عنوان الموضوع : يابنات ادخلوا بسرعه محتاجتكم الطبيب يجيب
مقدم من طرف منتديات نساء الجزائر

يابنات ادخلوا بسرعه محتاجتكم



السلام عليكم ورحمه الله وبركاته

بدخل بالموضوع على طول

السالفه ومافيها انه انا وحده من خوياتي متزوجه هي واخت زوجها كل يوم نروح مع بعض للجامعه ونجي مع بعض لانه كلنا ندرس بجامعه وحده المهم صديقتي هاذي ماتحب اخت زوجها اللي هي حماتها تكرها حيل دايم تشكي لي منها تقول ودي تموت ورتاح منها المهم حنا يوميا ساعه ثمان ونص نروح مع سواق واحد لانه انا وصديقتي ساكنات باحاره وحده يودينا الجامعه السواق هذا سوري المهم صديقتي هاذي حبته وبينهم علاقه يعني مكالمات لااكثر ولا اقل جلسو تقريبا شهر مع بعض وهم مكالمات مع سواق اللي يودينا طبعا اخت زوجها اللي هي حماتها كشفتها انها تكلمه وشافت رسايل اللي بجوالها اللي هو مرسلها جلست تهددها وتصرخ عليها والله لعلم اخوي عليكي ياخيانه ومن هالكلام ... المهم قالت صديقتي خلاص وعد مااكلمه بس استري علي جتني صديقتي بالليل تبكي وتشكي لي ان حماتها كشفتها انها تكلم المهم خافت ان حماتها تعلم اخوها بعدين اخوها يطلقها جلست تفكر قالت لي شرايك نقلب سالفه عليها قلت لها شلون قالت ادق على سواق لي انا اكلمه واقوله انه اذا احد سئلك قالك فلانه تدق عليك وتطلب منك تاخذها من الجامعه وتوديها اماكن وكذا قول ايه هي تقصد حماتها المهم دقت على سواق اللي هي تكلمه ووافق وقال خلاص بقول وتفقو على هالشي وقالت له انها راح تمسح رقمه ورسايله هالفتره انه يمكن زوجها يكشفها وقال خلاص

وراحت صديقتي لبيتها وقالت لزوجها انه اختك مدري وين تروح لرحنا للجامعه بنص الدوام تختفي وذا سئلنا خوياتها قالو طلعت من الجامعه المهم اخوها انصدم راح عند اخته وقال لها سالفه يعني وين تروحين وكذا قالت والله مااطلع قال الا زوجتي قالت لي انك تطلعين من الجامعه وين تروحين اعترفي قالت والله ماطلع المهم انا وهي هاذي حمات صديقتي في قاعه وحده بالجامعه ودقت علي امها وسئلتني قالت لي فلانه تطلع من المحاظرات انا هنا شكيت ان صديقتي سوت اللي براسها خفت اخرب خطه صديقتي قلت لها ايه تطلع من الدوام وماندري وين تروح انصدمت امها وسكر سماعه امها توثق فيني لاني جارتهم ودايم ازورهم بالبيت عشان كذا سئلتني المهم
اخوها راح قال للاب وراح الاب دق على سواق وسئله هل فلانه تطلب منك تاخذها قال سواق ايه سكر الاب سماعه وراح لبنته وسطرها تسطير وقطع العقال على ظهرها البنت تصارخ وقالت لخوها والله زوجتك تخونك مع سواق تكلمه اذا مو مصدقني شوي رسايله بجوالها فتش الجوال اخوها مالقى شي كانت صديقتي ماسحه كل شي يخص الرجال لي تكلمه المهم قال زوجته لا يالظالمه تبين تفرقين بيني وبين زوجي قالت لزوجها هي اخترعت هالسالفه تبي تغطي على عملتها وانتم سئلتو سواق وقال ايه وسئلتو جارتناا اللي هي انا وقالت ايه وش تبون اكثر من كذا المهم صدقوها وكذبو البنت اللي هي حماتها ومسكها ابوها وظرب وكسر ايدها جلست ثلاث ايام بالمستشفى البنت وفصلوها من الجامعه والحين هي جالسه بالبيت السالفه هاذي صارت قبل اسبوعين بس كل مااحط راسي على المخده مارتاح احس تانئيب الضمير هي مالها ذنب سترت على مرت اخوها ماعلمت بصراحه فكري مشوش مادري لي صار صح ولا خطا امس صديقتي تسولف لي تقول خليتها شغاله بالبيت طبخ وغسيل مواعين وما يخلونها اهلها تطلع الباب وكل من هم ودب سطرها كف وكل العايله طاحت من عينهم البنت اهلها جلسو تتسائلون وين تروح بنتنا بنص دوام خافت الام انها تطلع مع شباب قالت لبنتها تطلعين قالت والله كذب اخذتها امها عند الطبيب الشرعي يشوف اذا هي عذراء ولا لا المهم طلعت عذراء والحين البنت بالبيت حابسينها بالغرفه ماتطلع ابدا حتى جوالها اخذوه منها كل تفاصيل هاذي قالتهم لي صديقتي امس بس هي صديقتي هاذي من ايام طفوله توثق فيني واوثق فيها هي مخبئا اسراري وانا مخبئ اسرارها ومابي اخسرها افهموني لو سمحتو هي توائم روحي جد تعبت من تفكير مقدر اعلم بالحقيقه لو ايش لانه مابي اخسرها


