عنوان الموضوع : زواج زوجي كسر قلبي وخلاني انفر منه... -تم الاجابة
مقدم من طرف منتديات نساء الجزائر

زواج زوجي كسر قلبي وخلاني انفر منه...



مرحبا
انا متزوجه من سبع سنوات وكرست حياتي لعائلتي وزوجي وصبرت على الظروف القاسيه في بدايه زواجنا وكنا نعيش اجمل قصه حب بس فجأه من فتره زوجي خبرني برغبته بالزواج من ثانيه كان الخبر مثل السوط اللي يضربني بكيت لين نشف دمعي ثم استسلمت للواقع
زوجي قال سبب الزواج انه شاب وعنده رغبه في التغيير وهذا الشي ريحني اني ماكنت مقصره عمري 26 وعمره 32 والحمدلله مدحني قدام اهلي واهله بس انا شي تغير بداخلي تجاه زوجي ماصرت احبه زي زمان صارت تجيني حومة كبد وغثيان لما يتقرب لي احس انه واحد غريب مو زوجي
بعد زواجه سافر لمدة عشرين يوم لاوروبا وانا سبع سنين ماتعديت حدود المملكه
رجع واول يوم جاء للبيت ما استقبلته وقفلت على نفسي في الغرفه ماودي تنكسر صورته في ذهني جلس مع عياله شوي ثم جاء يدق الباب وفتحت له وسبحان الله كنت اتوقع اني باشتاق له بس جاني منه نفور فضيع لدرجه انو اجبرني على العلاقه الزوجيه وتجاهل صوت بكائي ورجائي
وصار كل ليله لمده اسبوعين يتسلل ويحاول يجبرني لكن رفضت بشكل قاطع هالمره
وبالنهايه تعبت من هالحاله وانفجرت بوجهه وخبرته بنفوري منه زعل وعصب وطلع من البيت لمده 3 ايام ما جاء وبعدين رجع وسلم على اولاده وطلع من البيت ثم ارسل مسج يهددني اني لو ما طاوعته تلعني الملائكه وكذا
رديت ماجهلني هالشي بس نفسي عافتك ماتتقبلك كل شي بالغصب الا العلاقه
قال بتوافقين دام النفس راضيه
طبعا مارديت لان زوجي طبعه العناد ماحبيت اتمادى معاه

بعد فتره صار طول الوقت ينام بشقتي قلت له لاتظلم هالمسكينه زي ماظلمتني قال مو مرتاح معها وما ابغاها وافكر بالطلاق ..قلت بنات الناس لعبه بيدك حسبي الله ونعم الوكيل
انهبل وصار مثل المجنون يصارخ انا اربيك وطلع من البيت ثم رجع بالليل طبيعي ما كأن شي صاير وجايب لي اسواره ذهب وتأسف مني لدرجه انو قام يبكي قدامي عشان اسامحه انا مجبوره سلكت له وصرت امثل اني طبيعيه زي اول بس احس ان كرهي انصب على زوجي من وراه صرت احتقر كل الرجال حتى اخواني تحوم كبدي لما اقابلهم
ياترى كيف اتخلص من هالنفور لاني مجبوره عالعيشه معاه عندي عيال منه ما ابيهم يتشتتون غير ان زوجي ماتغير من ناحيتي حتى بعد الزواج حلوني وش اسوي تكفون

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممممممم *.*
هو شكله ندمان انه تزوج
من رايي انج تسامحيه ادري صعبة عليج عشان عيالج قبل لا يكون عشانج
بس وضحيله بشعورج ناحيته وانج محتاجة وقت عشان ترجعين مثل اول
موفقة

استغفر الله العظيم الذي لا إله إلا هو الحي القيوم و اتوب اليه


__________________________________________________ __________

حبيبتي قولي الحمدلله أولاً وأخيرا
الحمدلله يعتبر ماضلمك كتير
صحيح كسر قلبك وجرحك بس ماتركك ولاهجرك
بالعكس مازال متمسك فيكي ومن كلامك مبين أكتر من أول
وأحلى شي عرف قيمتك لأنو مارتاح من زواجو التاني
ودي نقطة في صالحك
خليه يعوضك عن كل شي صبرتي عليه
سفر وصرفيات
خلاص أول كنتي تقولي اصبر عليه لاكن دحين فيه غيرك ادا وفرتي راح يروح كل شي لها
خدي كل حقوقك كاملة ولاتتنازلي عن شي لك
وزوجك أتزوج يعني يخاف الله مارح بالحرام ودي صفة حلوة فيه
حاولي ترجعي مش زي أول أحسن من الأول
ماعاد فيه شي تخافي منو
وربي يجبر بخاطرك.


__________________________________________________ __________

رايي سامحيه يمكن هو تزوج وشاف الفرق وحس بقميتك
موفقـــــــــه


__________________________________________________ __________

استعيني بمستشار اسري ليعينك على هذا الأمر


__________________________________________________ __________

حبيبتي ترى عادي لتزوج عليك مافيها شي كثير ناس كذا بس لاتحسسين ولا تعطين الامر اكثر من حجمه تقربي من زوجك وحتويه وفتخري فيه دامه عازك ويبيك والله يدوم المحبه بينكم