عنوان الموضوع : امي سودت حياتى ف الدنيا ورح تحرمني الجنه فى الاخرة الطبيب يجيب
مقدم من طرف منتديات نساء الجزائر

امي سودت حياتى ف الدنيا ورح تحرمني الجنه فى الاخرة



انا عمرى 17تقدم لخطبتي رجل في 34 فى البداية لم اوافق لان فارق العمر بيننا كبير ولكن امي غضبت علي ودعت علي وقالت "أشوف فيك يوم ..واذا ماوفقتي عليه ان شاء الله يتقدملك واحد غيره بعد ماتعنسي ويربيك ويخليك تبكي دم بدل الدموع "ولله دعوات اكتر من هذه وبطريقه تخليك تتمني الموت علي انك تسمعيها انا وافقت لاني خايفه من غضب ربي وقلت عوضني خير يارب ..هذي المشكله خلتني مهزوزه وماعندي امل في الحياة ويشهد الله كم من ليالي بكيتها وانا ادعي "يارب اموت قبل لا اتزوجه " كل البنات في عمرى متحمسات للحياة وعندهم طموحات الا انا امى الي هدمت تقتي بنفسي وخلتنى شي ماله لزوم من وانا صغيرة عمرى 6اتدكر لما كانت تقولي من يوم شفتك ماشفت الخير وتقولي انتى مريضه ومجنونه هملتنى بطريقه خلفت في داخلي مشاعر كره وحقد وخوف واكتر احزانى انها خلتنى اشعربالنقص ..كانت ماتعدل بينى انا واختى ولا اخوانى تفضل فيهم علي ليش يارب سالت نفسي كم مرةبس مالقيت جواب ..ماعندى اقارب وماعندى صديقات وانا واختى متناقضات لابعد الحدود في كل شي يعنى هي ماتصلي وتكلم شباب وعندها صديقات تحبهم اكتر منى وتسمع اغاني وعايشه حياتها علي كيفها وانا ولله العظيم مايسمحلي ضميري اعيش يوم واحد من الايام الي تعيشها اختي من المعاصي الي فيها ...ماتحب تتكلم معي ولا تحب تسمعلي لان كل كلامي نصائح انصحها بالصلاه واذكرها بعذاب القبر وعذاب تارك الصلاه واسمعها محضرات دينيه علي عقوبة سماع الاغاني والتبرج ومراسلت الشباب ومصادقتهم لكنها ماتسمعلي وماتهتم بكلامي واحيانا ترفع صوتها علي وتقولي "مالك شغل هذي حياتي وانا حره " كيف يعنى حره ؟انها تخالف اوامر ربي وتستكبر عليها تكون حره ؟ اختي ظاله وانا اعرف هذا الشي وهذا هو سبب وجع قلبي هي واخواني لاصلاه ولا عباده ولما انصحهم يتأففو ويحتقروني ويسو نفسهم مو سامعين
امي تقولي انتي يهودية !ياويلك من الله !صلاتك رياء ونصائحك خليها لنفسك .
ليش تكفرني امي وانا ماني كافره ؟كان الافضل انها تقول هذا الكلام لاختي او احد اخواني اما انا ربي يشهد اني اصلي خوفا منه ولاني اريد الجنه وحياة الدنيا ماتسوا عندي اي شي ...ولله متسلحه بالصبر والقراءن بس والا ما اقدر اتحمل كل ما نصحتهم ونهيتهم عن منكر قالولى مجنونه ومزعجه ومنافقه ..في الوقت الي كلهم يقولولى انتي دعائك مستجاب ادعيلنا !! انا مشاكلي كتيره وما ابي اتكلم الا عن مشكله وحده وهي امي ما اعرف اتصرف معاها دائما توقف ضدي في كل شي تحتقرنى وماتهتم بكلامى ولا تنفدلي مطالبي الي ماهى صعبه ولاهى كتيره ولله العظيم انها تروح لسوق وتشتري لاختي واخواني وانا كأني شي شفاف ماتشوفه ...كلهم تعطيهم مصروف الا انا تقولي ماعندي وبعض المرات تعطيني اقل وحده في الوقت الي انا احتاج مصروف اكتر من اخواني الي اصغر مني ...انا الوحيده الي اقوللها اذا ماكان عندك مو لازم تعطيني اليوم واقدر ضروفها لكن هي عمرها ماحست فيني انا خانقتني العبره وماعاد اعرف شو اكتب ولا شو اخلي بس وللهي تعبت ليش مصيبتي جت فى امي انا اخاف من غضب ربي اذا اغضبتها وهي كل الوقت تستفزني وتعمل المشاكل معي قولولى ليش ربي ماكتبلي الجنة !؟رغم صلاتي وصيامي وصبري ودعائي وانا واثقه كل الثقه اني عمرى ماغلطت غلطه كبيرة او ضعفت قدام هذه الفتن والملابس القصيرة والملونه وكلام الحب والعلاقات الي ضيعت كتير من البنات الي فعمرى حتي صديقاتي فى الثانوية لما انصحهم يقولو عني معقد ويقولو ان عندي شيخوخه مبكره !واني لازم اكون مثلهم عشان يحبوني الناس وماينفرون مني !!بالله لهذه الدرجه المجتمع الي اعيش فيه نذل وحقير ولله مايستحقو نعمت الاسلام يعني انا لو لبست الحجاب الشرعي واطعت ربي ورسوله الكل يكرهني حتي امي ؟؟ ليش ؟؟لا اعتراض علي حكم الله المسلم دائما مصاب ،والصبر مفتاح الفرج لكن مافي شي اصعب من دمعت الظلم والقهر كل ليله وكل مايزيد همي ما اقدر اوقف دموعي واردد حسبي الله ونعم الوكيل ولله كل الي فقلبي ما اقدر اقوله لانكم مارح تصدقو ولاني اخجل اقوله مهما كان ما احب احد يشوف امي بصورتها الحقيقه الي تعبر عن الظلم ولو تاخد عدابها فى الدنيا افضل من الاخره لانها ما تأمر بالمعروف ولا تنهي عن منكر اخواني يكلمو فبنات الناس وهي عندها علم لما اكلمها او انصح واحد من اخواني ترفع صوتها علي وتقولى مو شغلك ومافي كلمه مو زينه الي تقولها فى حقي وتقعد تتمسخر علي هي واختي ويضحكو بصوت عالي وطريقة مستفزة وعندها عادي ان اخواني يشوفو المواقع الاباحيه ولما مسحت مقاطع الفيديو وقلت اني رح كسر الاب توب قالتلي علي اساس انتي ماتتفرجي عليهم انتي اكبر صا***** ولله حرام تتهمني وانا برئية كل الاساتذه والمعلمات فى المدرسة يشهدو علي احترامي وادبي واختي الي تراسل ف الشباب وتصادقهم كانت تبي تجرني معاها لو علي موتي ما اكلم شاب ولا اصادق اي احد انا حتي خطيبي ما اكلمه ...لو تعلمو كيف اختي تنافق فى امي وتكذب عليها وتمتل عليها انها تحبها وانها محترمه وانها البنت الخلوقه و المسكينه امي مصدقه بس اختي من وراها تقولي ماعندي ثيقة فى امي وما احب اصارحها بشي ...وانا اتمني اكون يوم بمكان اختي عشان اشعر بأهتمام امي ..
يعني انا ربي غاضب علي ؟؟يعني صلاتي مالها فايده ودعائي مارح يستجاب ؟ولله انا مظلومه ولله العظيم الكل جاي ضدي لاني اعارضهم وادكرهم بالدين ليش يارب بليتني بأم مثلها انا ماني عاقه بس هي تظلمني ولله صايره معي مشاكل بسببها بس ماودي ادكرها لاني اخجل بصراحه ...
انا اعرف ان عقوق الوالدين من الكبائر وان غضب الام اخطر من غضب الاب
وعاق الوالدين مايدخل الجنه بس الي زي حالتي وين يروح شسوي بالله عليكم

