عنوان الموضوع : اختي الصغيرة والحل واياها ؟؟؟؟؟ -لصحتك
مقدم من طرف منتديات نساء الجزائر

اختي الصغيرة والحل واياها ؟؟؟؟؟



مساء/ صباح الورد كيفك احوالكم

بنات انا عمري 19 سنة باولى جامعة عندي اختي الصغيرة عمرها 11 سنة تعرفون كيف

كرهتني بنفسي كل شوي ناشبة فيني تقلدني باي شي اسويه تفتح كبت ملابسي وتطلعها

وتلبسهم كعبي ومكياجي تستخدمهم حتى ملابسي الداخلية تستخدمها و تقول ابي مثلهم

واهي بعدها صغيرة على هالسوالف حتى ماتنام الا بحضني طفشت مننها المشكلة ماتروح عند

ماما تروح لي انا ودايم تقعد عندي بغرفتي واذا صرخت عليها تقول ليه ماتحبيني انا

اختج حرام عليج واتصيح

آآآآ طفشتني وربيي ايش اسوي معاها انا مو فاضية لها عندي دراسة واحب اقعد بغرفتي

ادرس عشان هدوء وهي كل شوي ناطة لي تلملم فيني وتبوسني واذا قعدت بالصالة تقعد يمي

وتلمس شعري أحيانا اكون قاعدة اتفرج على مسلسل تركي او فيلم واهي معاي تتحمس معاهم

وتقول يابختهم يحبون بعض وتموت على قصص الحب والرومانسية

واذا بغيت انام اتييب مخدتها عندي وتنام بحضني والله كل ليلة وانا ماارتاح بسريري وتقعد تسولف عن مدرساتها وايش صارلها بالمدرسة لما اصدع وانام انا

على فكرة مافيه بنات الا انا واياها بالبيت وباجي اخواني اولاد وماما موظفة وما توصل البيت الا متأخر انا ماابي اعطيها ويه زيادة ع اللزوم لو انها بنتي ماسويت لها جذي


قولي لي اختي طبيعية او لا ؟؟ علمووني كيف اخليها تبعد عني شوي و تنشغل بنفسها ؟

انا ما اكرهها بالعكس اهي اختي الوحيدة لاكن اسلوبها طفشني وتصرفاتها تصرفات يهال

قولي لي الله يخليكم كيف اتصرف واياها انا ماابي اجرحها خاصة انو ماما الله يسامحها بعيدة عني وعنها

>>>>> ردود الأعضـــــــــــــــــــاء على الموضوع <<<<<
==================================


متعلقة بيكى عشان امها مش موجودة معاها دايما هى محاتجه حنان وحب خليكى كويسة معاها وقوليلها روحى دلوقتى عشان بذاكر ولما اخلص ابقى تعالى ولما تيجى وتنام عندك قوليلها ماتتكلميش عشان تعبانة وعايزة انام


__________________________________________________ __________

ياخيتي اختك ذي لازم تشترين لها شي يلهيها مثلا العاب او حطي لها قنوات كرتون. وبعدين لازم حنان هي بعيدة عن امها وماعندها حد تمون عليه الأنتي حرام عليك والا حطي لهاالعاب بالاب توب وانتي ذاكري وقولي لمك تعطيكم وجة


__________________________________________________ __________

فاقده حنان ياقلبي وجالسه تدور عليه عندك
لان امك مشغوله ولاهي بالوظيفه وماعندها الا انتي تحس معاها بهالعاطفه المفقوده
انتبهي لها من المسلسلات التركيه ترها مرض وانحراف
واذا شفتيها كذا غيري القناه وشوهي صورتهم وحذريها قوليلها هذول
ما يخافون الله ومن هالكلام حتى تتركهم وتصحى من الخيال
حاولي انك تشغليها بأي شي تعمل حلا او تنظف غرفتها او تشترك بدورة انجليزي
المهم يتقسم وقتها في اشياء متنوعه
بس انتي لا تصديها مره وحده حتى البنت ماتروح تدور عليه برا
او تتعرف على بنات منحرفات
وراقبيها وشوفيها ليكون تعرفت على صديقات جدد منحرفات
او سامعه منهم قصص حب وهالشغلات
انتبهي لها




__________________________________________________ __________

انتي قلتيها انتي اختها الوحيده عشان كذا متعلقه فيك
لو لها اخت اصغر او اكبر ممكن تلهى معهم
بعدين مدري ليش احس انك قاسيه معها مو معطيتها حنان
طيب خلي امك اخوانك ابوك يسوولفون معها انتي سولفي معها بعد
مو معقوله 24 ساعه دراسه سولفي معها عن دراستها شي اشترو لها العاب ايبود
عموما اذا ماتبينها تكون دايم معك عطيها الجهاز تدخل العاب تلعب بعيد عنك


__________________________________________________ __________

لآ حراااام يأأختي خليها وش فيها يعني بالعكس


والله اذا بعدت عنك رح تتحسري ورح تقولي ياريت لو أختي تجلس عندي وياريت


لو نسولف مع بعض وياريت تحكيلي الي بقلبها أو و و و

عآمليها زين واذا ازعجتك شوي من تصرفاتها نبهيها وأنصحيها او اشغليها بأي شي

فرق السن بينك وبين أختك نفس فرق السن بيني وبين أختي

بس نحنا شوي أصغر منكم هههههههه

الله يخليكم لبعض يارررب


بس بصراحه وانا اول مابديت اقرأ مشكلتك أختي نايمه بجنبي ومدمرتني


قلت معقول يعني بعد سنتين ولا ثلاثه أصير بعمرك وأختي تنشبلي هالنشبه ههههههههههههههه

الله يعييييين


والله يحفظكم يارب ويسعدكم