يالاداره تكفون نزلو موضوع لاني جد محتاجه الردود

>>>>> ردود الأعضـــــــــــــــــــاء على الموضوع <<<<<
==================================


ابشرك مارح تخسريها < لأنك رفيقتها في جهنم وبئس الصير
راح تدور الأيام وتوقفي مكانها
وحيكون عقاب الله ألييييييييم لأنه انتقام
ايش كان صار لو قلتي لأمها ماأدري بدل ماتثبتي تخيلي قتلوها حتكوني سبب في جريمة بسبب كلمة
خايفة من صديقتك ؟؟ ليش ماسكة عليكي شي غلط؟؟
لو انتي نضيفة وماعليكي كلام ومش خايفة روحي صلحي غلطتك وقولي لأم البنت كل شي ريحي ضميرك
والله ان قصتك رعبتني واقسم بالله خفت عليكي من عقاب الله
جاكي في القرآن تحذير وفي السنة احاديث
وياما سمعتي قصص
وماخفتي الله < وخفتي من صديقتك اللي مارح تنفعك
هي قذفت البنت وياريتك سكتي الا شهدتي شهادة زور
لو البنت دعت عليكي راح تخرب حياتك فوق تحت لأن دعوتها مستجابة
قال ربنا في القرآن: ( إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيم
يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُون )
وحذرنا الرسول وأمرنا (اجتنبوا السبع الموبقات - يعني المهلكات - قلنا: وما هن يا رسول الله؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات الغافلات المؤمنات)شوفي القذف واحد من اكبر الذنوب
ماكتبتي الا وضميرك مش مرتاح ابدا هدا وانتي لسة ماتعاقبتي
الحقي عمرك قبل لايصير فيكي شي
الله يهديكي ويصلحك ويردك للصواب.