>>>>> ردود الأعضـــــــــــــــــــاء على الموضوع <<<<<
==================================


ما في ام بتفرق بين ولادها
القصه لازم تنسمع من الطلافين


__________________________________________________ __________

صراحه احي فيك تمسك هذا رغم كل شي انتي ماغلطتي في حق امك بالعكس انتي تنصحيها لكن دون مستجيب انك لاتهدي من احببت والله يهدي من يشاء انتي ادعي لك امك بجوف اليل يوم من ايام صارحيها وارتمي بحضنها يمكن تحس فيك اما من ناحية خطيبك يمكن هو اللي يعوضك عن كل هذا العذاب ماتتدري وعسى ان كرهتموا خير لكم
موفقه ياقمر وان شاء الله ربي يهدي امك واختك واخوانك واذا كان فيه خير خطيبك يكتب لك الزواج منه
عندي سوال ماذكرتي ؟؟؟؟ دور ابوك ؟؟؟


__________________________________________________ __________

الله يفرج همك


__________________________________________________ __________

ياعمري والله دمعت عيني لما قرأت موضوعك لكن اصبري لانه مهما تكون امك والله يهديها والقابض عالدين كالقابض عالجمر في وقتنا هاذا الي كله فتن والله يثبتك وعليك بالدعاااء لهم واشغلي نفسك بالاستغفار


__________________________________________________ __________

ياروحي صبر جميل والله المستعان بس صدقيني ربنا ماراح يضيعك وراح يعوضك والله في الدنيا او في الاخرة ويمكن الاتنين وما تدري يمكن خطيبك يكون فرج لكي من رب العالمين ليش ما تكلميه اذا ملكتو عادي يقلبي تكلميه يمكن يحسسك بالحياة والحب وتنشغلي معاه عن مشاكل اهلك ادعي الله واستمري في الدعاء والله الفرج قريب صدقيني اهم شيء تكوني انتي مرتاحه مع نفسك واهتمي في دراستك وخلي عندك طموح واهداف بكره ان شاء الله تتخرجي وتكوني انسانه ناجحه واهلك راح يحسبولك الف حساب وربنا يوفقك وانا عارفه انو وضعك صعب وحاسه فيكي بس ايش الواحد يسوي مو احنا الي نختار اهلنا ربنا مقدرلنا ده الشيء والله يعوضك بكل دمعة وهم شلتيه بفرح وسرور من عنده سبحانه وتعالى .