائر

كيف املي عينه وما يشوف غيري



السلام عليكم..

كيفكم بنات ؟؟

موضوعي اللي اريد استشيركم فيه اتمنى كل احد يدخل يكون عنده حل واللي ما عنده يدعيلي ..

ابدأ الموضوع من البدايه عشان تفهمون من انا وتقدرون تساعدوني

انا فتاه عمري 21 سنه ادرس طب سنه رابعه والحمدلله , خليجيه , مستوى اسرتي المادي حلو , هذي تقريبا اهم الاشياء عني

صديقتي المقربه جدا تعرفت عليها في الكليه بنت اخلاقها عاليه وشخصيتها حلوه ومرحه مستوى عائلتها المادي ممتاز جدا, وصرت ازورها وتزورني وامهاتنا تعرفوا على بعض وكذا صارت علاقتنا حلوه ,, بس حياة عائلتها مختلفه تماما عن عائلتي انا , عائلتهم فررري كثير وماشاء الله البنات دلع وكشخه وكل شي حلو , وانا ما اقل عنهم ف الشي هذا بس عائلتي محافظه يعني مثال ما البس جينز وتي شيرت في البيت او لبس قصير وانا بالنسبة لي عادي الشي هذا ..

كنت مره رايحة عندها البيت ازورها وبالصدفه شفت اخوها وشافني ثواني معدوده كأي لحظه عابره وعادي ما خليت ببالي شي,, اللي ما توقعته انه تقدم لخطبتي بعدها بفتره . وافقت طبعا بعد السؤال عنه ومدح اهلي فيهم .. والحمدلله تملكنا من خمس شهور ,

المشكلة:: انا شفت بنات عائلتهم كيف يلبسون يعني عادي عندهم يلبسون جينز او تنوره قصيره وبوت ويطلعون امام شباب عائلتهم كذا وانا ما اقدر البس كذا حتى لما اهو يزورني لان طبيعة عائلتنا كذا صرت احسه يقارن ويلمح لي ليش ما البس كذا مثلهم استحيت اقول له ان اهلي ما يرضون وانا والله اكشخ بملابسي كثير من الفساتين الناعمه الطويلة للتنانير والبلوزات , بس اهو يبي جينز هذا اللي فهمته من تلميحاته..
اغار كثير لانه يشوف بنات عائله يلبسون كذا وانا ما اقدر البس كذا عنده

بتقولوا انتظري للزواج وبتلبسين له اقولكم الزواج محدد بعد سنه ونص من الان يعني مشوار طويل وهو بيتملل

وش اسوي كيف اقدر اصارحه اني ما اقدر البس كذا الحين او اصرف نظره عن الموضوع هذا ابيه ما يقارن بينهم وبيني مع انه انا احلى منهم والكل يقول حتى اخته بس اهو يبي دلع باللبس من الحين ابي املي عينه واخليه ما يشوف غيري وما نقدر نقدم موعد الزواج

>>>>> ردود الأعضـــــــــــــــــــاء على الموضوع <<<<<
==================================


شي طبيعي ان لكل بيت بيئته الخاصه وعاداته
وهو متعود يشوف اهله بشكل ويشوفك انتي بشكل الي تربيتي عليه
بس انتي مادمتي بفترة خطوبة خليك على عادات اهلك وتربيتهم واذا زارك بالبيت اكشخي له بس مو لبس مره اوفر قصير وضيق وكذا لا حبيبتي خليك رزينه وصدقيني بتملين عينه وتكبرين لانك احترمتي وقدرتي تربية اهلك قبل كل شي..ويمكن يلمح لك يبي يختبرك يشوف انتي من النوع الي ينجرف بالكلام
فترة الخطوبه حساسه جداً خليك نبيهه...

بعد ماتتزوجون باذن الله اكشخي له والبسي الي يعجبه بس نصيحتي لك خلي زينتك ومفاتنك لزوجك فقط واذا سئل ليش ماتلبسين جينز ولاقصير برا للناس خلي ردك له زينتي ومفاتني لك وحدك وصدقيني ماراح يشوف غيرك

تقبلي مروري


__________________________________________________ __________

حبيبتي سهلة خبريه بالصراحة ليش تنحرجي عااااادي قوليلة كل شي على التحفظ وعلى طبيعتج تعودتي على هالشي لان كبرتي عليه

قوليلة لمن اتزوج اشوفك شي ماشفتة بحياتك وان شاء الله واوعديه انه تكشخين و و و من ذي السوالف

وصبري وان شاء الله تنحل مشكلتج حبيبتي

بالمناسبة الف مبروووووووووك الملكة وتتهني ان شاء الله


__________________________________________________ __________

لا اله الا الله الف مبروك والله يتمملك على خير صارحيه والله يسهل الله يجعلك انت الملاك بعيونه


__________________________________________________ __________

افضل شي تقولي له الصراحه
مو حلو يكتشف بنفسه
اتمنى لك اتوفيق


__________________________________________________ __________

الف مبروووووووووك الملكة وتتهني ان شاء الله