عنوان الموضوع : اخوي قرفني في عيشتي مجابة
مقدم من طرف منتديات نساء الجزائر

اخوي قرفني في عيشتي



بنات مضاااااااااااايقه حيل حبيت ابي افضفض لكم
ايام المراهقه عمري 17 سنه وصحبتي لصديقات السوء
الله يهديهم ويسامحهم كانو صديقاتي يكلمون شباب وكذا
بالجوال المهم عرفوني على شاب وصرت اكلمه جوال
بعدين اكتشفت زوجه اخوي اني اكلم وهي حرمه كبيره
ومتعلمه بدال ماتجي تكلمني وتنصحني او تكلم امي
راحت قالت لا اخواني كلهم وماكفاها اخواني
فضحتني عند العائله كلها والجيران
واعشت ايام مايعلمها الا الله وعرفت غلطي وندمت
والحمدالله امي تقربت مني ولله الحمد
التزمت وابتعدت عن صديقات السوء الحمدالله
اللحين عمري 27 كل ماجاء احد يخطبني اخوي
يرفض كنه يبي يعاقبني على هالشي
ويفتش جوالي دائما بسب هالغلطه
كرهني في عيشتي
وزوجته ترسل بناتها عندي يراقبوني
تخيلو تقول لا اقربنا انا ارسل بناتي يراقبونها
مدري ايش الحل معها هي وزوجها
ماهم مخليني بحالي
اليوم جاء فتش جوالي كله ماخلى شي
وتحقيق
اخواني الباقين نسو الموضوع وسامحوني
الا هو مانسى
وانا من الفضايح اللي مسويتها زوجته
ماصرت اطلع من البيت
صرت وحيده احس شي بداخلي انكسر
كل ما اطلع واحد يطالع فيني
اقول اكيد يتكلمون عليا
صارت فيني وسواس وكرهت الناس
مدري ايش اسوي
سامحوني طولت عليكم الله يخليكم
لاتجرحوني بالكلام اللي فيني كافيني

>>>>> ردود الأعضـــــــــــــــــــاء على الموضوع <<<<<
==================================


أستغفر الله العلي العظيم واتوب الييه ..

سبحـان الله وبحممده سبححان الله العظييم ..


__________________________________________________ __________

حبيبتي والله كثير حاسه فيك
عليك بالدعاء في الثلث اﻻخير من الليل
وخبري امك عن رفض اخوك
ﻻزم تفرح فيك وتوقفه عند حدة
مايصير كذا يرفض على سالفه انقضت من عشر سنين
وانتي ﻻ تصيرين وحيدة روحي اطلعي و وسعي صدرك
الله يفرج همك ويرزقك بالزوج الصالح


__________________________________________________ __________


  1. الله يفرج همك ويرزقك بالزوج الصالح



__________________________________________________ __________

قله عقل بمرة اخوك مفروض نصحتك .. لانك كنتي مراهقه


__________________________________________________ __________

الله يكون بعووونك