مسا الخير....كيفكم
بتمنى انكم تنزلو مشكلتي....مخنوقه وحابه افضفض
والله مو عارفه من وين ابلش
بس انا حالة الاكتئاب عندي زادت وما حد حاسس فيني
ممكن تشوفو الشي ما بستاهل بس والله مقهوره....
انا عمري 21 سنه ولسه بدرس بالجامعه وان شاء الله هاي اخر سنه
القصه انو من يوم ما دخلت هالجامعه وانا مش مرتاحه لا نفسيا ولا جسديا ولا دراسيا..راح
احكي كل شي لحاله:
1-والله كنت من الاوائل دايما بس دخلتها صارت علاماتي بالنازل وباخر فصل حملت مادتين وما الي عين احكي لاهلي
2-وزني كان ماشي حاله بس كنت بعاني من زياده في الوزن بالافخاد والساقين بس هلأ نحافه مو طبيعيه ايدي والله متل ايدين اللعبه بخوفو
انا من الاساس عضمة ايدي صغيره فكيف مع النحافه والله زي يلي عمرها 10 حتى يلي بهالعمر ايديهم املى مني!!وهاد غير صدري صغيييييييير صاير ممسوح...صحيح كان صغير بس عالاقل بارز كنت انثى والله كرهت اشي اسمه نحافه .....انا طولي 168 ووزني 49 كيلو
....ما في تناسق الاجرين ماشي حالهم فيهم لحم اما القسم الفوقاني ما الو علاقه كتييييير نحيييييييييييييف
3-الخطوط البيضا معبيه جسمي وعدا عن انو مترهل...بحكي لماما بدي اسجل بجيم بتصير تضحك علي وتقولي هوه في شي فيكي تنحفيه
والله احباط!!
ولما احكيلها عن الخطوط البيضا بتحكي عادي هاي انا في عندي بعد ما حملت والله اكتئابي زاد بعد هالحكي
.....مين راح يقبل فيني بهالشكل
4-شعري....كان رمز جمال واضح فيني ....هلأ تساقط اكتر من 3 ارباعه وصار مقصف وباهت بعد ما كان فيه لمعه...والمشكله انو بتساقط بالخصل حاسه كمان كم اسبوع راح اصلع
5-دايما بحس بخمول ونعس رهيب بنام كتييييييير ما بثبت كم ساعه عبعضهم وانا صاحيه!!!....والمشكله انا ما بدي انام دايما احلامي مزعجة عن العناكب السودا والكبيره وعن العقارب والحيايى والفيران تعبت نفسيتي حتى بالنوم ما بتهنى
6-غزاره بشعر الجسم اشي بفشل وانا بيضه والشعره بتكون سودا...لدرجة فيه على بطني وصدري وضهري...(بس وجهي الحمد لله لأ)....صحيح انو ناعم بس الشعرا سودا وواضح
....بس قلت لامي بدي ليزر قالت لأ ما في داعي كلو اضرار وبكره مع الحمل والولاده بتساقط!!وصارت تحكي في كتير متلك بس مستحيل اصلا هيه مو شايفه البلاوي بستحي افرجيها...يعني حاساها ماخده الامور ببساطه ومش فاهماني والله لو تزوجت وشافي ليغمى عليه ويحس حاله قاعد مع اخوه
....سألت عن الليزر عنا اكتشفت انو كتييير غالي مستحيل اقدر اعمله!!طيب والحل؟!
7-الي زادها علي هالايام اني حسيت بكتله بصدري بس رحت فحصت طلع عندي كيس دهني برضه بده عمليه
والله حاسه حالي خربانه واي حد بتقدملي برفض على طول...
واهلي عتبانين علي لانو كل يلي اتقدمولي شباب ما بيرتفضوا...من كل النواحي
اخلاق ودين وعلم ومال...حتى امي زعلت مني .....طيب مين بوافق على وحده متلي عندها كل هالمشاكل....لو بدي اعالجهم ما بخلص
وطلع عندي فقر دم مع اني باكل مش عارفه من وين اجاني فقر الدم !!
انا فعلا مكتئبه بشكل رهيب حتى ببكي لما اكون لحالي بدون سبب بطل عندي ثقة بنفسي وصرت اكره حالي واكره جسمي ما بحب اتطلع عليه...دايما لبسي طويل وواسع حتى بعز الصيف بلبس كم واحيانا بلوزتين مشان ما ابين نحافة ايدي وخصري
....واهلي ما بساعدوني بضلو يحكو لو اني شب ما بقبل فيكي وبضلو يضحكو على ايدي حتى اختي الصغيره ما سلمت منها ولا خالتي عملتلي احباط رهيب كل ما تشوفني بتحكيلي بشعانه وبتخوفي وبتحكي لو اني شب ما بتطلع عليكي
عفكره يا بنات انا شكلا (غير الجسم!!)الحمد لله ربنا اعطاني جمال بالوجه هاد يلي بخلي العرسان ترجع وتصر بس يا حسره ياما تحت السواهي دواهي
...بس انا برفض وقررت ما اتزوج بعمري
يا ترى معي حق بيلي بعملو....معقول ربنا يعاقبي لاني قررت اقعد بالبيت؟!
في كمان كم مشكله ما ذكرتهم بتصور كل هالمشاكل بتكفي وبتوفي
والله محبطه ودايما نفسيتي تعبانه التفكير دابحني
حاسه باكتئاب فظيع ومو حاطه ببالي اتزوج طول عمري
حبيبتي كل المشاكل الي ذكرتيها موجودة ازا مو كلها نصها فينا بأي بنت بس حرام تعملي هيك انسي كل شي بكفي انو عقلك حلو والزواج نعمة
رد مع اقتباس
