عنوان الموضوع : ابي لطيفه حنونه حكيمه تساعدني -لصحتك
مقدم من طرف منتديات نساء الجزائر

ابي لطيفه حنونه حكيمه تساعدني



بسم الله الرحمن الرحيم

السلام عليكم ورحمة الله وبركاته

يا اخواتي ي حبيباتي ي عضوات سيدتي

عندي مشكله اتعبت خاطري واسهرت ناظري وحطمت معنوياتي

الله يسعدكم الي عندها رد طيب يساعدني تتفضل

الي عندها دفش تحتفظ به لنفسها ... ترى خاطري متعوب والحمدلله وحده

الموضوع ومافيه

بالبدايه انا بقلكم بعض صفاتي : عشان تفهمون الوضع

انا اقدم الاخره على الدنيا بكل شي

الدنيا م تعني لي اي شي لدرجة الي يعرفني عن قرب يقول انتي مصابه بالاكتئاب ربما بس هذي انا

وشي ثاني م اتعظ من الناس يعني لو الواحد يصفقني كف ويرجع يصفقني مره ثانيه م اوقي روحي

مدري بلاهه مدري سذاجه مدري طيبه مالها داعي

واحب الناس وافضل الناس كلللللللللللللللللل الناس على نفسي

لدرجة اتمنى يجي احد ينصف نفسي مني ... لا يمكن اقف مع نفسي ضد اي احد

واي احد يبي مني شي ياخذه بكل سهوله ابد م عندي مطمع بشي

اني اشتغلت بوظيفه وكنت مديره المهم كنت مطلقه وخطبني شخص وما كنت ارغب الزواج ابي اربي عيالي

وخفت افارقهم ... المهم دليتهم على زميله كبيره بالعمر شوي ووفق الله

لكن الي حصلي خلني اصدق المثل الي يقول امشي بجنازة ولاتمشي بجوازه

بهذلتني كل البهاذيل بس لأن رجالها خطبني بيوم من الايام ويذكرني بخير

اول شي قالت اتنازليلي عن مكانك الاداره وبعدين ضايقتني بعملي وصارت تحرض علي المسئولات والي تعرفهم بحكم اقدميتها وانا تاركه الرياح تمشي في اعنتها اشوف البهذله واسكت

شوهت سمعتي عند اهلي اتصلت على امي ورمتني بامور يعلم الله اني بريئة منها

كنت ساكنه قبل تتزوج في بيت الرجل الي تزوجها بهذلت في ورفعت علي الايجار وماارتاحت لين طلعتني من البيت واستاجرت مكان ثاني شوهت سمعتي عند جيراني واني بخطف رجالهم واني واني وانا يعلم الله م على بالي الا طاعة ربي ثم تربية عيالي

المهم صار تغيير بالادرات العليا وجات بالاداره صديقتها الخاصة واتحدوا علي ولفقوا لي شكاوى كيديه يعلم الله برائتي منها وحرضت علي الدنيا لين اسودت الحياه بعيني

واخر شي انختمت باعفاء من المنصب واخذت مكاني مثل ماكانت تبي وصارت كل الناس تردد المثل : (ادخلتها فاظهرتني)

المهم لملمت جراحاتي وحزني وهزيمتي ونقلت عيالي ومدارسهم وجلست متمرطه انا وياهم بين بيوت الاقارب

مع تغير الراتب ونقص البدلات وغلاء المعيشه والايجارات والمواصلات حتى وصلت مرات عديده للعجز كل هذا وانا دمعه وحده م تنزل من عيني لاني والله م همتني لا الدنيا ولا المناصب بس ابي شي اعيش به واعيّش به عيالي بكرامة وبدون منة احد
المهم الشر م توقف وصارت المطاردات والتحريض يلحقني من فرع لفرع ومن مكان لمكان وهذه المديره الصديقه ناصبتني العداء لشي اجهله والله يعلمه المهم احدى المديرات بهذلت في اشكال الوان الين نقلوني فرع ثاني مسكتني وهي تبكي تقول سامحيني انتي زميله عزيزة وغاليه الله يعلم شلي جبرني

واستمر نفس المنوال الين نقلت من المنطقه كلها ورحت لمنطقه ثانيه ولكن الشر لم يتوقف

وبعد مرمره وطرد من فرع لفرع مسكتني مديره فيها القليل من خوف الله والكثير من حب الدنيا قالت لي والله اثرك صادقه يوم تقولين متقعدين لي قلت ليش ؟ قالت هالحين جاني تلفون من ادارة المنطقه : فلانه الفلاني لاتسكتين لها على شي تقول قلت الموظفه ممتازة وتعطي والضغط يولد الانفجاار قالولها : موعلى كيفك كذا والا منصبكي مسأله فيها نظر!!!!

يعني نفذي تعليماتنا والا نشيلك من الاداره

المهم استمرت الممارسات اللاانسانيه واللاعادله

شكيت مرارارً وتكراراً وكتبت عشرات الخطابات وكان مصيرها سلة المهملات او ترجع لتلك المديره فهي الخصم وهي القاضي

كلمت المدير العام بقلب محروق وانا ابكي مثل الطفل من الظلم قال بالحرف الواحد اطيعي مديرتك والي تقوله لك عليه سويه انتن يالحريم م اقدر اديركن

يعني الي مخلي هالمديرة تستأسد وتسوي م تسوي انهم مسلمينها الخيط والمخيط

وصل الامر بي اني رحت اشكي للعمل والعمال

انكتب تقرير بمصلحة جهة العمل 200% وقال لي الموظف تراهم راح يفصلونك لانك وصلتيها للعمل والعمال

وبالفعل م طولت بعد الشكوى وانفصلت مع حرمان من جميع الحقوق

المشكلة على قرض وسلفه تتعدى الـ 128000

وانا والله م ابي ارجع لذيك الجهة لو ايش صح انفصلت وانقطع رزقي وتحملت دين مو بسيط

بس ارتحت من ضغغط عشر سنين هي عدد سنوات عملي بالهالمكان

المهم حكيت موضوعي لو احد من الاجواد وطلع لي خطاب من مكتب امير انه(نأمل اعادتها للعمل بجهة اخرى تقديرا لظروفها)

وهذي الجهة نصف موظفاتها من الجهة الي انفصلت منها ومرتبطين مع بعض بنظام hr

المهم م يئست وكلمت واتصلت الين وصلت للمديره العامه بهالجهة قالت : انتي اش حصلك بعملك السابق قلت كيت وكيت ةكيت (مختصر)

قالت ايوا عشان كذا انا مدري وين بروح وبعدين تعالي نسويلك مقابله ونبحث بنظام الـhr

وفلانه مديرة التوظيف ترى جايه من نفس جهة عملك

يعني قصدها صورتك سوداء

وانا محتاره مدري اش اسوي اخرج من هالظلم المركب وكيف اقدر احصل على الوظيفه واسد ديوني

واكفي نفسي وعيالي


ياليت الي تقدر تساعدني برأي سديد يخرجني من هالدوامه تساعدني والله يوفقها ويفرج لها دنيا واخره

حتى الرقيا رقيت الدعاء وسورة البقره وصلاة الليل من فضل الله كلها اسويها

استغفار بالالاف

الصدقه باقل القليل لان ظروفي الان شوي مو مساعدتني

الله يلوم على العجز ابي تصرف اسويه او اجراءات اقدر عليها او احد يساعدني فيها حتى اتمكن من الوظيفه

ي حبيباتي ابي وحده تساعدني كيف استفيد من خطاب الامير واتجاوز

الاتصالات الخفيه بين الموظفات بالجهتين

ابي وحده حكيمة وذكيه يمكن تشوف شي م قدرت اشوفه انا


يابنات الله يسعدكم خليكم حنونات معاي والله خاطري مكسور ومجروح وامري لله

الي يسأل عن اهلي ابوي متوفي الله يرحمه اخواني صغيرين واحد طالب وواحد عاطل

لاتحرموني من ردودكم لو بدعوة الله يسعدكم

>>>>> ردود الأعضـــــــــــــــــــاء على الموضوع <<<<<
==================================


حسبي الله ونعم الوكيل عليها والله لايوفقها
هذا اللي أنا قادره عليه ...


__________________________________________________ __________

وعليكم السلام ورحمة الله وبركاته,,,
إن شاءالله تلاقي الرد من أخواتي اللي يسعدك ويريحك
لكن تأكدي أي شيء يحصلك بهالدنيا الفانيه خير لك بإذن الله عزوجل
لاتنزلي دمعه إلالخالقك فقط ’’والايادي المرفوعه للسماء لاترد خائبة ابدا,,,,’’
لاتشكي لاي جهه من الجهات إلابعد إستخاره وادعي متيقنه بالاجابه...وتأكدي ان كل ظالم جزاه من رب العالمين سيأخذه لامحاله....
انتي بداخلك روعه متناهيه اهنئك عليها والله يجزاك خير عليها,,,,وجزاءك بإذن الله مايضيع عند رب العالمين..
لاتنتظرين خير البشر لانهم ضعفاء وانتظري خير الرازق الغني الله سبحانه,,,,,
الله يرزقك من واسع فضله...ويسعدك سعاده لاتستطيعي وصفها وتدمع عينك فرحا وتسجدي سجدة شكر بسببها...
اللهم بارك بحياتها واشرح صدرها وانر دربها....
اللهم أقر عينها بأبناها اللهم اعنها على سداد دينها
اللهم لاتحوجها لاي مخلوق ضعيف....
عفوا وعذرا على عدم ترتيبي لكلامي لانني بكل عفويه اتجاوب...


__________________________________________________ __________

حسبنا الله ونعم الوكيل لاحول ولاقوه الا بالله
الله ينصرك ويظهر نصرك وبراءتك من فوق سابع سماء
حبيبتي لأتياسي اصبري وردي للوظيفتك لو فصلتي من وين بتسددي هالدين وتعيش عيالك

عليك بالدعاء فدعاء المظلوم باذن الله مستجاب وسهام الليل لاتخطي

دعوااااتي لك بظهر الغيب


__________________________________________________ __________

الله يسعد ويوفق كل الي ردولي ودعوا لي ويارب لكم اضعاف مضاعفه

ي حبيباتي كيف استفيد من خطاب الامير في الحصول على وظيفه جديده

اسدد ديوني واصرف على اولادي واتصدق عن ابوي المتوفي ؟؟

ابي حل يساعدني واستفيد من الخطاب وهو سبب رزقني الله مسبب الاسباب سبحانه

وانا والله مالي درب على احد ولا اعرف اي احد الا الله الواحد الاحد سبحانه

ابي وحده ذكيه تدلني على طريقه اخرج به من هالحاله والله يجزاها خير


__________________________________________________ __________

حسبي الله ونعم الوكيــل
ربنا ينصرك ربنا ينصرك

حبيبتي قلبي تقطع عليك يارب تلاقي الحل ويفرج همك وينصرك على من عاداكي