عنوان الموضوع : اختي الصغيرة والانترنت !!!! -لصحتك
مقدم من طرف منتديات نساء الجزائر

اختي الصغيرة والانترنت !!!!



انا مشكلتي اني قلقة من اختي واستخدامها للانترنت اختي بصف رابع ابتدائي يعني توها صغيره وبصراحه النت مايصلح للاطفال ابداً هي دائما تستخدم اليوتيوب واليوتيوب فيه مقاطع بايخه وقذرة. غير تعليقات اعضاء اليوتيوب الي كلها الفاظ اقذر من القذاره. والي اسوأ من اليوتيوب المنتديات الزوجيه وكلامهم الجرئ جداً جداً مو مناسب لطفله صغيره ابداً. **
وانا الي اعرفه انها ماتعرف كيف المرأه تحمل**
لكن بدرس في العلوم قالتلي انا اعرف كيف يعني تكاثر جنسي. وانا اتوقع انها عرفت من الانترنت.
واحس كذا المعرفه من الانترنت اكبر غلط. تمنيت انها تعرف بطريقة مرتبه اكثرر.**
انا ما اقدر امنعها من الانترنت لا نها تتصفحه بالآي بود الخاص فيها. وهي تحب تتابع المسلسلات الكوريه والمكسيكيه وهذي للاسف كلها حب ما حب. انا خايفه ع اختي وماابغا عقليتها تتلوث. انا لما كنت صغيره ماكان في بيتنا اي شي خادش للحياء ماكن في طفولتي انترنت نهاااائياً حتى التلفزيون القنوات الارضيه والاخباريه والعلميه بسس.**
كانت كل تسليتي بالالعاب او بالبلاي ستيشن
او بالدفاتر التلوين باربي وسندريلا وغيرها وكنت احب اجمع الاستيكرات يعني كانت اشياء مسليه جداً انا ابغى اختي تكون كذا لكن اختي ماتهتم بالاشياء هذي بس هي تحب البلاي ستيشن لكن ماعندها بس امي قالت راح تجيبلها. وانا مفكره اول ماتجيب لها البلاي ستيشن خلاص راح ارمي الاي بوود. يعني راح يكون عندها شي تتسلى فيه وكذا يعني مافيه انترنت بالنسبه لها لاننا ماعندنا لاب توب معتمدين ع الجوالات. وش رايكم ارميه ولا لا. بس المشكله لو قالت لامي الايبود ضاع اكيد راح تجيب لها واحد جديد. كذا راح تفشل الخطه وانا ما اقدر اقول لامي انا الي رميته عشان النت. لان امي ماتعرف تستخدم النت وانا قايله لها انو النت نظييف. اخاف حتى تمنعني انا منه.وانا طالبه في الجامعه احتاجه النتائج والجدوال كلها بالنت.
بجد الموضوع مأنب ضميري يعني من حقها انها تعيش طفوله بريئه احنا كذا نظلم الاطفال كثيير لما نعطيهم النت. انا ابغى امنعه عنها ابغى انسيها انو فيه شي اسمه انترنت الين الجامعه او الثانوي بس بدون ماتدري انو انا ورى الموضوع ..ومعليش لو طولت في الموضوع اتمنى**اشوف ردودكم وشكراً ^_^**

>>>>> ردود الأعضـــــــــــــــــــاء على الموضوع <<<<<
==================================


حاولي تتقربي منها وخليها تحكيلك شو عم تعمل ومع مين عم تحكي
او حتى اجلسي معاها وهي على الانترنت ششوفي شو عم تعمل


__________________________________________________ __________

الله يحفظها
انا مره سمعت تقدري تحجبي موقع اذا ماتبغي احد يشوفه او يتصفحه بس ماادري عن صحة ذا الكلام


__________________________________________________ __________

حبيبتي
والله انا مثلك اخاف على اولادي من هالتقنيه
بس شر لا بد منه خاصة في وقتنا
لكن تقدري طالما انها صغيره
تدخلي وراها على طول وتفتحي الصفحات اللي فتحتها
وتقوليلها عيني عينك انا راح اتابعك واشوف وشو تتصفحي
والله اخوي وزوجته تخيلي بنتهم كبيره وكانت بتتزوج قالولها
اي صفحه تدخليها راح نشوفها بعدك
انتبهي
مع انها كانت محتاجه ضروري عشان تثقف نفسها
انتي اعملي مثل كذا معاها
وامك قوليلها قولي انا محتاجه النت عشان الابحاث
انتو الان مو مثلنا اول كله كتب من مكتبة الجامعه وانتهينا
الان كله حتى الواجبات بالايميل والبحث من النت
انتبهي لها
والافلام احذرررررررررررررري
قفلي التلفزيون هاوشيها لا تخليها ترى تتعود بعدين
وهذي الافلام كلها خلاعه وحب حرام واحضان وزنا وحمل غير شرعي
ماتناسبها ابداااااا


__________________________________________________ __________

والله انا كمان عندي خوات صغار والتكنولوجيا اي فون والاي باد خربوا بيتنا
يعني انا لما كنت صغيره كان اهتمامي دراستي وما كان عنا نت وهي انا طلعت هندسه بس خواتي ما همهم غير النت


__________________________________________________ __________

اذا تبي مصلحتها اتبعي طريقتي انا مسويه كذا

الايبود و الايباد فيه طريقة تقفلي تصفح النت كلياً يعني يصير برامج و العاب بس
ادخلي ع :
الاعدادات
ثم
عام
ثم
قفل القيود و اتبعي التالي :
حطي رقم سري و احفظيه انت و بعدين يطلع لك البرامج اللي تقفليها و
قفلي سفاري ( اللي يبحث المواقع حق قوقل )
و قفلي البيوتيوب و بكذا اختك راح تدوره و ماتلقاه و اذا سألتك قولي مدري و خليها تفهم انه تبرمج و انحذف ،

و انتبهي النت بيدها خطررر قبل سنه مسكنا بالمدرسه طالبه صغيرة معها افلام اباحية وكل هذا بسبب اهمال الاهل و اتباعهم التكنولوجيا و اليعنني احنا ناس كشخه

الحححححقي عليها واذا فشلت خطتك لازم تفهمي امك الكلام هذا
عشان اختك و انتي ماراح تمنعك امك لو وضحتي لها سلبيات و ايجابيات النت
حتى لو ضحيتي بنفسك و منعتك اهم شي اختك لااااا تضيع و تلقا لها شاب يلعب براسها