عنوان الموضوع : ابغى بس مساعده او نصيحه واللي ما تقدر دعوه ممكن:"( -لصحتك
مقدم من طرف منتديات نساء الجزائر

ابغى بس مساعده او نصيحه واللي ما تقدر دعوه ممكن:"(



السلام
انا دايم اكتب لكم مشاكلي والله يعطيكم العافيه تعطوني حلول
بس احس ان هالمشكله مالها حل مو تشاؤوم بس احساس
مشكلتي هي اني بنت كان معاي بلاك بيري و ضفت فيه واحد و خليت الجوال مفتوح ما سكرت الجوال بالرمز وخالي كان موجود وشاف محادثتنا و وراها امي وجاك الموت ياتارك الصلاه ضربتني وهزئتني كان يومها بنطلع البر المهم طلعنا واللي عارف بالموضوع امي واختي وخالي واخواني الصغار عارفين لمحه من الموضوع و جدتي اتوقع ،، امي ما تكلمني واذا شافتني ضربتني المهم رحت لها و جلست اتاسف الين حلينا الموضوع سحبت مني اي جهاز وكان هذا الكلام ايام المراجعه لاني طالبه وصاروا صاحباتي اذا يبوني يكلموني بالبيت خذت ايباد اخواني وجلست اتسلى عليه المهم ان امي و اختي احس اني صرت طايحه من عينهم يعني اذا سويت اي شئ لا هذي صايعه شئ زي كذا يعني ماصرت مثل اول المهم جاء الاختبارات ارجع من المدرسه امي صارت مو مهتمه لي مثل اول طلعت النتايج وجبت 98 ومافرحت لي حتى اني قلت انها نسبه مو حلوه علشان كذا مافرحت و انا اول ماشفتها ما توقعت اني اجيبها امي المهم اختي رحت اقول لها اذا ابي امي تعطيني جوال وش اسوي قالت لي اهي قالت لي من سابع المستحيلات تعطيك جوال قلت يعني وش اسوي قالت يمكن لا صرتي عاقله ومو رجه يمكننن تعطيك جوال و اذا خلصتي الثانوي بعد او المتوسط المهم امي عطتني جوالي وقالت روحي بكره بيعيه وجيبي ايباد لك وخلي حق اخوانك علشان يبون ايبادهم قلت بجيب ايباد بكاميرا حسيت انها بتموتني او بتاكلني من نظراتها قالت لي ليش تبين ايباد بكاميرا قلت لها عادي يعني اذا ابي اصور وحنا مسافرين او برا وعجبني شئ وعرفت انها مو واثقه فيني تالمت وعارفه اني غلطانه لكن كل انسان يغلط وهذي غلطتي حتى رب العباد يسامح ليش البشر ما يسامحون والله تعبانه نفسيتي ارجوكم ساعدوني حياتي مره مخربطه وش اسوي ابي ارجع حياتي طبيعيه حتى انا اذا طلعت اجيب لها معاي شئ مره ورده ومره هديه علشان تنسى بس مافي فايده وش اسوي افيدوني بليز

>>>>> ردود الأعضـــــــــــــــــــاء على الموضوع <<<<<
==================================


عاد لقافة خالك على عدم تفهم امك

على تسمع اخوانك الصغار على الاسلوب الخاطئ في الحرمان واللامبالاه والاهمال

على عدم اظهار الثقه ....... الله يهديكم جميعا

اتكلمي بشكل خاص مع امك وقولي لها كل البشر خطائين

وانا اخطيت ومنك السماح ... ووعد وكوني جاده بوعدك انك مراح تضيفين شباب وتكلمين

اصلا مراح تستفيدي شئ بالاخير كل الرجال بلا استغفر الله المهم

شكلك بالمتوسطه لسا تقدري تبني علاقات كويسه مع امك

الله يحنن قلبها عليكي وعاد خالك الملقوف هذا ماله حل ههههه


__________________________________________________ __________

الله يهديك بس..أول شيء درس لك وتوبي الله يتوب عليك..ثانيا كلمي امك الله يحفظها وصارحيها انك ندمانة وانك تبتي واطلبي منها رضاها هي مو عشان ترجع لك الجوال..عشان ترضى هي عليك بس..ثالث شيء انتظري رضا الوالدة واقتناعها انك تبتي..وعسى الله يصلحك ويهدي الحال..والله الموفق


__________________________________________________ __________

تستاهلين احد قال لك ضيفي شباب
صحيح ان الكل يغلط بس كل واحد يتحمل غلطته
اذا تبغﯽ امك ترضﯽ عليك وتسامحكك
كل يوم جيبي لها ورد
واكتبي في الورد سامحيني ...والخ
وساعديها بتنظيف البيت وكذا
واجلسي معاها وسولفي وقولي لها ندمانه وكذاا
حاولي تكبري بعينها
:-)


__________________________________________________ __________

الله يهديك ويسخر لك امك


__________________________________________________ __________

كوني قريبه من امك واحكي معه بطريقه خاصه وارتمي بحضنها وقوليها انا اسفه وندمانه حيل وانك وماراح تكرار الغلطه هذي وزي ماقالتي جيبي لها هدايه
وصديقني راح ترضى عليك
الله يطمن قلبك وترجع علاقتك مع امك احسن من قبل يارب