عنوان الموضوع : انثى تريد المساعده !
مقدم من طرف منتديات نساء الجزائر

انثى تريد المساعده !



السلام عليكم ورحمة الله و بركآتهـ

كيف حالكـم . . ؟؟

أتمنى تكونوا بخير و صحة و عـآفيه

مشكلتي هي . . .

انا بنت عمري 14 سنه

صفاتي من عمري 3 ـ 6 سنوآت

ترتيب العائله : 4 و قبلي ثلاث اولاد و بعدي بنت صغيره جائت بعد اربعة سنوات

شعري : بوي

لبسي : بوي

حركاتي : بوي

اللعب مع : اولاد اخوآني شي طبيعي

طبعاََ قصت شعري امي كــآنت تقصه لي عند الحلاق ركزوا حلاق مش كوفيرا

يوم كبرت و دخلت اولى ابتدائي قررت امي تخلي شعري بناتي بمعنى طووويل

مرت ثلاث سنوات و شعري ما شاء لله وصل لحد خصري

في المدرسة كنت دلوعة يعني حتى الانوثه ظهرت على

شبصات و شرائط اشكال و الالوان كانت امي تحط لي و حلق و كل شئ

و مره رحت ويا امي لـِ عزيمه و بعدها والله ما اكذب شعري صار يطيح بشكل مو طبيعي

لدرجة صار فراغ كبير في رأسي و كنت استحي اروح المدرسة فيه

اخاف من نظرآت المعلمات و الطالبات لي المهم الحمدلله ان المدرسة كانت اسبوع و تنتهي

بعد الاسبوع كان في طالبات يجون بس انا امي ما رضيت تخليني اروح

حتى الشهادات ما حضرتها مع أني كنت من المتفوقين بس يلا الحمدلله ^^

في العطله الصيفيه اهلي كانوا بـِ سافرون طبعاََ امي قالت لازم نشوف حل لـِ شعركـِِ

ما يصير تروحين بهشكل !

اهلي ما خلوا مستشفى الا ودوني و بعدها رحنا شيخ و قال لـِ امي و ابوي كلام

انا اختكم ما ادري بس ما صحيت الا امي تقول قومي بنروح نقص شعركـِِ

طبعاََ المكان اللي من و انا صغيرة متعوده اروح له الحلاق و اقص عنده رحت بعد عنده

قصه لي بوي بس تحت الاذن

على عموم مرت الايام و سافرنا و جائت المدرسة

دخلت المدرسة و كنت الصف الرابع و شعري لحد الحين ما طول على نفس حاله

بس الفصل الثاني طول لحد رقبتي حسيت بخنقه بعد ما طول و صبرت لحد ما تجي

الاختبارات مالت الكبار و اكلم امي في موضوع قصت الشعر كنت في البدآيه خايفه

اكلمها فصرت ألمح لها شوي و شوي لحد ما قلت لها و استغربت انها وافقت

طبعاََ قصيته و استمرت قصتي لـِ البوي لــِ لعمري 14 سنه

مع العلم اني حسيت بفقد الانوثه يوم قصيت شعري لان مافي احد صار يهتم فيني

ولا يحط لـِ شباصه ولا تاج ولا شئ حتى امي صار اهتمامها في اختي اكثر

ما ادري ليش حسيت كذا يمكن لاني حساسه او شئ بعدها صرت اللعب مع اخواني

اشترى لي ابوي بلاستيشن لونه وردي بس اعطيته اختي و اشتريت اسود

صرت احب الصفات الشبابيه مثل يوم كنت صغيرة ما تغير طبعي مشيت تصرفاتي

و العباية ما لبسته الا يوم صار عمري 13 يوم هاوشتي المديرة مالت المتوسط

مسكتني وقالت شوفي يا تلبسين عباية و تغطي زيك زي البنات ولا والله اكلمك والدتكـِِ

قلت لها بتصرف شباب طيب طيب عصبت بس ما تكلمت و خلتني

المهم صارت مشيتي عربجيه و شعري و كل شئ فيني انقلب حسيت نفسي غيري

اشوف صديقاتي نعومات و لبسهم حلو و الميك اب عليهم خفيف بس مظهر الانوثه

شعورهم طويله اتفقت مع صديقتي ان نقص بوي هذي السنه مثل ممثله نموت فيه مو عربيه

على عموم غدرت فيني و قصته بس لـِ كتوفها و انا قصيته بوووي و مكتوب شرط

ان البنت اللي تقص بوي راح تنقص ما ادري كم درجة بس ما احد نقصني

و مره تخيلوا قالت لي وحدهه في الفصل انتي بويه قلت لها بعصبيه هييي احترمي نفسك

الحمدلله انا مو بويه ولا افكر اصير قالت لي بس شكلك متشبهه و كل شئ فيك شبابي

انتي سبورتيه صح قلت لها يبه لا بويه ولا سبورتيه انا كذا طبيعتي كذا

المهم شكلها خافت و راحت عند صديقاتها يااخي ينرفزون اللي كذا

اصلا تعودت اسمع كلمة بويه ولد . . الخ من قريباتي كمان مو بس بنات المدرسة

مره قالت لي وحده اكبر مني بسنه انا احبكـ الحين هي تفكر اني بويه او مسترجله

عشان كذا جائت قالت لي هالكلام المشكله اكبر مني قلت لها نعممم طبعاََ تفاجأت

ادري في حب بنات و كذا كثيراََ في مدرستنا بنات يحبون بعض الله يهديهم

استغربت يوم قلت لها حرام و ما يجوز و عصبت عليها شي يضحك صح ان وحده

شعرها بوي و ذوقها كمان نفس الاولاد تقول حرام و كذا بس وربي تقعدت من بعد

شعري الطويل اللي طــآح ودي اتغير ودي ارجع مثل ما كنت بس ما اقدر كل ما احط شئ

اخواني يضحكون على مره لبست فستان ناعم امي اشترت لي على اني البسه في سابع ولد
بنت خالتي