__________________________________________________ __________

وعليكم السلام ورحمة الله وبركاته

أنتي اللحين غرضك من وضع المشكله
هو خوفك من ان تخسرين رفيقتك!!
الي راح تكون عدوتك يوم القيامه
بس ما فكرتي بالي خسرته حمات صديقتك بسببك أنتي وصديقتك!
البنت خسرت ثقة أهلها و دراستها وأهم شئ بحياتها والسبب أنتي و رفيقتك
وين اﻻحساس!
اسمحي لي أنتي مو موضع ثقة ﻻهل المظلومة
باين تهمك علاقتك برفيقتك أكثر من مصيرك بعدين
ﻻنك لو ما اخبرتي اهلها بالحقيقه و الظلم الي صنعتوه
بتاكلين اصابعك ندم يوم القيامه
توقعي من البنت دعوة عليكم باي وقت
وان شاء الله يوم من اﻻيام راح ينكشف هذا الافتراء والبهتان
ﻻن حبل الكذب قصير
فأنتي اللحين بين حبلين
يا انك تخبرينهم بالحقيقه عشان تبرين ذمتك
أو انك تسكتين عشان ما تخسرين رفيقتك وماتخسرين الشيطان الي بينكم
وأنا أفضل تخسرينها قبل ما يجيك الموت
الصداقه الحقيقه هي اﻻخلاص والتعاون على التقوى
ما تبنى على الزمن والعمر
فصداقتكم هذي مهما طالت تبقى مزيفه
ﻻنكم باﻻخرة راح تكونون اعداء
الله ينصر هذي المظلومة ويبعد عنها شركم
والله حيل حاسه فيها المسكينه
تتعذب على شئ مالها ذنب فيه
لكن الله عالم بحالها اللحين
الله ينتقم لها من رفيقتك رفيق السؤ و يوريها فيها يوم
الله ما يترك عبده
بلغي رفيقتك وسط فرحتها بانتصارها
راح يجيها يوم تلقى الي سوته في البنت راح ينقلب عليها
بالدنيا قبل اﻻخرة


__________________________________________________ __________

حسبي الله ونعم الوكيل فيكم حسبي الله
ووووووين قلبك وين احساسك حراااااام والله حرااااااام
لهدرجه أنتي وحده معدومه ضمير وماتحسي
ان كيدهن لعظيم
ي قلبي عليها الله ينصرها نصر مبينا عاجﻻ غير أجل

سالتك بالي خلقك فكري بعقلك شوي حرام انك هدمتي حياه بنت بريئه عفيفه مظلومه
كانت بتحافظ ع بيت وعرض اخوها
خااااافي من الله ومن دعوات مظلومه وسهام الليل ﻻتخطيء
عدلي خطاك واعترفي ﻻمها أو خذي رقم اخوها من جوال صديقتك واعترفي له برساله واشرحي له السالفه
ماادري اش هالقساوه بقلبك تدري ان انسانه ضاعت حياتها ومستقبلها وتعيش بعذاب جسدي ونفسي والسبب شهاده زور منك وافتراء من زوجه اخوها

اعترفي قبل ﻻتموت وانتي ماتسامحتي منها أو قبل ﻻتنتحر من الظغوط اللي تعيشها

وانتي تخافي تخسري صديقتك وماتخافي الله .. ماتخافي يصير لك بكره مثل ماصار هالبنت ﻻن هالصديقه
اللي غدرت باخت زوجها بكره بتغدر فيك الدنيا دواره وكما تدين تدان

هذا شرف ..وعرض ..هذي سمعه عائله .. يعني مو موقف سهل ﻻعلى البنت وﻻاهلها

تكفيييييييييييبييين اقري كل كلمه كتبتها زين وراجعي حسباتك
والله قلبي تقطع ع البنت

واذ مابتسوين غلطك اسأل الحي القيوم اللذي امره بين كاف ونون ان يبتليك وصديقتك بمرض يهد بدنكم ويعذبكم بالدنيا قبل اﻻخره ويجعلكم تتمنون الموت وماتﻻقوه ويجعلكم عبره للخلق وينصر البنت نصرا قريبا عاجﻻ غير أجل

أنا مو متعوده ارد به الشكل أو تكون ردودي قاسيه وﻻادعي ع أحد بس هذا شيء نرفزني والظلم ظلمات يوم القيامه


__________________________________________________ __________

أستغفر الله العلي العظيم واتوب الييه ..

سبحـان الله وبحممده سبححان الله العظييم ..


__________________________________________________ __________

الله يعينك
عاللي بتشوفينه باقي عمرك
ليش
لأنك
1/شهدتي زور
2/قذفتي محصنة
يعني
من السبع الموبقات
هذا غير الظلم......ودعوة هالبنت عليك ليس بينها وبين الله حجاب
لأن الله اقسم بعزته وجلاله ينصرها.