عنوان الموضوع : ام زوجي .. وغيرتي .. وخوفي .. مجابة
مقدم من طرف منتديات نساء الجزائر

ام زوجي .. وغيرتي .. وخوفي ..



تكفووووون ساعدوني والله احس ان روحي بتطلع ..

انا بقولكم قصتي وانتم شوفو واحكمو ..

بصراحه انا لي 6 اشهر متزوجه في بداية زواجي كنت وايد احترم ام زوجي واحاول قدر الامكان ما ازعلها .. وكل شي تبيه تلاقيه كانت مثل امي تماما ومازالت ..

لكن ..!!

اصبحت الامور تتغير وبشكل كبير .. حيث اصبحت تتدخل بكل كبيره وصغيره في حياتي حتى غرفة نومي ماخلتها اول ما اخرج انا وزوجي منها تروحلها ..

وفيه الكثير ..

اذا كلمت اهلي تجلس تتسمع واذا كلمت زوجي نفس الحركه ناهيكم عن الاساله والحوارات واذا ما جاوبتها تقول امكم وايش يصير لو عرفت كل شي ..

بصراااحه انا بديت اكره زوجي والسبب والدته علما باني اخبره بجميع الامور لكن مابيده حيله يقول امي وايش اسوي ..

تخيلو انا جالسه اتعالج لاجل الحمل ما كنت ابيها تعرف ..

بس والله جلستلي حتى تعبت وخبرتها وتجيب طرقات غريبه حتى اتكلم ..

اماااانه تكفووون ساعدوني والله انا الحين احاول ان زوجي ينزلني ديار اهلي ناويه ابعد عنه وصرت اطلبه بكثره ..

والله انا احبه بس امور كثيره تضايقني ..


بالنسبه لغيرتي قتلتني عليه

وتعالو اقولكم شغله ..

انا اليوم طالبته اغراض من السوبر وجا ومامعاه ولا حاجه قلت وين الاغراض قال السوبر مقفل المهم قلت اوكيه طبعا اليوم هو عند زوجته الاولى وسمعته هو ولده لما نزلو السوق وماسالني ولا هم يحزنون قولت اكيد هو بيجيبها بيتذكر انتظرت الحد الان والله ما جابها ..

طيب نزل السوووق وين الحب اللي يقوله صرت اخااافه واكذب كلامه لان افعاله غير وكلامه غير ..

انا ما اقول ما ابيه يجلس عند اهله بس ايه يتذكر طلباتي مثلها لا حتى في يومي يروح يجيب اغراضها وانا طيب وربي احس بقهر من اسلوبه

المشكله يحلف انو يحبني ويعشقني ..

ويموت بارضي طيب ليه التعامل هذا وين الحب وين الكلام اللي يقوله ..


تكفووون وربي انا ابكي اش اسوي راوح ولا ايش تعبت ونفسيتي تعبانه

الله يسعدكم لا تجرحوني بس بصروني لدليل الصحيح ..

وخاصه اللي حاقدات ع الزوجات الثانيات والله انا انسانه طيبه ولا عمري ضايقت احد رغم انو يصدر امور من زوجته الاولى بس اقول ما عليش انا الثانيه وبتحمل ..

اقولكم شغله ورب البيت يوم تدخلو بيتها تتهنون تعالو لو تشوفو بيتي تقولون اش ذا جايب عفش جديد بس وين ولما سالته ليه تعليها عني قال ليه انتي اشفي عفشك ..

وربي انا تعبااانه بليز ما حتى اقدر اكمل كتااابه من القهر اللي بقلبي

هذا حب ولا عذااااب

>>>>> ردود الأعضـــــــــــــــــــاء على الموضوع <<<<<
==================================


الله يعينك صراحه
امه مالها حق
وانتي ليه رضيتي انها تعيش معاك
والثانيه دائما مهانه


__________________________________________________ __________

معلش استحملي لكن ضعي حدود لامه اغلقي غرفة نومك لما تطلعي منها وهي راج تفهم الرسالة اما زوجته الثانية فانتي كنتي عارفة بوجودها وطبعا مين فينا ما تعرف ما يترتب على الزواج من رجل متزوج انتي تزوجتيه وانتي عارفة انك راح تتعرضي لمواقف مع زوجته واولاده اذا استحملي دام يوفرلك طلباتك ولو نسي شيئ مرة هذا لا يعني انه اهملك وتغيري منها وتخربي زواجك كبري عقلك وترفعي عن صغائر الامور


__________________________________________________ __________

أم زوجك الله يهديها أغلب الحموات كده
يريدون التدخل في كل صغيرة وكبيرة
يارب إعطينا الصبر و ساعدنا
الله يهديلك زوجك


__________________________________________________ __________

بالنسبه لأم زوجك بينيلها انزعاجك (بدون قلة ادب وجرائه)
اذا مانفع ممكن تكلميها بمنتهى الادب يضايقني اذا احد دخل غرفة نومي ما احب احد يتدخل بخصوصياتي عاد شوفي الاسلوب المناسب وكلميها
بالنسبه لضريبة زواجك منه انتي رضيتي ولا تنسي انك خطفتي رجل من زوجته يعني مستحيل ان تيجي وحده تخطف زوجك منك صح ولا لأ؟
انتي سويتي كذه
الله يعينك


__________________________________________________ __________

دامك زوجه ثانيه تحملي
لايجيك الثالثه