يوم لبسته قابلني اخوي ضحك على ههههه من جدكـِِ بتروحين السابع

كذا طيب ليش ما تلبسين ثوب و تروحين احسن مو لايق عليكـِِ هذا

حزت بخاطري بس مثلت اني ما ابغى و عصبت حتى السابع ما رحت هذا الكلام صار معي

هذي السنة يعني مو قبلها

خلاص صرت اكره الاشياء الانثويه كلها

يعني هل انا بويه بتصرفاتي ذي ؟؟

ولا لاني تعودت من زمــآن ؟؟

و شنو الحل تكفوووون ؟؟

اعتذر على الاطآله

مع السلامه ^^

>>>>> ردود الأعضـــــــــــــــــــاء على الموضوع <<<<<
==================================


انتي انثى رائعه لديها كل الصفات الانثويه’, ينقصها فقد الثقه والقدره على التغيير ومواجهة الاخرين, ابنتي كل شئ في بدايته صعب, لكنه مع الوقت يصبح سهلا, ويجب ان تلبس اللباس الانثوي منذ اليوم, واتركي من يريد الاستهزاء لانه مع الوقت سيتعود على مظهرك,, انتي مازلتي صغيره ارجوك لا تضيعي نفسك, واخرسي كل من يتكلم ويهمس ويتهمك بانك بويه بلباسك الانثوي الذي سترتديه ابتداءا من اليوم انشاء الله


__________________________________________________ __________

وعليكم السلاام

انا مع الأخت اللي فوق ^
بعدينن حبيبتي انتي يتهيئ لگ ان تصرفاتگ صبيانيه والخ بس لان شعرگ كان طويل وفجأهه راح اضطريتي تقصينه بويي مأثرهه عليگ وأكيد السالفة عينن انتي بس لاا تخلينن القرايةة ولاا تنسينن الاذكار والادعيةة ومويةة مقري عليها وان شاءالله يرجع شعرگ طويل وأحلى من اول كمان بس مؤ تقصينه وخليگ واثقةة من حالگ مؤ اي شيء يأثر فيگ ابدي من اليوم كل ملاابسگ السبورتيه او الشبابيةة انسيها او خلي امگ تتبرع فيها وأشتري ملابس بناتيةةة وحطي شويات بلاشر وقلوس وأي لاينر ابدي خطوة بخطوةة ولاا تهتمينن لكلاام البنات اللي يشوفونگ بويةة لانگ احلى البنووتات ي قمر :*
بالتوفيق ي حلوهه ولاا تخلينن كلامهم يهزگ ولاا يخليگ تتراجعينن انتي قدها وقدوود ان شاءالله ما يخلص هالاسبوع الا مغيرهه ستايلگ لـ بنوتي وتفضينن الخزانةة من لبس العيال


__________________________________________________ __________

انا قرات مشكلتك للاخير وبقلك شئ مو كل وحده تقص شعرها
لين اذونها تتعتبر ولد

شو هالتخاريف عادي في ناس يحبو ه الموضه
يعني كثير من الممثلات الاجنبيات يقصو شعرهم وعااادي

بس اذا جينا لممثلات عرب او بنات مجتمعنا قلنا عليهم بويات

المشكله عنا في المجتمع الي اذا شاف اي شئ يعتبر بويه

قال بويه بويه ... المهم انتي مو مقتنعه من جواتك انك بويه

الحل انك تصارحي امك او اختك الكبيره

انتي ليسا صغيره وتقدري تغيري هالطبع

مو شرط الشعر ممكن تصبغي تسوي اي شئ فيه

تغيير لوك تقصي قصات تليق بشعرك

روحي كوفيره مثلا كل شهر عشان تشيلي

فتله وتشقري حواجبك
اتعودي ع الكوفيره شوفي بنات ايش يسوو

واعملي زيهم حطي قلوس او مسكارا

اضحكي اتكلمي بنعوووووووومه

امشي مشي عادي دربي نفسك

لاتلبسي بوت البسي فلات ببناتي ملون

سدقيني راح تنجحي وانا انتظر الاخبار الطيبه

الشششششششششششغله يبي لها ارااااااااااده


__________________________________________________ __________

آخواتي شكراََ لكم

كل وحـده وربي كلامها عين العقل

بجد تسلمون بس حآبه اسأل عن معلومه

هل الهرمونات الذكوريه لها دور في حياة انثى

يعني انا ظهرت على اعراض ذكوريه مثلا في اصابع ايدي

السوأل هل لها تأثير ؟؟

و إن شاء لله راح اغير ستايلي بإذن لله (:

وربي امووت في الانوثه بس مشكلتي ما عندي ثقه زايده في نفسي يمكن هو السبب الاول السلبي على حياتي

مشكووورين مره ثانيه

اعتذر على الاطآله و الازعــاج ^^


__________________________________________________ __________

اسفه في غلط

اقصد في اصابع ايدي فوقه شعر خفيف

يعني اشوف البنات ما لهم يعني استغرب من نفسي !

اسفه مره ثانيه (: