عنوان الموضوع : يوم اخذته حبيت اكفي حيآتي ويآه -لصحتك
مقدم من طرف منتديات نساء الجزائر

يوم اخذته حبيت اكفي حيآتي ويآه



السلام عليكم سيداتي
شخباركم اتمنى تكونوا بخير وصحه
عزيزاتي بعد عدة شهور وانآ يوميآ اقرأ مشآكل الأخوآت واشوف منكم المسآعدة والمسآندة والدعاء قررت اكتب لكم مشكلتي اللي عذبتني وان شاء الله تساعدوني في اتخاذ القرار المناسب ..
أنا متزوجة صارلي سنة ونص من يوم تزوجت لحد الآن واني فقدت نفسسسي قبل ما أفقد أي شي ..
نسيت طعم الراحة والهدوء والأمان والإستقرار
وين كنت وكيف صرت !!
المهم رح ابدأ معاكم من البداية عشان كل شي يكون واضح
اول ماتقدم زوجي لخطبتي نصحوني اهلي لأنه ماكان مناسب لي خير شر
كانت متزوج وطلق وعنده بنت عمرها 3 سنوات , وعنده مشاكل في حياته
عنده امراض مثل السكري ومسوي قبل 3 سنوات عملية خطيرة " الله يعطيه العافية "
وفيه تشوه كبير بسبب العملية
المهم لما تعرفت على حياته كسر قلبي وكثير تعاطفت معااه وحبيت اعوضه قلت انا ابغى رجال يكون جنبي
وكل اللي مر عليه في حياته بنسيه اياه اذا ربي قدرني
يعني تزوجته عشاااااان اعوضه عن اللي شافه وبالمقابل هو يحطني بعيونه ومايقصر علي
لكــــــن للأسف الشديد كنت فاشلة في اختياري
اول شي بابا حط له شرط بالعقد وهو مؤخر قيمته 100000 ريال في حال طلبه للطلاق ..
والمقدم اللي هو المهر 25000 ريال
وبمجرد ماعقدنا وداني للشيخ وخلاني اتنازل عن الـ 100000 ريال , وانا بجهلي وقلة خبرتي ما اعترضت ولاشي وماخبرت اهلي بالموضوع
واللي حصل بعدهاا ان وضعه المادي شوي متدهور وصعب وصار يصرف من مهري ويوفي ديونه ويسد حاجاته
وانا ما اعترضت بالعكسسس كنت واقفة جنبه وادعي ربي يسهل عليه
واقول مع الأيام راح يعوضني
لحد ماصار مهري زيروووو
لحد ماخلص كله
وصار ماعندي لا مؤخر ولا مقـــــــدم
وصارت المشاكل اللي بيننا كل ماجاها تزيد وحالي متدهور ونفسيتي زفتتتتتتتتتته ..
صار يمد ايده علي ويهينني ويذلني وسمعني كلام زي السم
مصروف شهري مايعطيني
احتياجاتي مايلبيها لي
تمر علي أيام بدووووون اكل وشرب والله العلي العظيم ما أبالغ
هو يطلع يوميا يروح لأهله واصحابه وانا تاركني في الشقة بين 4 جدران لا اكل ولا شرب وهو ياكل ويسد جوعه وينبسط ويستانس ويرد الليل وقت النوم
وانا مو معبرني ماقدر وقفتي معاه في أي شي
طووووووول ايامنا عذاب واهانات ومشاكل مالها اول ولا تالي
واحيااانا يتمادى ويهددني بالطلاق بعد ما اخذ مني كل شيييييييييييييي كل شي !
وربي كل اللي يشوفوني ينصدموا
يقولوا لي ليه صرتي كذااا !
وين كنتي وكيف صرتي !
لكن ماحسست احد بالعذاب اللي انا عايشة فيه , طبعاا اهلي يدروا ان في مشاكل بيننا لكن انا الغلطانه لأني ما بينت لأهلي شي من اللي عشت فيه
ودايماا كنت احسسهم انو انا الغلطانة وعطيتهم عنه فكرة طيبة لحد مااستغل هالشي لصالحه وصار يلبس قناع البراءة قدام اهلي ومن وراهم يظهر على حقيقته
تممممر عليناا ايام واسابيع وانا حالي حال الجدار في الشقة مااسمع منه كلمة ولا يعطيني حق من حقوقي
ياربي ليه يصير فيني كذااا وانا خذته على نيتي !!
وقلت ربي بيعوض صبري خير وهذا اللي بسعده وبيسعدني
هو كثير مرتاح في حياته رايح جاااي لابس ماكل شارب وانا المرمية الذليلة المهانة اللي مايعرفني الا ناااااااااااادرا ولحاجته ورغباته
طبعااا مافي بيننا لا انسجام ولا تفاهم هو تفكيره محدود بصورة خيييييييييييالية
تستغربوا ان في رجال مثله
كل يوم اكتشف حجم عقليته الصغيرة وانصدم اكثر , انا الحمدلله دارسة وفاهممة ومثقفة ومتدينة ومطيعة لله ..
وهو العكس تمااماا
حتى صلاة مايصلي وهذا موضوع ثاني
يسمع اغاني ومايقبل النصيحة
مايهتم للأكل الحلال والحرام
كل هالأشياااااااء دمرت نفسيتي وكرهت نفسي اكثر واكثر
غير مبالي ومايعرف الواجباااات
ياربي رحمتك
تمنيت انسان تقي يخاف الله فيني لكن ربي مارزقني باللي تمنيت
ربي بلاني فيه " وإذا ابتليتم ف اصبروا "
والحمدلله صبرت وصبرت وتحملت وماشكيت همي لغير ربي ولكن للصبر حدود ..
عزيزاتي اهل الخبرة :
ساعدوني ودلوني ع الطريق الصحيح
انا ناوية ع الطلاق لأن مافيه صفة تستدعي إني اتحمله عشانها
هو بيرفض يطلقني لاني لماا طلبت منه هالشي قبل قال لي لو تنطبق السمااا ع الأرض ماطلقت ..
يقول لي روحي انتي المحاكم وارفعي قضية
ساعدوني وش اسوي ؟؟؟
وكيف اتعامل معااااه ؟؟
اهلي عندهم الطلاق عاااااار ورافضين هالشي تمااامااا بس انا ماقدامي حل ثاني

