عنوان الموضوع : ظلم حماتى ليا ربنا هو المطلع مجابة
مقدم من طرف منتديات نساء الجزائر

ظلم حماتى ليا ربنا هو المطلع



السلام عليكم
اولا دى مش شكوى دى فضفضة لانى ماليش غيركم بعد الله سبحانه وتعالى
انا متجوزة من 3سنين وعندى بنت عمرها سنة مشكلتى مع حماتى ابتدت من وانا مخطوبة انا اتخطبت 6شهور خطوبة تقليدية جدا لكن هو انسان متفاهم وملتزم وطموح الحمد لله قدر
يحتوينى ويعيشنى كل المشاعر الحلوة اللى اى بنت تتمناها مع شريك حياتها المهم حماتى جت فى الخطوبة وقعدت تتشرط علينا عايزة غسالة اتوماتيك وعايزة مطبخ الموتالوعايزة كذا وكذا واحنا ناس على قد حالنا وبعدين ماشترطناش عليهم اى شرط الدهب زى ماجبوه والعفش وكل حاجة حتى لون الشقة ماخترتوش فقبل شهر من الزواج حصلت المشاكل دى وخطيبى ماكنش يعرف ان والدته بتيجى تشرط علينا المهم انا كنت اتعلقت بيه وحبيته بس ماقدرتش اجى على كرمتى اكتر من كدافقلت لاهلى اننا لازم نفسخ الخطوبة وقتها خطيبى لما عرف اللى حصل وقف لاهله وقالهم انه شارينى ومش هيسبنى لاى سسب غير لو انا مش عايزاه وقدر يصلح اهله على اهلى بذكاء ومن غير مايزعل حد وحماتى جت البيت وصالحتنى وتم الزواج
ماهنتنيش كانها كانت بتنتقم منىكنت اخلص شغل بيتى وانزلها شقتها تطلع عينى فى شغل البيت مع العلم ان كان عندها بنتين واحدة فى الكلية وواحدة فى الثانوى كانت تقعدهم وانا اشتغل لدرجة كانت تخلينى اغسلهم هدوم خروجهم واكويها
وكنت صابرة لانى عايزة اعيش واريح اهلى من همىلكن كل انسان وله طاقة فانا الصراحة اشتكيت لزوجى لانى جه وقت ماكنتش قادرة اتجاوب معاه فى العلاقة الخاصة من وجع ضهرى فى شغل الشقتين كل يوم
فاهو والله انسان عاقل الاول اتكلم معاها وقالها يامى شغل البيت هى ممكن تساعدكو فية لكن الكل يشتغل ماينفعش اخواتى يقعدو وهى تشتغل قالتله ماشي ياحبيبى وتانى يوم الحال هو الحال لغاية مامنعنى من النزول خالص قالهم اخدمو نفسكو زى ماكنتم قبل ماهى تيجى انا مش جايب شغاله دى مراتىو تخدمنى انا بس
كل دا كان عدى سنة زواج ماكنتش حملت وفى يوم لقيتها بتخبط عليا بتقولى انا جاية اشرب معاكى الشاى الصراحة فرحت انها رضيت عنى وقلتلها احلى كوباية شاى وعملتلها شاى اتاريها جاية تعايرنى بعدم الخلفة كانى عدى على 10سنين زواج
وكالعادة كتمت فى نفسي مرة ومرتين ولما زودتها طلبت من زوجى انى اروح اكشف وهو كمان يعمل تحليل فى البداية قالى لا احنا ليه مستعجلين الحاجات دى بتاعة ربناولسه ربنا ماردشومع الحاح منى وافق علشان يرضينىوطلع الحمد لله احنا الاتنين كويسين وبعد 4 شهور حملت ودلوقتى معاي بنوتة جميلة ربنا يباركلى فيه ويخليلى زوجى
واستقريت بحياتى عنهم خالص وبيكلمونى عادى لكن انا عمرى نفسي ماهتصفى للست دى
وهى عارفة كدا لانها جرحتنى كتير دا اختصار حياتى الزوجية اللى احلى مافيها حبيبى وزوجى وابو بنتى واحن انسان على في الوجود

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممممممم *.*
دام تحبي ريلج ويحبج لازم تتحملي امه
ومهما يكون ومهما سوت هي بمقام امج عامليها مثل ما تحبي انه ريلج يعامل أمج
وحاولي تصفي نفسج وتشيلي الكره او الغل اللي في داخلج ناحيتها
موفقة

استغفر الله العظيم الذي لا إله إلا هو الحي القيوم و اتوب اليه


__________________________________________________ __________

حبيبتي صفي نيتك وحاولي تنسي اللي صار
الحمدلله انتي الحين سعيده مع زوجك وبنوتتك
لاتخلي شيء يكدر حياتك

اذ للحين حماتك تذيك حاولي تقللي زياراتك
وتكوني رسميه بس لاتقطعيها وماتزوريها

وخذي بالمثل اللي يقول من أجل عين تكرم مدينه
ربي يسعدك ويحنن قلب حماتك
مووووفقه


__________________________________________________ __________

ياعزيزتي أنسي كل اللي صار وافتحي صفحة جديده مهما كان هذه ام زوجك بمكان امك
هذا اللي اقدر أقوله وربي يوفقك


__________________________________________________ __________

الله يخليه لك


__________________________________________________ __________

الله يفرج لك