عنوان الموضوع : أحبه موووووت (ساعدوني)
مقدم من طرف منتديات نساء الجزائر

أحبه موووووت (ساعدوني)



السلام عليكم ورحمة الله وبركاته

حبيباتي وأخواتي ف منتدانا الغالي سيدتي

أنا بنت عمري 22 سنه بحب شاب عمره 30 سنه بنحب بعض صارلنا سنتين وكل أهلوا يعرفوا بالموضوع وامه كثير طيبه بتحبني وتعرف هالشي بس المشكله إن أحواله الماديه صعبه كثير بالرغم من إنه مرتبه كثير مرتفع بس المشكله إنه راتبه بينخصم كل شهر لأن كان عنده ديون فيزا كارد وماستر كارد الله لا يبلاكم بس هو الحين ينتظر صفقه لو صارت قال إنه راح تنحل كل مشاكله وراح يتقدملي ع طول و ع فكره هو عنده بيت صغيرون جده قبل لا يتوفى وصى بهالبيت عشانه بس ع فكره ترى هو من عائله جداً معروفه كان عنده تجاره وكانت كثير تدر له فلوس هالشي قبل لاأعرفه كان معاه شريك وفكوا الشراكه وكل واحد راح بحاله ومن يومها وهو غرقان بالديون ومب قادر يمشي حاله ....

أنا صبرت كثير واتقدمولي كثاااااار بس كنت أرفض وأرفض وأهلي ما شايفيين فيه مبرر من الرفض بس أتحجج إني أريد أكمل دراستي الجامعيه ويوم بتخرج بفكر بهالموضوع والحين باقتلي سنه ع التخرج ...


المهم إحنا كثير متعلقين ف بعض والله يحبني مووووت ويعشق التراب اللي أمشي عليه يخاف علي من كل شي لو أمرض شوي ينجن علي يتصل بأختي يسأل عني ...

يهتم فيني بكل شي يعني حتى وقت الأعياد هو يكون خاطره يجيبلي لبس العيد والعطور ودائم الهدايا منه تجيني ولو زعلته بنفسه يراضيني ما ينام يوم لو أنا زعلت منه لازم لازم يراضيني ولا ما يجيله نوم

أحياناً يبكي بكى لو قتله مثلاً اتخيل إني ما راح أكون من نصيبك والله يبكي بحرقه يحبني كثير حتى كل شي كل شي يخبرني عنه أدق تفاصيل حياته

بس الحين اتقدملي واحد واااااااايد زين أدب وأخلاق ووظيفه زينه وأهله وااااااايد أغنياء وعمره 26 بنات عمي يقولون لي غبيه لو ضيعتي هافرصه من إيدينك

وكل أهلي مستغربين ليش أنا ما اريده وهو وااايد زين وأهله كثير محترميين ويحبني من زمان بس ما كنت أعرف


أنا محتاره يا بنات أنا قلبي بصوب وعقلي بصوب ما عارفه كيف أتصرف وشو اسوي والله محتاره أبي أتزوج بس أبي الشخص اللي أحبه واللي احبه بروحه حالته صعبه

وما عارفه كيف أفتحله هالسالفه وشو أقوله والله عارفه إنه بينهار لأنه مره قتله إني بوافق خلاص ع واحد اتقدملي من فتره وانهار جاته جلطه بالقلب والله خفت عليه حسيت إني بموت حسيت روحي تطلع مني ما عرفت شسوي ما عرفت إلا أهله خبروني إنه حالته صعبه وإنه بالعنايه المشدده ويوم قام منها بس كان كله يسأل عني


ياربي بنوتات والله محتاره ولو وافقت ما أعرف شو بيصير بحالته ما أعرف كيف بقدر أصبر عنه أخاف إني ما اتحمل واستمر ف مكالماته وأخون الشخص اللي بيصير زوجي والله حالتي صعبه أرجوكم ساعدوني تعبت كاتمه بقلبي تعبت والله تعبت

>>>>> ردود الأعضـــــــــــــــــــاء على الموضوع <<<<<
==================================


ياعزيزتي صاحبة المشكله حيرتيني معاك
يعني كل هذا الحب اللي بيناتكم وكل هالطيبه يجي شخص اخر يخربها لان هو اغنى من الاول
بصراحه انا مااعرف اقول رأي بهكذا حالات لان نظرتي للموضوع يمكن تختلف عن النظره للزواج في مجتمعكم
قريباتك اللي يلوموك لو رفضتي العريس الجديد عارفين العلاقه بينك وبين الاولاني؟؟
عارفين انه متأمل الزواج منك؟
عارفين انه يبعثلك هدايا؟
انا عندي اهم نقطه في الزواج الحب والستر وعدم الحاجه للناس
يعني انت من الاول كنتي عارفه ان هالشخص فقير
ليش طورتي علاقتك فيه الى هذا الحد؟
الان اذا قبلتي بالعريس الجديد تعرفي كيف راح يكون شكلك؟
يكون وكأنما خليتي الشخص الاول احتياط
ويوم مايجيك الاحسن منه تتركيه
هذا اللي افتهمته انا من القصه
احكيها لاي شخص راح يقول لك انت خليتي الاولاني احتياط
مدري
الامر متروك لك

ودي وتحيتي


__________________________________________________ __________

اختي انصحك لا تضيعي عمر واقبلي العريس اللي جاهز الحب مو كل شيئ في الزواج الزواج مسؤليه
ومصاريف وووو

الله يوفقك اختي \تحياتي


__________________________________________________ __________

حبيبتي انا بنصحك نصيحه
لاتسمعي كلام احد
ولا تاخدي راي احد
اسمعي قلبك شو يقلك
فكري بعقل وبحكمه
وشوفي وين سعادتك مع الشخص الي بتحبيه ويحبك
ولا مع الشخص الي يحبك وغني ؟!

وع فكره الفلوس مو كل شئ
الفلوس تروح وتجي
والحب مايروح ولا يجي

فكري وفكري
واستخيري

والشئ الي مرتاحه فيه حتى لو قلبك ماختاره اهم شئ راحتك
والله والله راح تعيشي مبسوطه اهم شئ الراحه

استخيري حبيبتي
والله يوفقك
وزي ماقلتك لك اسمعي كلام نفسك وراجعيها كويس وراح تعرفي سعادتك وين

بالتوفيق


__________________________________________________ __________

اختاري اللي حاسه انك ممكن تضحى بحياتك عشانه

وانك ممكن تتحملي اي شي المهم يكون معاك

اذا كان الفقير او الغني

الاختيار بالاخير راجع لك لو جلسنا ننصح فيك لمليون سنه


__________________________________________________ __________

إختيارك صعب بصراحه لو كنت مكانك أكيد بحتاااااااار
موفقه يااااااارب