عنوان الموضوع : متضايقه لاني تركت صديقتي الطبيب يجيب
مقدم من طرف منتديات نساء الجزائر

متضايقه لاني تركت صديقتي



السلام عليكم ورحمة الله سيداتي ..
انا متعوده اني اتعرف على بنات ويصيرو صديقاتي وبعد فتره يتركوني وازعل شوي بعدين اسحب عليها
بس هالمره اول مره اسحب على وحده .. ماحب اسوي كذا ولا احب ازعل او اجرح احد
بحكي لكم ليه ..انا تعرفت عليها اول مادخلت الجامعه وماكنت احبها ولا اطيقها وهي متعلقه فيني مره وتهتم فيني ..وانا صرت عادي اجلس معها واسولف
وكثير نتضارب ونرجع نتصالح وبعدين بعد سنه عرفت انه مذهبها غير (بليز بنات لحد يتكلم بالدين والمذاهب بس قلت عشان اوضح لكم )يعني بالجامعه اقول تعالي نصلي الظهر تقول بصلي بالبيت ولامره قد صلت معنا وتنمص حواجبها عادي تقول بس امشي على كلام القران وكلام الرسول لا لان اغلب الاحاديث ضعيفه ومحرفه ومواقف كثيييييييره واذا نصحتها قالت اسكتي وتعصب علي .. صديقاتي قالو عادي خليك معها لو تكون اللي تكون يمكن تتأثر فيك ..قلت خلاص بجلس معها واحاول انها هي ماتأثر علي..
بعد سنتين.. احس اني ماقدر استحمل اذا جلست معها اختنق ماقدر اتنفس لانها بس متعلقه فيني ومرات تجلس بحضني وتجلس ماسكه يدي ..انا ماحب حركات البنات هذي والا تبوسني برقبتي
وتقول لاتسلمي على صديقاتك اغار ..اش ذا مرات احس انها زوجي
وتعاتبني كثير انتي ليش سويتي لي كذا ذيك المره وتحاسبني على اشياء قديمه وانا اكره احد يعاتبني ..
اللي قاهرني يابنات اني مامسك لساني انا غبييييه غبييييه صديقاتي يوم سألوني ليش ماتسلمي عليها علمتهم مفروض اسكت
والحين بالجامعه دايم اشوفها بوجهي ..صرت ما اجلس بالاماكن اللي هي تجلس فيها واكرهها حتى صديقاتي يقولو تعالي اجلسي معنا اقول لا بطلع الكلاس ..صرت اتهرب عشان ماشوفها
والحين ترسل لي رسايل على جوالي ومدري شسوي وحتى كانت تناديني كثير بيتها ويصير شي مايخليني اروح .. مدري صراحه ليتني ماتعرفت عليها هالانسانه قلبت لي حياتي
حتى الحين صديقاتي احسهم مو مثل اول بدو يتجاهلوني ..كأن البنت جالسه تدعي علي
حياتي صارت نكد وماحب اكلم احد ونفسيه واحس مثل ماسويت فيها بيصير فيني ويجي احد يتركني
والله اني مدري شسوي بس خلاص اصلا مارح نتصالح لاني قلت لها كلام جرحها ..متضايقه يابنات ماحب اجرح او ازعل احد واحس اني نفسيه اذا سويت هالاشياء
واختي اذا علمتها تقول والله انك نفسيه لان هم يحسون ان البنت اللي تخاوي فله وتروح دي جيهات وحفلات واللي تعرف بويه ومدري ايش .. مدري احس اني كئيبه ومعقده وماعرف اتفاهم مع احد
لو كانت تحبني عادي كان اهون يعني حب اخوي مثل صديقاتي العاديات يارب تكونو فهمتوني مدري كيف اوضح لكم

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________

رفـــــع..أستغفر الله وأتوب إلـــيه


__________________________________________________ __________

حبيبتي اتنمنا تسمعين الكلام الي بقوله اكيد شهرشهرين وتسحبين علي امها مثل الي قبلها فلها وربك يحيلها


__________________________________________________ __________

خلاص ان شا الله خيره لك ولها
وماعليك من اختك ولا البنات الفله


__________________________________________________ __________

الحين انتي تأكدتي انها بويا وتبا علاقه مو طبيعيه

مو مثل باقي الصديقات يعني

اول شيء شيلي كل البنات من راسك

لان أنتي رايحه لدراسه مو لعمل صداقات

بكره لو تلصق فيك مواد وما تخلصينهن شو راح ينفعن صديقاتك

اما الي مذهبها ثاني ماعليك منها كلن بمذهبه مالنا خص بس انها تبوس

بطريقه شينه هذي يبالها ردع من اول غلطه

ليش تقول انها تغار عليك

من وقتها كان صديتيها وقطعتي علاقتك فيها

بدون اي شعور بذنب إلا إذا تكلمتي من وراها

ماعليك غير تدعين لها بظهر الغيب

وما تفكرين ترجعين لها شيليها من راسك عشان دراستك