عنوان الموضوع : احترت بين زوجي و اخته
مقدم من طرف منتديات نساء الجزائر

احترت بين زوجي و اخته



اخت زوجي كانت انسانه ضايعه تكلم شباب على الانترنت و الجوال تحب كم واحد ومسويه حسابات فيس بوك كثيره على كل حساب حبيب من دخلت عليهم الحمدلله تغيرت خفت حركاتها حذفت كل حساباتها وخلت حساب واحد لصديقتها ضايفتني عليه عمقت علاقتها معي كثير و تكلمت عن اسرار تخصها معي وحاولت جاهده ابعدها عن هالامور والحمدلله قدرت ما ادري كيف اهل زوجي كانو مضيعين هالبنت هم كلهم مثقفين متعلمين دكاتره في جامعات يعطون محاضرات في التعامل ومخلين بنتهم كذا حتى زوجي ما احسه يحبها ما يواطنها صارت بينهم مشكله سببها كان تافه جدا الحق كان على زوجي استفزها وغلطت عليه قالها تعتذر له ورفضت لان الحق معها مو معه وقالي مالك كلام معها ولا علاقه فيه هذه بنت ما تستحي مابي تكون لك علاقه فيها حز في خاطري صراحه وقلت له وش ذنبي ما احب هالاسلوب انت تمشكلت مع اختك ليه تبي دخلني بينكم ما اقدر اقطع علاقتي فيها قالي مالك كلام معها و ان دريت انك تكلمت معها ما تلومين الا نفسك دقت علي تسالني عن اخوها وعلمتها تضايقت وحسيتها انجرحت كل ما رحنا على اهله بس اسلم عليها ما اكلمها لي فوق الشهر ما اكلمها و زوجي مو راضي يخليني اتواصل معها كانها مو اخته ابوه وامه يحاولون يسون صلح بينهم مافي امل زوجي معند كلمته بالموضوع قلت خلاص السالفه لها شهر وانت الي بديت واستفزيتها عصب نفخ علي طلعت من الغرفه حنا في بيت اهله جلست في الصاله لين الساعه ثلاث الفجر نزل يبني اطلع مارضيت بعدين رجعت على الغرفه ومريت من غرفة اخته كنت بكلمها سمعتها تكلم واحد حسيت بندم شديد اني سمعت كلام زوجي وقعطت علاقتي فيها واكتفيت بالسلام كل الي سويته معها بالاشهر الماضيه راح بعد ما تغيرت البنت رجعت مثل ما كانت و السبب مافيه احد كان يكلمها ويحس فيها غيري ما بغيت يستمر الشك فيني وانتظرت لليوم الثاني وكنت قاعده انتظر اي فرصه عشان تروح مكان واخذ جوالها اتاكد وقدرت اخذه وهي ماتدري وشفت رقمين بدون اسم وشفت السجل تكلم الرقمين لها ثلاثة ايام ما لحقت اشوف الرسائل خذيت الارقام واتصلت عليهم من هاتف العمل كانو شباب متضايقه حييييييييل من الموضوع زوجي رافض يكلمها ويخليني اكلمها وخايفه عليها تضيع احترت بينهم

>>>>> ردود الأعضـــــــــــــــــــاء على الموضوع <<<<<
==================================


الله يستر عليها و إنتي الله راح يجازيكي على طيبتك و بالنسبة لزوجك الهمجي أنا ما أقول غير حسبي الله عليه


__________________________________________________ __________

ياختي ما حطيت موضوع عشان تسبين زوجي حطيته اشوف حل قولي خير او لا تدخلين الكلام مردود


__________________________________________________ __________

مافي حل غير انك تدعيلها ربي يهديها
صعبه ايش تسوي لو كلمتيها بتزيد مشاكلك مع زوجك
وهما اخوان مصيرهم بيتصالحوا


__________________________________________________ __________

الله يصلح مابينهم يارب ويهديها ويستر عليها وجزاك الله خير انتي الله يعطيكي على قد نيتك


__________________________________________________ __________

ي قلبي عليك وربي حبيت طيبتككك ليت كل حريم الاخوان مثلككك ~_~
امممممم دخلي اإمه او ابوه بالسالفه عشاإن يرجع يكلم اخته وترجع علاقتهم نفس ماكانت
وانتي تقدرين تكلمين اخته وتسنعينها وتبعدينها عن طريقها الي هي فيه
والله يوفقك ويعطيك ع قد نيتكك ^_^