الله يجزاكم بالجنة ويحفكم بالرحمة خففوا عني وساعدوني
انصحوني دلوني .. حالتي كل ماجاها تسوءءءء اكثر
جمالي راح وصرت هيكل عظمي
الحزن مايفارق وجهي ونفسيتي عذااااااااب

ساعدوني لوجه الله

>>>>> ردود الأعضـــــــــــــــــــاء على الموضوع <<<<<
==================================


بنات ويييينكم "(


__________________________________________________ __________

حبيبتي اجلسي مع احد من العائله فاهم واشكي له كل شي بالضبط وخليه يجلس مع زوجك عشان يحس وراك اهل وبعدها لو ماتغير فلا توقفين حياتك عشان انسان مافكر فيك وعايش حياته وتاركك مهانه والطلاق مو عيب ياحبيبتي اذا العشرى كذا وهو يبيك ترفعين قضيه عشان تصير خلع وتدفعين له نص المهر انسان زي كذا خسيس لاتكملين حياتك معه والله يسهل امورك حبيبتي
تقبلي ودي قبل ردي


__________________________________________________ __________

وافيه لقلبها
مشكورة غناتي ع الرد الله يرزقك مرادك
بالنسبة لنصيحتك اكلم احد من العايلة والله ان هالشي صعب تدري ليش !
في البداية لما صارت بيننا مشاكل صار هو يسبقني ويكلم اهلي ع اساس انه يشكيني لهم ومستغل الصورة اللي اهلي شافوه فيها لصالحه
وانا بجهلي كنت اسكت واحافظ على صورته لأهلي ..
واقول مع الوقت كل شي بيتحسن وكتمت همي بقلبي على امل ربي يعوضني لكن الحمدلله على كل حال وضعي مزداد سوء
صعب صعب جدااا اهلي يفهموني الحين !
اني ضايعة وربي ضايعة ومو عارفة شاسوي !
محتارة بأمري .. ومالي غيركم تنصحوووووني

ابغى اسسسسسسسسسسمع آراااء طلبتكم


__________________________________________________ __________

الله يعينك ويصبر
مالك الا الدعاء له بالهدايه


__________________________________________________ __________

اختي مشاعر المحبه
مشششكورة ع الرد

ربي كريم ارحم الراحمين يهديه ويهدينا اجمعين